Папулярныя біблейскія вершы з Imbombo 1

Падзяліцца

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

U Yesu akababuzya akati, “Utubalilo na masiku tukuyaniziwa nu bulaghili ubwa Tata, sona yite mbombo yinyu pakumanya ukuti zinizi zikwiza pakubombiwa liyi.

Bo babungana poka, u Yesu akababuzya akati, “Mutakepemo mu Yelusalemu, loli mulindililaye ichabupi chicho nkababuzya, chicho Utata wane akabalayizya. U Yohani akozyanga na mizi, loli mumasiku amanandi mukwiza pakoziwanga nu Muzimu Umuzelu.”

Bo amayimba ghache ghamala, u Yesu akababonekela mumasiku 40 mutubalilo utwinji, pakubasimikizya ukuti naloli akaba mumi. Abene bakamwennya, po akanena nabo nizya Bumwene ubwa Chala.

Bo anena zinizi, akasendiwa pakubuka kumwanya bo bakumwenelezya, po akafisiwa ni bingu.

Bakaba bachili bakwennya kumwanya bo akubuka, po umwakuchenusya bulo abanavuli babili, babo bakavwala amenda amaswepu bakimilila papipi nabo, nukubalalusya ukuti, “Mwee bantu aba mu Galileya, choni chicho mwimiliye panapo mukwennya kumwanya? U Yesu yunuyu yuyo akasendiwa kukwinyu ukubuka kumwanya akwiza pakunyokela bunubu, ukuyana namumo mukamwenezezya akubuka kumwanya.”