Папулярныя біблейскія вершы з ဗျာဒိတ်ကျမ်း 13

Падзяліцца

ဤ​နေရာ​တွင် ဉာဏ်ပညာ​ရှိ​ရန်​လို​အပ်​၏။ ထိုးထွင်းဉာဏ်​ရှိ​သော​သူ​သည် သားရဲ​၏​ကိန်းဂဏန်း​ကို​တွက်ချက်​ပါစေ။ အကြောင်းမူကား ၎င်း​သည် လူ​တစ်​ဦး​၏​ကိန်းဂဏန်း​ဖြစ်​ပြီး ထို​ကိန်းဂဏန်း​မှာ ခြောက်ရာ​ခြောက်ဆယ့်​ခြောက်​ဖြစ်​၏။

အသေ​သတ်​ခြင်း​ခံရ​သည့် သိုးသငယ်​တော်​၏​အသက်​စာစောင်​၌ ကမ္ဘာဦး​မှစ၍ အမည်​မ​ရေး​ထား​သော ကမ္ဘာ​မြေကြီး​ပေါ်တွင်​နေထိုင်​သူ​အားလုံး​တို့​သည် ထို​သားရဲ​ကို ကိုးကွယ်​ကြ​လိမ့်မည်။

ထို့ပြင် လူကြီး​ဖြစ်စေ၊ လူငယ်​ဖြစ်စေ၊ ချမ်းသာ​သော​သူ​ဖြစ်စေ၊ ဆင်းရဲ​သော​သူ​ဖြစ်စေ၊ လွတ်လပ်​သူ​ဖြစ်စေ၊ ကျွန်​ဖြစ်စေ၊ လူ​အပေါင်း​တို့​အား သူ​တို့​၏​လက်ယာ​လက်​ပေါ်၌​၊ သို့မဟုတ် နဖူး​ပေါ်၌ အမှတ်တံဆိပ်​ကို​ရိုက်နှိပ်​စေ​၍ သားရဲ​၏​အမည်​၊ သို့မဟုတ် သူ့​အမည်​၏​ကိန်းဂဏန်း​ဖြစ်​သည့် ထို​အမှတ်တံဆိပ်​မ​ရှိ​လျှင် မည်သူမျှ အရောင်း​အဝယ်​မ​ပြု​နိုင်​ရန်​စီရင်​လေ​၏။

ဖမ်းဆီး​ခေါ်ဆောင်​သွား​ခြင်း​ခံရ​မည့်​သူ​သည် ဖမ်းဆီး​ခေါ်ဆောင်​သွား​ခြင်း​ခံရ​မည်​ဖြစ်​၏။ ဓား​ဖြင့်​အသေ​သတ်​ခြင်း​ခံရ​မည့်​သူ​သည် ဓား​ဖြင့်​အသေ​သတ်​ခြင်း​ကို​ခံရ​မည်​ဖြစ်​၏။ ဤ​နေရာ​တွင် သန့်ရှင်း​သူ​တို့​၏​သည်းခံ​ခြင်း​နှင့်​သစ္စာစောင့်​ခြင်း​တို့​ရှိ​ကြ​၏။

ထို့နောက် ဦးချို​ဆယ်​ချောင်း​နှင့် ခေါင်း​ခုနစ်​လုံး​ရှိ​သော​သားရဲ​တစ်​ကောင်​သည် ပင်လယ်​ထဲမှ​တက်​လာ​သည်​ကို ငါ​မြင်​ရ​၏။ ထို​ဦးချို​များ​ပေါ်တွင် သရဖူ​ဆယ်​ခု​ရှိ​၍ ၎င်း​၏​ခေါင်း​များ​ပေါ်တွင် ဘုရားသခင်​ကို​စော်ကား​သော​အမည်​နာမ​များ​ရှိ​၏။

သူ​သည် သန့်ရှင်း​သူ​တို့​ကို​စစ်တိုက်​၍ အောင်နိုင်​သော​အခွင့်​ကို​ရရှိ​ပြီး မျိုးနွယ်စု၊ လူမျိုး၊ ဘာသာ​စကား​နှင့် တိုင်းနိုင်ငံ​အသီးသီး​တို့​မှ​လူတို့​အား အုပ်စိုး​ရ​သော​အခွင့်​ကို​လည်း​ရရှိ​၏။

သူ​သည် ပထမ​သားရဲ​ရှေ့​၌ ပြု​ခွင့်​ရရှိ​ထား​သော​နိမိတ်​လက္ခဏာ​များ​အားဖြင့် ကမ္ဘာ​မြေကြီး​ပေါ်တွင်​နေထိုင်​သော​သူ​အားလုံး​တို့​ကို​လှည့်ဖြား​၍ ဓား​ဒဏ်ရာ​ရှိ​သော်လည်း အသက်ရှင်​ခဲ့​သော​သားရဲ​၏​ရုပ်တု​ကို​ပြုလုပ်​ရန် ကမ္ဘာ​မြေကြီး​ပေါ်၌​နေထိုင်​သော​သူ​တို့​အား​စေခိုင်း​၏။ တစ်ဖန် သားရဲ​၏​ရုပ်တု​သည် စကား​ပြော​နိုင်​ရန်​နှင့် သားရဲ​၏​ရုပ်တု​ကို​မ​ကိုးကွယ်​သော​သူ​ရှိသမျှ​တို့​ကို သတ်ဖြတ်​စေရန် ထို​သားရဲ​၏​ရုပ်တု​အား အသက်​သွင်း​ပေး​နိုင်​သော​အခွင့်​ကို ရရှိ​လေ​၏။

ငါ​မြင်​ရ​သော​ထို​သားရဲ​သည် ကျားသစ်​နှင့်​တူ​၏။ သူ​၏​ခြေ​သည် ဝက်ဝံ​ခြေ​ကဲ့သို့​ဖြစ်​ပြီး သူ​၏​ပါးစပ်​သည် ခြင်္သေ့​ပါးစပ်​ကဲ့သို့​ဖြစ်​၏။ နဂါး​သည် မိမိ​၏​တန်ခိုး၊ မိမိ​၏​ပလ္လင်​နှင့် ကြီးမား​သော​အခွင့်​အာဏာ​ကို သူ့​အား​ပေးအပ်​လေ​၏။

ထို​သားရဲ​သည် လေလုံးထွား​၍ ဘုရားသခင်​ကို​စော်ကား​ပြောဆို​တတ်​သော​နှုတ်​ကို​ရရှိ​လျက် လေးဆယ့်​နှစ်​လ​တိုင်တိုင် အာဏာ​လွှမ်း​ရ​သော​အခွင့်​ကို​ရရှိ​၏။

ထို​သားရဲ​၏​ခေါင်း​တစ်​လုံး​သည် သေ​အောင်​သတ်ဖြတ်​ခြင်း​ခံရ​ပြီး​သကဲ့သို့​ဖြစ်​သော်လည်း ထို​သေ​စေ​သော​ဒဏ်ရာ​သည် ပျောက်ကင်း​သွား​လေ​၏။ ထိုအခါ တစ်ကမ္ဘာလုံး​သည်​အံ့ဩ​လျက် ထို​သားရဲ​နောက်သို့​လိုက်​ကြ​၏။

ထို့နောက် မြေကြီး​ထဲမှ​ထွက်​လာ​သော အခြား​သားရဲ​တစ်​ကောင်​ကို ငါ​မြင်​ရ​၏။ သူ​သည် သိုးသငယ်​၏​ဦးချို​နှင့်​တူ​သော ဦးချို​နှစ်​ချောင်း​ရှိ​၍ နဂါး​ကဲ့သို့​စကား​ပြော​၏။ ထို​သားရဲ​သည် ပထမ​သားရဲ​၏​အာဏာ​ရှိသမျှ​ကို သူ​၏​ရှေ့မှောက်​၌​သုံးစွဲ​ပြီး ကမ္ဘာ​မြေကြီး​မှစ၍ ၎င်း​ပေါ်တွင်​နေထိုင်​သော​သူ​တို့​အား သေ​စေ​သော​ဒဏ်ရာ​ပျောက်ကင်း​သွား​သည့် ပထမ​သားရဲ​ကို ကိုးကွယ်​စေ​၏။