Папулярныя біблейскія вершы з 2King 5

Падзяліцца

En kantri ten out Siria, avat tai tavaeen mul ien, isen Neman. Ka en hen meatin enek, Iahova mumon meatin tavaeen keil ten kantri ten out Siria uvae mulin kantri sav keil. Ven koanek, asuv houlu ten out Siria vouhou mini ka mumoni mai vi mari hetamen tai. Ka avaseini keke Neman kur eis tai koa marite, mesaien ten leprosi mul purun vasi aven.

Ka provet Elisa sila meatin toumien onen va vahit meseini min Neman keke heha hemarindu en kei en Oaisal Sodan hatte hehi oulu (7). Kei viteni mini keke munak houmoni, mesaien ten leprosi hetovuol emun ka aven hemai ris hetolas.

Sakini, Neman maeni ka va en Oaisal Sodan. Kei mual vita en oai ka marindu en kei eni hatte oulu (7) suval asa koa provet Elisa viteni mini. Navong kei mea ran oai, lesi keke aven vasi mutolas. Hiliven mai ris tahos suval hiliven titiali tai.

Navong Neman longe, tin katiat ka vut va en kat onen ka va. Kei viteni min meatin keil onen vit, “!Inau navi hetamen tai! Namundemi keke provet enek hesital heles inau nges. Namundemi keke helomal hehis min Iahova, Ahi onen, ka hetelan hen en out koa mesaien ten leprosi mul ien keke hesak revi avek heto. !Ka vuo! !Kei romumon etai tounah!

Meatin toumien keil onen umai veni ka aviteni mini avit, “Asuv, munak provet enek visuk kovoumon etai tounah takeih, keik kumon asas koa viteni. ?Ka mukave? ?Kosakras kovaha kovamarindu en keik en oaisal enek vasuval koa kei viteni minuk keke avem vamai vato ris?”

Avong tai, atouli enek viteni min ahin onen Neman vit, “Namundemi keke tahos asuv onak vaha vales vis provet onomai ten out Isrel koa mul en provins ten out Sameria. Kei kilea vasak revi aven keke mesaien ten leprosi enek vavus rani.”