Папулярныя біблейскія вершы з သက်သာလောနိတ်ဩဝါဒစာပထမစောင် 4

Падзяліцца

ထို့နောက် အသက်ရှင်​လျက်​ကျန်ရစ်​သော​ငါ​တို့​သည် အာကာသ​ကောင်းကင်​၌ သခင်​ဘုရား​နှင့်​တွေ့ဆုံ​ရန် ထို​သူ​တို့​နှင့်​အတူ မိုးတိမ်​အားဖြင့် ချီဆောင်​ခြင်း​ခံရ​ကြ​လိမ့်မည်။ ဤသို့ဖြင့် ငါ​တို့​သည် သခင်​ဘုရား​နှင့်အတူ အစဉ်အမြဲ​နေ​ရ​ကြ​လိမ့်မည်။

အကြောင်းမူကား ကြွေးကြော်​ခြင်း​နှင့်တကွ ကောင်းကင်​တမန်​မင်း​၏​အသံ​နှင့် ဘုရားသခင်​၏​တံပိုးမှုတ်သံ​တို့​ဖြင့် သခင်​ဘုရား​ကိုယ်တော်​တိုင် ကောင်းကင်​မှ​ဆင်းသက်​တော်မူ​သောအခါ ခရစ်တော်​၌​သေလွန်​သော​သူ​တို့​သည် ဦးစွာ​ထမြောက်​ကြ​လိမ့်မည်။

ဘုရားသခင်​၏​အလို​တော်​ကား သင်​တို့​သန့်ရှင်း​ခြင်း​ရှိ​ရန်​ဖြစ်​၏။ တစ်နည်း​အားဖြင့် သင်​တို့​သည် တရားနှင့်မညီ​မေထုန်ပြု​ခြင်း​ကို ရှောင်ကြဉ်​လျက် သင်​တို့​တစ်ဦးစီ​သည် သန့်ရှင်း​ခြင်း​နှင့်​ဂုဏ်သရေ​ရှိ​ခြင်း​တို့​၌ မိမိ​ကိုယ်ခန္ဓာ​အား မည်သို့​ထိန်းသိမ်း​ရ​မည်​ကို သိရှိ​၍

အကြောင်းမူကား ယေရှု​သည် အသေခံ​ပြီးနောက် ထမြောက်​တော်မူ​သည်​ဟု ငါ​တို့​ယုံကြည်​ကြ​လျှင် ဘုရားသခင်​သည် ယေရှု​၌ အိပ်ပျော်​သော​သူ​တို့​ကို​လည်း ထို​ကဲ့သို့​ပင် ထို​သခင်​နှင့်အတူ​ခေါ်ထုတ်​တော်မူ​လိမ့်မည်။

သင်​တို့​အား ငါ​တို့​ညွှန်ကြား​ခဲ့​သည့်​အတိုင်း အေးဆေး​တည်ငြိမ်​စွာ​နေထိုင်​နိုင်​ရန် ရည်မှန်း​ကြိုးစား​လျက် မိမိ​ကိစ္စ​များ​ကို​အာရုံစိုက်​၍ မိမိ​တို့​လက်​ဖြင့်​အလုပ်​လုပ်​ကြ​ရန်​လည်းကောင်း ငါ​တို့​တိုက်တွန်း​နှိုးဆော်​ပါ​၏။

အဘယ်ကြောင့်​ဆိုသော် ဘုရားသခင်​သည် ငါ​တို့​ကို ညစ်ညူး​ခြင်း​ထဲသို့ ခေါ်​တော်မူ​သည်​မ​ဟုတ်​ဘဲ သန့်ရှင်း​ခြင်း​ထဲသို့ ခေါ်​တော်မူ​၏။