Папулярныя біблейскія вершы з Pulosay kágad pa Rumián 3

Падзяліцца

parchá ke sajjahénán gonáh kortag o cha Hodáay shán o shawkatá zebahr ant, bale gón Hodáay rahmatay nyámatá o hamá mókagá ke cha Issá Masihay barkatá rasit, rástáwar o bémayár hesába bant.

Issá Masihay sará báwarmandi, é rástáwariay baksheshá pa sajjahén báwarmandána rasénit. Hodá hecch park o péra nakant

Hodáyá Issá é donyáyá dém dát tánke áiay hón hamá kapárat bebit ke cha imánay ráhá gonáhána shódit. É kári pa wati rástáwari o ádeliay pésh dáragá kort, parchá ke gón wati Hodái sabr o ópárá mardománá pésarigén gonáháni sezái nadátagat. Hodáyá chosh kort ke maróchigén wahdá pésh bedárit ke rástáwar o ádel ent o gón wati rástáwariá hamá kasá rástáwar o bémayára kant ke Issáay sará imána kárit.

Parchá ke hechkas cha Sharyatay randgiriá Hodáay démá rástáwar o bémayár hesába nabit. Sharyat bass mardomá sarpada kant ke gonáh chéé.

Anchosh ke nebeshtah ent: “Kass rástáwar naent, hechkas. Kass sarpada nabit, hechkas Hodáay shóházá naent. Sajjahénán cha ráhá táb kortag, hórigá sell butagant, nékkáré nést, yakké ham nést.

Chéá ke má zánén ke ensán cha báwarmandiá rástáwar hesába bit, cha Sharyatay káráni kanagá na.

Hechbar! Bell toré har ensán dróga bandit, bale Hodá harwahd rástgó ent! Anchosh ke nebisag butag: “Paméshká, taw ke habara kanay, barhakk ay o kazáwat ke kanay, péróz ay.”