Папулярныя біблейскія вершы з ရှင်မာကုခရစ်ဝင် 12

Падзяліцца

ယေရှု​က“ပထမ​ပညတ်ချက်​မှာ ‘အို အစ္စရေး​အမျိုး၊ နားထောင်​လော့။ ငါ​တို့​၏​ဘုရားသခင်​ထာဝရ​ဘုရား​သည် တစ်ဆူတည်း​သော​ထာဝရ​ဘုရား​ဖြစ်​တော်မူ​၏။ သင်​၏​ဘုရားသခင် ထာဝရ​ဘုရား​ကို သင်​၏​စိတ်နှလုံး​အကြွင်းမဲ့၊ သင်​၏​စိတ်​ဝိညာဉ်​တစ်ခုလုံး၊ သင်​၏​အသိဉာဏ်​ရှိသမျှ​နှင့် သင်​၏​အစွမ်းသတ္တိ​ရှိသမျှ​တို့​ဖြင့် ချစ်​ရ​မည်’​ဟူ၍ ဖြစ်​၏။ ဒုတိယ​ပညတ်ချက်​မှာ ‘ကိုယ့်​ဝန်းကျင်​၌​ရှိ​သော​သူ​ကို ကိုယ်​နှင့်အမျှ​ချစ်​ရ​မည်’ဟူ၍ ဖြစ်​၏။ ဤ​ပညတ်ချက်​နှစ်ပါး​ထက်​ကြီးမြတ်​သော အခြား​ပညတ်​မ​ရှိ”​ဟု ဖြေကြား​တော်မူ​၏။

ထိုအခါ ကိုယ်တော်​သည် တပည့်​တော်​တို့​ကို​ခေါ်​၍“သင်​တို့​အား ငါ​အမှန်​ဆို​သည်​ကား ဤ​ဆင်းရဲ​သော​မုဆိုးမ​သည် အလှူခံ​သေတ္တာ​ထဲသို့ ထည့်​သော​သူ​အားလုံး​ထက် ပို၍​ထည့်​လေ​ပြီ။ အကြောင်းမူကား သူ​တို့​အားလုံး​သည် မိမိ​တို့​၏​ကြွယ်ဝ​ပြည့်စုံ​မှု​ထဲမှ ထည့်​ကြ​၏။ ဤ​မုဆိုးမ​မူကား မိမိ​၏​ဆင်းရဲ​ချို့တဲ့​မှု​ထဲမှ သူ​၌​ရှိ​သမျှ​သော​အရာ​အားလုံး၊ သူ​၏​အသက်မွေး​စရာ​အားလုံး​ကို ထည့်​လေ​ပြီ”​ဟု မိန့်​တော်မူ​၏။

ထို့နောက် ကိုယ်တော်​သည် အလှူခံ​သေတ္တာ​ဘက်​သို့​မျက်နှာမူ​လျက် ထိုင်​တော်မူ​၍ လူ​တို့​သည် ကြေး​ဒင်္ဂါး​ကို အလှူခံ​သေတ္တာ​ထဲသို့ ထည့်​နေ​ကြ​ပုံ​ကို ကြည့်ရှု​တော်မူ​၏။ ချမ်းသာ​သော​သူ​များစွာ​တို့​သည် အမြောက်အမြား​ထည့်​ကြ​၏။ ထိုစဉ် ဆင်းရဲ​သော​မုဆိုးမ​တစ်​ဦး​သည် လာ​၍ ကွတ်ရန်တေး​တစ်​ပြား​နှင့်ညီသော လတ္တာ​နှစ်​ပြား​ကို​ထည့်​လေ​၏။

ဘုရားသခင်​ကို စိတ်နှလုံး​အကြွင်းမဲ့၊ ဉာဏ်စွမ်း​ရှိသမျှ၊ အစွမ်းသတ္တိ​ရှိသမျှ​တို့​ဖြင့်​ချစ်​၍ ဝန်းကျင်​၌​ရှိ​သော​သူ​ကို ကိုယ်​နှင့်အမျှ​ချစ်​ခြင်း​သည်​လည်း မီးရှို့​ရာ​ယဇ်​နှင့် ယဇ်​ပူဇော်​ခြင်း​အပေါင်း​တို့​ထက် သာ၍​မြတ်​ပါ​၏”​ဟု လျှောက်​လေ​၏။

ယေရှု​က​လည်း“ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​ရာ သူ​တို့​သည် ကိုယ်တော်​ကို​အံ့သြ​ကြ​၏။