Папулярныя біблейскія вершы з رْ مَ 8

Падзяліцца

وٌن مَن عَ كٌلٌن عَ عَلَ وَلِمَ قٍ بِرِن كُي عَ شَنُنتٍنيِيٍ شَ مُنَقَنيِ نَن بّ، عَ بَرَ نَشٍيٍ شِلِ عَ يّتّ سَفٌي مَ.

بَرِ مَ ﭑ لَشِ عَ رَ، عَ سٍسٍ مُ نْمَ وٌن بَدٍ عَلَ شَ شَنُنتٍيَ يِ. عَ قِندِ قَشّ رَ بَ، فبَلٌي بَ، مَلٍكّ بَ، حِننّيٍ بَ، يِ وَشَتِ بَ، وَشَتِ نَشَن سَ قَمَ بَ، سّنبّمَ نَشٍيٍ كُيٍ مَ بَ، نَشَن بِرِن نَ دُنِحَ شُن مَ، نَشَن بِرِن نَ بْشِ بُن مَ، عَ قِندِ دَالِ يٌ رَ، عٍ سٍسٍ مُ نْمَ وٌن نُن عَلَ شَ شَنُنتٍيَ رَقَتَندٍ، عَ بَرَ نَشَن مَسٍن وٌن بّ وٌن مَرِفِ عِسَ سَابُي رَ، عَ شَ مِشِ سُفَندِشِ!

عَلَ شَشِلِ سّنِيّنشِ قَن قَمَ نّ وٌن مَلِدٍ وٌن مَ سّنبّتَرٍيَ كُي. وٌن مُ عَ كٌلٌن عَ لَن وٌن شَ مَشَندِ نَشَن نَبَ، كْنْ عَلَ شَشِلِ سّنِيّنشِ نَن عَلَ مَشَندِ مَ وٌن بّ مَيَندِ شُي رَ نَشَن مُ نْمَ مَسَرَدٍ وْيّنيِ رَ.

وٌن مُنسٍ قَلَمَ نَ كُي قَ؟ عَلَ تٌ نَ وٌن بّ، ندٍ قَ نْمَ تِدٍ وٌن كَنكٍ؟

نَ كُي، كِيتِ مُ كَنَمَ مِشِيٍ رَ سْنْن نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ، نَشٍيٍ نَ عِسَ عِ،

نَشٍيٍ عٍ شَشِلِ لُشِ قٍ كٌبِ رَبَقٍ مَ، عٍ شُن تِشِ قَشّ نَن نَ. كْنْ نَشٍيٍ عٍ شَشِلِ لُشِ عَلَ شَشِلِ سّنِيّنشِ شَ قٍ مَ، عٍ كِسِ نُن بْحّسَ نَن سْتْمَ.

كْنْ نَ بِرِن كُي، وٌن بَرَ نْي سْتْ نَ قٍ بِرِن شُن مَ وٌن شَنُنتٍنيِ سَابُي رَ.

ﭑ لَشِ عَ رَ وٌن تْورّ نَشَن تِمَ يِ دُنِحَ مَ يِ كِ، عَ نُن وٌن قَمَ شُننَكٍلِ نَشَن سْتْدٍ، عٍ تَفِ عِكُيَ كِ قَنيِ! عٍ حَن مُ نْمَ سَدٍ عٍ بٌورٍ مَ.

ندٍ قَ وٌن بَمَ عَلَ شَ مِشِ سُفَندِشِ شَ شَنُنتٍيَ يِ؟ مُنسٍ نْمَ نَ رَ؟ تْورّ، كَ شْرْشْي، كَ حَشَنكَتّ، كَ كَامّ، كَ لُقٍ شّحّ رَ، كَ قِتِنّ، كَ سَنتِدّفّمَ؟

عَنُن، عَلَ، نَشَن وٌن بْحّ مَ قٍ كٌلٌن، عَ عَ شَشِلِ سّنِيّنشِ شَ مَشَندِيٍ كٌلٌن، بَرِ مَ شَشِلِ سّنِيّنشِ مَشَندِ تِمَ سّنِيّنتْييٍ بّ عَلَ سَفٌي نَن مَ.

بَرِ مَ عَلَ شَشِلِ سّنِيّنشِ مِشِ نَشٍيٍ بِرِن نَحّرّ مَ، عٍ تَن قِندِشِ عَلَ شَ دِيٍ نَن نَ.

نَشٍيٍ حّرّ مَ عَدَ مَ وَشْنقٍ مَ، عٍ شَشِلِ رَقٍشِ عَدَ مَ وَشْنقٍ نَن نَ. كْنْ نَشٍيٍ حّرّ مَ عَلَ شَشِلِ سّنِيّنشِ مَ، عٍ تَن نَقٍشِ عَلَ شَشِلِ سّنِيّنشِ وَشْنقٍ نَن نَ.

عَ تَن نَشَن مُ تٌندِ عَ شَ دِ يَتِ مَ، عَ عَ بَ سّرّشّ رَ وٌن بِرِن بّ، عَ مُ قَمَ شّ وٌن كِدٍ سٍ بِرِن نَ سَقٍ رَ عَ شَ دِ شُن مَ؟

نَ كُي، عَلَ شَشِلِ سّنِيّنشِ نُن وٌن يّتّ شَشِلِ عَ مَسٍنمَ عَ وٌن قِندِشِ عَلَ شَ دِيٍ نَن نَ. عَنُن، وٌن تٌ قِندِشِ عَ شَ دِيٍ رَ، وٌن بَرَ قِندِ عَلَ شَ كّتٌنفٌي رَ، وٌن نُن عَ شَ مِشِ سُفَندِشِ. بَرِ مَ، شَ وٌن تْورْ عَ شَ تْورّ، وٌن مَن قَمَ نّ شُننَكٍلِ سْتْدٍ عَلْ عَ تَن.

نَشٍيٍ عٍ شَشِلِ لُشِ عٍ يّتّ وَشْنقٍ يِ، عٍ قِندِشِ عَلَ يَشُييٍ نَن نَ. عٍ مُ عَلَ شَ سّرِيّ رَبَتُمَ، عٍ حَن مُ نْمَ عَ رَبَتُدٍ.

دَالِ بِرِن مَمّ تِقٍ وَشَتِ رَ، عَلَ عَ شَ دِيٍ مَكّنّنمَ تّمُي نَشّ،

وٌن عَ كٌلٌن، عَ كَبِ عَ قْلّ هَن تٌ، دَالِ بِرِن نَ عَ كُي عِوَقٍ نّ تْورّ كُي، عَلْ فِنّ دِ قُرِ نَ كٍلِ عَ رَ.