Папулярныя біблейскія вершы з Zɛnɛse 32

Падзяліцца

Ńyɛɛ ma, “Dífe pâi ŋɔ́nɔ wɔ́lɔ ítôlii a Zeeka fɛ̂ɛ Eezuɛ, kpɛ́ni fêi, ya kɔ́ Ɣâla pɔ́ da núu-kpune, ǹyaŋ íyee a tɛ́ɛ dîa.”

Nalôŋ ǹyɛɛ, “Tɔɔ ŋá lí, kpɛ́ni fêi, ɣele a ƃɔ́.” Kɛ́lɛ Zeeka è mò ma ǹyɛɛi, “Fé pâi ílɛɛ̂i naa í lí, fɛ̂ɛ í lûwa tòo ḿâ.”

Nya ƃe Zeeka ǹyaa tɔnɔ è lɛ̀ɛ naa. Da nalôŋ tɔnɔ dí lɛ́ɛ kɔlɔ mâ kɔ̂i é lɛ́ɛ la zu ɣele é ƃɔ́.

Mɛni ma Zeeka è gwaai ŋí mâ tòli a Pɛniɛ ǹyɛɛi, “Kpɛ́ni fêi, kwa Ɣâla kú kúŋɛi pù gîei, ǹyaŋ ŋáfulu-laai è lɛ̀ɛ ńyêei.”

Tãi nalôŋ è gàa la a gɛɛ ǹyée fé tɛ̀ɛ ní Zeeka mai, è zòŋ a ŋ̀wɛ́rɛ tɔɔ̂i, ǹyaŋ ŋ̀wɛ́rɛ tɔɔ̂i-kao è sìɣe gbulɔ̂ŋ ŋá tãi dí kɛ̀ gɔlɔ mâi kɔ̂i lai.

Nalôŋ ǹyɛɛ mai, “Ílaa ƃa gbɛ̂ɛ?” Zeeka ǹyɛɛ ma, “Ńaa ƃa Zeeka.”

Nya ƃe Zeeka è marê kɛ̀ ǹyɛɛ mai, “Kpera yɛ̂ ílaa lɛ́ mâ.” Kɛ́lɛ è mò ǹyɛɛi, “Ƃa ńaa mare-kɛɛ kɛ̂i lé mɛni ma?” Nya ƃe è lûwa tòo ma nàa.

Ḿaa fé nɛ̃ɛ ní a gɛɛ ŋá íwɛli-kɛ-maa kpanaŋɔɔi da ísãa-laai da sɔlɔ ƃó. Kpɛ́ni fêi, ŋásia-wuruii nɔ́ ƃé ŋá Zɔdiŋ Ya-leei tîyeŋ la. Ǹyaŋ ŋa nâa kɛ́ a núu-kpulu feerɛ.

Mɛni ma é síɣe tãi tí mâ é tóo sâa ma, Eezuɛ-ŋai dífa sua tóloŋ-kao koyânii luu mii, kpɛ́ni fêi, nalôŋ è lɛ̀ɣɛ Zeeka tóloŋ-kao koyânii luui ma.

Nya ƃe Zeeka è mò ǹyɛɛi, “Óo ńâŋ Eberaɣɛ̃ɛ da Aise Díɣâlai, Óo Yâwɛɛ, í mò ḿâ yɛ̂ɛi, ‘Lí pôlu ílɔii su ínuu-suui pɔ́, ŋa pâi mɛni lɛ́lɛɛ kɛ̂i yɛ̂.’

Kpera yɛ̂ ŋgúla ǹîa Isɔɔ yêei, kpɛ́ni fêi, ŋa yaôi mà, va lâ pá la é kúkelee kúpaa kwa nɛyâai da dílônii.