Папулярныя біблейскія вершы з မိက္ခာအနာဂတ္တိကျမ်း 4

Падзяліцца

လူမျိုး​အပေါင်း​တို့​သည် မိမိ​တို့​ဘုရား​များ​၏​နာမ​၌ အသီးသီး​လိုက်လျှောက်​ကြ​လိမ့်မည်​။ ငါ​တို့​မူကား ငါ​တို့​၏​ဘုရားသခင် ထာဝရဘုရား​နာမ​တော်​၌ ကာလ​အစဉ်အဆက်​လိုက်လျှောက်​ကြ​မည်​။

လူမျိုး​များစွာ​တို့​သည် လာ​၍ “​လာ​ကြ​လော့​။ ယာကုပ်​၏​ဘုရားသခင်​အိမ်​တော်​ရှိ​ရာ ထာဝရဘုရား​၏​တောင်​တော်​သို့​တက်​ကြ​ကုန်စို့​။ ကိုယ်တော်​သည် မိမိ​လမ်း​တော်​တို့​ကို ငါ​တို့​အား သွန်သင်​တော်မူ​မည်​ဖြစ်၍ ငါ​တို့​သည်​လည်း ကိုယ်တော်​၏​လမ်း​တော်​အတိုင်း လိုက်လျှောက်​ကြ​မည်​”​ဟု ဆို​ကြ​လိမ့်မည်​။ အကြောင်းမူကား တရားတော်​သည် ဇိအုန်​တောင်​မှ​လည်းကောင်း​၊ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ​လည်းကောင်း ထွက်ပေါ်​လာ​လိမ့်မည်​။

နောက်ဆုံး​သော​ကာလ​တွင် ထာဝရဘုရား​၏​အိမ်​တော်​တည်ရှိ​ရာ​တောင်​သည် တောင်​တို့​၏​အထွတ်​၌ တည်​လိမ့်မည်​။ တောင်ကုန်း​တို့​ထက် ချီးမြှောက်​ခြင်း​ခံရ​၍ လူမျိုး​တို့​သည် ထို​တောင်​တွင် စုရုံး​ကြ​လိမ့်မည်​။

ကိုယ်တော်​သည် လူမျိုး​များစွာ​တို့​ကို စီရင်​တော်မူ​မည်​။ ရပ်ဝေး​မှ​အားကြီး​သော​လူမျိုး​တို့​ကို ဆုံးမ​တော်မူ​မည်​။ သူ​တို့​သည် မိမိ​တို့​၏​ဓား​များ​ကို ထယ်​အဖြစ်​၊ လှံ​များ​ကို တံစဉ်​အဖြစ် ထုလုပ်​ကြ​လိမ့်မည်​။ လူမျိုး​တစ်မျိုး​နှင့်​တစ်မျိုး ဓား​နှင့် တိုက်ခိုက်​ကြ​တော့​မည်​မ​ဟုတ်​။ စစ်ရေး​လေ့ကျင့်​ခြင်း​လည်း ရှိ​တော့​မည်​မ​ဟုတ်​။