Папулярныя біблейскія вершы з ဗျာဒိတ်ကျမ်း 9

Падзяліцца

ထို​ဘေးဒဏ်​များ​ဖြင့် မ​သေ​ဘဲ​ကျန်​ခဲ့​သော​သူ​တို့​သည် နတ်ဆိုး​များ​ကို​လည်းကောင်း၊ ရွှေ၊ ငွေ၊ ကြေးနီ၊ ကျောက်၊ သစ်သား​တို့​ဖြင့် ပြုလုပ်​ထား​သော မ​မြင်​နိုင်၊ မ​ကြား​နိုင်၊ လမ်း​မ​လျှောက်​နိုင်​သည့် ရုပ်တု​များ​ကို​လည်းကောင်း မ​ကိုးကွယ်​ဘဲ​နေ​ရန် မိမိ​တို့​လက်​ဖြင့်​ပြုလုပ်​သော​အရာ​များ​အတွက် နောင်တ​မ​ရ​ကြ။ မိမိ​တို့​ပြု​ခဲ့​သော လူ​သတ်​ခြင်း၊ ပြုစား​ခြင်း၊ တရားနှင့်မညီ​မေထုန်ပြု​ခြင်း​နှင့် ခိုး​ယူ​ခြင်း​တို့​အတွက်​လည်း နောင်တ​မ​ရ​ဘဲ​နေ​ကြ​၏။

ထို့နောက် ထို​မီးခိုး​ထဲမှ ကျိုင်းကောင်​များ​သည် မြေကြီး​ပေါ်သို့​ထွက်လာ​ကြ​၏။ သူ​တို့​အား မြေကြီး​၏​ကင်းမြီးကောက်​တို့​၌​ရှိ​သည့် အစွမ်း​ကဲ့သို့သော​အစွမ်း​ကို ပေးအပ်​ထား​၏။ မြေကြီး​ပေါ်​ရှိ​မြက်​ပင်​များ​နှင့် မည်သည့်​စိမ်းလန်း​သော​အရာ​၊ သို့မဟုတ် မည်သည့်​သစ်ပင်​ကို​မျှ ဘေး​မ​သင့်​စေ​ဘဲ နဖူး​ပေါ်တွင် ဘုရားသခင်​၏​တံဆိပ်​တော်​မ​ရှိ​သော​သူ​တို့​ကို​သာ ဘေးသင့်​စေရန် သူ​တို့​အား​မှာထား​၏။

ပဉ္စမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​မှ​မြေကြီး​ပေါ်သို့​ကျ​လာ​သော ကြယ်​တစ်​လုံး​ကို ငါ​မြင်​ရ​၏။ ထို​ကြယ်​အား အတိုင်းမသိ​နက်ရှိုင်း​သော​တွင်း​၏​သော့​ကို ပေးအပ်​ထား​၏။

ထို့ပြင် လူ​တို့​ကို​အသေ​မ​သတ်​ဘဲ ငါး​လ​ပတ်လုံး​ညှဉ်းဆဲ​သော​အခွင့်​ကို​ပေး​ထား​၏။ လူ​တို့​ခံရ​သည့်​ဝေဒနာ​သည် လူ​ကို ကင်းမြီးကောက်​ထိုး​သောအခါ ခံရ​သည့်​ဝေဒနာ​မျိုး​နှင့်​တူ​၏။

သူ​တို့​၏​ဘုရင်​ကား အတိုင်းမသိ​နက်ရှိုင်းရာ​အရပ်​၏​စေတမန်​ဖြစ်​၏။ ထို​သူ​၏​အမည်​မှာ ဟေဗြဲ​ဘာသာစကား​အားဖြင့် အဗဒ္ဒုန်​ဟူ၍​ဖြစ်ပြီး ဂရိ​ဘာသာစကား​အားဖြင့် အပေါလျုန်​ဟူ၍​ဖြစ်​၏။