Папулярныя біблейскія вершы з တိတုဩဝါဒစာ 1

Падзяліцца

သူ​တို့​သည် ဘုရားသခင်​ကို​သိ​သည်​ဟု ဝန်ခံ​ကြ​သော်လည်း သူ​တို့​ပြု​သော​အမှု​များ​အားဖြင့် ဘုရားသခင်​ကို​ငြင်းပယ်​၍ ရွံရှာ​ဖွယ်​ကောင်း​သော​သူ၊ နာခံ​ခြင်း​မ​ရှိ​သော​သူ၊ ကောင်း​သော​အမှု​ရှိသမျှ​နှင့်​မ​ထိုက်တန်​သော​သူ​များ​ဖြစ်​ကြ​၏။

စင်ကြယ်​သော​သူ​တို့​အတွက် ခပ်သိမ်း​သော​အရာ​တို့​သည် စင်ကြယ်​ကြ​၏။ သို့သော် ညစ်ညူး​၍ ယုံကြည်​ခြင်း​မ​ရှိ​သော​သူ​တို့​အတွက်​မူကား မည်သည့်​အရာ​မျှ မ​စင်ကြယ်​သည်​သာမက သူ​တို့​၏​စိတ်နှလုံး​နှင့်​အသိစိတ်​တို့​သည်​လည်း ညစ်ညူး​ကြ​၏။

သူ​သည် မှန်ကန်​ပြည့်စုံ​သော​သြဝါဒ​အားဖြင့် တိုက်တွန်း​နှိုးဆော်​နိုင်​ရန်​နှင့် ဆန့်ကျင်​ပြောဆို​သော​သူ​တို့​၏​အပြစ်​ကို​ဖော်ပြ​နိုင်​ရန် မိမိ​သင်ယူ​ထား​သည့် သစ္စာ​နှင့်​ပြည့်စုံ​သော​နှုတ်ကပတ်​တရား​ကို စွဲကိုင်​ထား​ရ​မည်။

အကြောင်းမူကား ကြီးကြပ်​သူ​သည် ဘုရားသခင်​၏​ဘဏ္ဍာစိုး​ဖြစ်​သည်​နှင့်အညီ အပြစ်တင်​စရာ​မ​ရှိ​သော​သူ​ဖြစ်​ရ​မည်။ သူ​သည် ထင်ရာစိုင်း​တတ်​သော​သူ၊ စိတ်တို​သော​သူ၊ သေ​သောက်ကြူး​သော​သူ၊ ကြမ်းကြုတ်​သော​သူ၊ မစင်ကြယ်​သော​အကျိုးစီးပွား​ကို​တပ်မက်​သော​သူ​မ​ဟုတ်​ဘဲ ဧည့်ဝတ်​ကျေပွန်​သော​သူ၊ ကောင်းမြတ်​သော​အရာ​ကို​နှစ်သက်​သော​သူ၊ ဣန္ဒြေ​စောင့်​သော​သူ၊ ဖြောင့်မတ်​သော​သူ၊ သန့်ရှင်း​သော​သူ၊ မိမိ​ကိုယ်​ကို​ချုပ်တည်း​နိုင်​သော​သူ​ဖြစ်​ရ​မည်။

အသင်းတော်​အကြီးအကဲ​သည် အပြစ်တင်​စရာ​မ​ရှိ​သော​သူ၊ မယား​တစ်ဦးတည်း​ရှိ​သော​သူ​ဖြစ်​ရ​မည်။ သူ​၏​သားသမီး​တို့​သည်​လည်း ယုံကြည်​သူ​များ​ဖြစ်​ရ​မည်​ဖြစ်​ပြီး အပျော်ကြူး​ခြင်း​ကြောင့်​စွပ်စွဲ​ခံရ​သူ​များ​၊ သို့မဟုတ် နာခံ​မှု​မ​ရှိ​သော​သူ​များ​မ​ဖြစ်​ရ။