Папулярныя біблейскія вершы з رْ مَ 6

Падзяліцца

بَرِ مَ يُنُبِ سَرٍ قِندِشِ قَشّ نَن نَ، كْنْ عَلَ شَ كِ قِندِشِ عَ شَ هِننّ نَن نَ؛ وٌن شَ كِسِ عَبَدَن وٌن مَرِفِ عِسَ سَابُي رَ، عَلَ شَ مِشِ سُفَندِشِ.

نَ كُي، وٌ نَشَ عَ لُ يُنُبِ شَ نْ وٌ رَ، بَرِ مَ سّرِيّ شَ نْي مُ وٌ قَرِ سْنْن. وٌ قَ نَ عَلَ شَ هِننّ نَن كُي.

وٌن شُنشَقٍ يٍ شْورَ سَابُي رَ، وٌن نُن مَرِفِ عِسَ بَرَ قَشَ، وٌن مَن بَرَ سَ فَبُرِ عَ سّيتِ مَ. يِ رَبَشِ نّ عَلَكٌ وٌن قَن شَ دُنِحّءِفِرِ نّينّ تٌنفٌ، عَلْ عَلَ شَ مِشِ سُفَندِشِ كٍلِ قَشَمِشِيٍ تَفِ كِ نَشّ بَبَ عَلَ سّنبّ مَكَابَشِ سَابُي رَ.

وٌ نَشَ وٌ قَتٍ رَبٌلٌ يُنُبِ يِ، عَ شَ قِندِ قٍ كٌبِ رَبَسٍ رَ. وٌ شَ وٌ يّتّ بِرِن سَ عَلَ سَفٌي عَلْ مِشِ نَشٍيٍ كٍلِشِ قَشّ مَ، عٍ كِسِ. وٌ قَتٍ بِرِن شَ قِندِ تِنشِنيِ رَبَسٍ نَن نَ عَلَ بّ

وٌن شَ عَ كٌلٌن عَ وٌن مَ قٍ قٌرِ بَرَ بَنبَن وُرِ مَفَلَنبُشِ مَ عَ نُن مَرِفِ عِسَ رَ، عَلَكٌ وٌن يُفٍ قٌرِ شَ مَسَرَ نَشَن نُ يُنُبِ رَبَمَ، وٌن نَشَ قِندِ يُنُبِ شَ كٌنيِيٍ رَ سْنْن.

نَ كُي، وٌ شَ وٌ يّتّ تٌ قَشَمِشِ رَ يُنُبِ تَن مَبِرِ. وٌ مَن تٌ كِسِشِ، وٌ بَرَ قِندِ عَلَ نَن شَ كِسِ مِشِ رَ عَ شَ مِشِ سُفَندِشِ عِسَ سَابُي رَ.

وٌن قَ مُنسٍ قَلَمَ قَ؟ وٌن مَن شَ نُ لُ يُنُبِ رَبَ رَ، عَلَكٌ عَلَ شَ هِننّ شُن شَ مَسَ؟ عَستْقُلَهِ! وٌن بَرَ وٌن كٌبٍ سٌ يُنُبِ رَ عَلْ قَشَمِشِ عَ كٌبٍ سٌمَ دُنِحَ رَ كِ نَشّ. وٌن مَن قَ نْمَ حّرّدٍ يُنُبِ كُي دِ؟

وٌ مُ عَ كٌلٌن عَ وٌ نَ وٌ يّتّ قِندِ مِشِ ندٍ شَ كٌنيِ رَ، قٌ وٌ شَ عَ شَ يَامَرِ بِرِن نَبَتُ؟ وٌ مُ عَ كٌلٌن عَ وٌ نَ نَشَن شَ يَامَرِ رَبَتُ، نَ نَن قِندِشِ وٌ مَرِفِ رَ، عَ نَ قَ قِندِ يُنُبِ رَ نَشَن وٌ شَنِنمَ قَشّ مَ، شَ نَ مُ عَ قِندِ عَلَ رَ نَشَن وٌ شَنِنمَ كِسِ مَ؟

كْنْ عَلَ تَنتُ! وٌ تَن نَشٍيٍ نُ قِندِشِ يُنُبِ شَ كٌنيِيٍ رَ، نْندِ تٌ كَوَندِ وٌ بّ، وٌ نَ نَن نَبَتُقٍ قَ وٌ بْحّ بِرِن نَ. وٌ بَرَ شْرّيَ يُنُبِ شَ كٌنيِيَ مَ، وٌ قَ قِندِشِ عَلَ شَ كٌنيِيٍ نَن نَ، عَلَكٌ وٌ شَ بِرَ تِنشِنيِ قْشْ رَ.