Папулярныя біблейскія вершы з ငဝ်ႈ 25

Падзяліцца

ထႃႇဝရႃႉ​ၽြႃး၊ လၢတ်ႈ​တီႈ​မၼ်း​လႄႈ​ဝႃႈ၊ “ၵႃႈၼႂ်း​တွင်ႉ​မႂ်း​မီး​ၵူၼ်း​သွင်​မဵဝ်း​ဝႆႉ​ဢေႃႈ။ ၵူၼ်း​သွင်​မဵဝ်း ဢၼ်​ၶေႉၶဵင်ႇ​ၵၼ်​တၵ်း​ၵိူတ်ႇလဵင်ႉ​မႃး ၵႃႈတီႈ​မႂ်း​ဢေႃႈ။ ၵူၼ်း​မဵဝ်း​ၼိုင်ႈ​တၵ်း​ႁႅင်း​ယႂ်ႇ​သေၵူၼ်း​တၢင်ႇ​မဵဝ်း​လႄႈ ၵေႃႉ​ယႂ်ႇ​ၼၼ်ႉ​တၵ်း​လႆႈ​ပဵၼ်​ၶႃႈ​ၵူၼ်းၸႂ်ႉ​တီႈ ၵေႃႉ​လဵၵ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မၼ်း​လၢတ်ႈ​တီႈ​ ယႃႇၵုပ်ႈ၊ လႄႈ​ဝႃႈ၊ “ၵဝ်​ႁိူဝ်ႉ​ၼူၼ်း​တွင်ႉမႆႈ​ၼႃႇ​ယဝ်ႉ။ ဢဝ်​တၢင်းၵိၼ်​ထူဝ်ႇ​လႅင်​ၼၼ်ႉ​လဵင်ႉ​ၵဝ်​လူး၊” ဝႃႈ​ၼင်ႇ​ၼႆ​ဢေႃႈ။ ၵွပ်ႈ​ၸိူဝ်ႉ​ၼႆ​လႄႈ​ၶဝ်​ႁွင်ႉ​ႁဵၵ်ႈ​မၼ်း​ဝႃႈ၊ ဢေႇတုမ်ႇ၊ ၼႆ​ဢေႃႈ။

ၵွပ်ႈပိူဝ်ႈ​ ရေႇပႅၵ်ႉၵႃႉ၊ ဢမ်ႇ​ၵိူတ်ႇ​လုၵ်ႈ​ၵိူတ်ႇ​လၢင်း​ၼၼ်ႉ​ ဢိၸၢၵ်ႈ၊ သူးတွင်း​တီႈ​ ထႃႇဝရႃႉ​ၽြႃး၊ ပုၼ်ႈ​မၼ်း​လႄႈ ထႃႇဝရႃႉ​ၽြႃး၊ ထွမ်ႇဢဝ်​လႄႈ​ ရေႇပႅၵ်ႉၵႃႉ၊ ပႃး​ပတိၵ်ႈသၼ်ႇထေႇ​သေယဝ်ႉ၊

ဢေးသေႃး၊ ၵေႃႈ​ဝႃႈ၊ “လီ​ယဝ်ႉ။ ၵဝ်​တၵ်း​တေ​တၢႆ​ယဝ်ႉ။ ဢရႃႇ​လုၵ်ႈတူၼ်ႈ​ၼႆႉ​ပၼ်​ဢၵျူဝ်း​ၵဝ်​ၵႃႈသင်​ၵေႃႈ​ဢမ်ႇၸႂ်ႈ၊” ဝႃႈ​ၼင်ႇ​ၼႆ​ဢေႃႈ။ ယႃႇၵုပ်ႈ၊ သမ်ႉ​လၢတ်ႈ​လႄႈ​ဝႃႈ၊ “ပေႃး​ပဵၼ်​ၼႆ​တိူင်ႇ​ဝႃႈ​ၵတိ​ဢွၼ်တၢင်း​တႃႉ။” ဝႃႈ​ၼင်ႇ​ၼႆ​လႄႈ ဢေးသေႃး၊ ၵေႃႈ​တိူင်ႇ​ဝႃႈ​ၵတိ​သေယဝ်ႉ၊ဢဝ်​ဢရႃႇ​လုၵ်ႈတူၼ်ႈ​မၼ်း​ဢၢပ်ႈပၼ်​တီႈ ယႃႇၵုပ်ႈ၊ သေ​ဢေႃႈ။

ၵေႃႉ​ပႃႈ​လိုၼ်း​ၼၼ်ႉ ယိပ်းၵမ်​သူၼ်ႈတိၼ်​ ဢေးသေႃး၊ မၼ်ႈ​မၼ်ႈ​သေလႄႈ​ၵိူတ်ႇလဵင်ႉ​မႃး​ဢေႃႈ။ ပိူဝ်ႈ​ၼႆ​ၸင်ႇ​ၶဝ်​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ၊ ယႃႇၵုပ်ႈ၊ ဢေႃႈ။ မိူဝ်ႈ​ဢၼ်​ၶဝ်​သွင်​ၵေႃႉ​ၵိူတ်ႇလဵင်ႉ​မႃး​ၼၼ်ႉ​ ဢိၸၢၵ်ႈ၊ မီး​ဢသၢၵ်ႈ​ႁူၵ်း​သိပ်း​ယဝ်ႉ​ဢေႃႈ။

ဢိၸၢၵ်ႈ၊ ႁၵ်ႉပႅင်း​ ဢေးသေႃး၊ ၵွပ်ႈပိူဝ်ႈ​ယၢမ်ႈ​လႆႈ​ၵိၼ်​ၼိူဝ်ႉ​တူဝ်ထိူၼ်ႇ​ဢၼ်​ ဢေးသေႃး၊ ၵႆႉ​ယိုဝ်း​လႆႈ​မႃး​ပၼ်​ၼၼ်ႉ​လႄႈ ရေႇပႅၵ်ႉၵႃႉ၊ ၸမ်ႉ၊ႁၵ်ႉပႅင်း​ ယႃႇၵုပ်ႈ၊ ဢေႃႈ။