Папулярныя біблейскія вершы з Aes 11

Падзяліцца

Ninin Votut onen Iahova hesieni ka hesan meteisauen ka ileilien mini. Hekatauni vailea en sise koa mal ka hesan keihoen mini keke voum eni. Ninin Votut koanek hesakini heilea revi Iahova ka hehouhou mini. Asuv houlu enek hesi kei mok vahouhou min Ahi ka helong kati. En avong ten kot, kei houmoni hemal en meatin keil. Hermusiltei asas koa kei lesi mal en meten, vuo asas koa longe en ralingen.

Iahova selus ka en provet Aesea vit, “Kosa, losilkatien koa ka en vatiamal onen asuv houlu Deved mai rokol keite teni suval vatiai tai koa ara lati. Ka avaseini, asuv houlu hau tai hekistal rani, hesuval silite mul vitehiteh ran vatte.

Vuo. Navong heles usite onen meatin keil en out netan, houmoni housil sakien ten maluen enges. Anatin, houmoni hemal en koakeil tounah one tovuol ka hekataun koakeil arkeihtei. Ral min selusien onen, helei rahit en usite onen meatin vasi keil ten out netan. Anatin, hetal min selusien takeih onen, heta koteh moulien onen koakeil amum kalkali.

Vatte ten losilkatien onen hehi maluen ka anatinien.

En out vasi keil koa mul rahit Hou Saeon koa vi vatihou votut onen Ahi, tounah tovuol hel ien koa kilea vapurun etai meatin vuo voum vatisa. Ka ileilien usil Iahova hemai hesien revi out netan, hesuval atas mul sien revi vulin.

En hen, tounah vasi keil koa amoul en out netan ito en tomat. Huli rendan keil ito out hetas en tomat hetal min titi sipsip keil. Taegar keil emun imatil out hetas hetal min nani keil koa avi havivi. Ka laeon keil ito hetal min titan buluk keil koa ave musising ka irkantei keil, ka keil imah revi keke titiali keil enges akilea avalamun keil.

Avong hemai keke asuv houlu hau tai koa hekistal en vatiamal onen Deved hemai helomal. Meatin keil vasi ten out netan koa amul soutin iha ilesi ka usili. Anatin, keil imai veni en out kati onen koa hehi moreite vis hehi moreite mok.”