Папулярныя біблейскія вершы з ဢွၵ်ႇၵႂႃႇ 4

Падзяліцца

ထႃႇဝရႃႉ​ၽြႃး၊ ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ “ၽူႈလႂ်​ႁဵတ်း​ပဵၼ်​သူပ်း​ၵူၼ်း။ ၽူႈလႂ်​ႁဵတ်း​ႁႂ်ႈ​ၵူၼ်းဢႃႉ၊ႁႂ်ႈ​ၵူၼ်း​ႁူၼူၵ်ႇ၊ႁႂ်ႈ​တႃ​ၵူၼ်း​ႁၼ်၊ဢမ်ႇၼၼ်​ႁႂ်ႈ​တႃ​ၵူၼ်း​မွတ်ႇ​ၸိူဝ်း​ၼၼ်ႉ။ ၵဝ်​ ထႃႇဝရႃႉ​ၽြႃး၊ ႁဵတ်း​ပဵၼ်​ဢမ်ႇၸႂ်ႈ​ႁိုဝ်း။- ပိူဝ်ႈ​ၼႆ​လႄႈ​တေႃႈလဵဝ်​ၼႆႉ​ၵႂႃႇ​တႃႉ။ ၵဝ်​တၵ်း​ၸွႆႈထႅမ်​ႁႂ်ႈ​မႂ်း​မေႃ​လၢတ်ႈ​ၵႂၢမ်း​လႄႈ​သွၼ်ပၼ်​လွင်ႈ​ဢၼ်​မႂ်း​တၵ်း​လႆႈ​လၢတ်ႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵူၺ်းၵႃႈ၊ မူဝ်းသေႇ၊ ၶိုၼ်း​လဝ်ႈလၢတ်ႈ​တီႈ​ ထႃႇဝရႃႉ​ၽြႃး၊ လႄႈ​ဝႃႈ၊ “ဢူဝ်း၊ၸဝ်ႈၽြႃး​ၵဝ်ၶႃႈ​တီႈၶႃႈ။ ၶႃႈၸဝ်ႈ​ဢမ်ႇ​မီး​ၼမ်ႉ​သူပ်း​ၼမ်ႉၵႂၢမ်း​တီႈၶႃႈ။ ၸဵမ်မိူဝ်ႈ​ဢွၼ်တၢင်း​ၼႆႉ​လႄႈ​တေႃႇထိုင်​မိူဝ်ႈ​ဢၼ်​ၸဝ်ႈႁဝ်း​လၢတ်ႈ​တီႈ​ၶႃႈၸဝ်ႈ​ၼႆႉ​ၶႃႈၸဝ်ႈ​ယင်း​ဢမ်ႇ​မီး​ၼမ်ႉ​သူပ်း​ၼမ်ႉၵႂၢမ်း​တီႈၶႃႈ။ ၶႃႈၸဝ်ႈ​ပဵၼ်​ၵူၼ်း​သူပ်းၼၵ်း​လႄႈ​ၸၢင်ႈ​လၢတ်ႈ​ၵႂၢမ်း​ထိူင်း​ထိူင်း​ၵူၺ်း​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး၊ ၸႂ်မႆႈ​ၶႂ်ႈၸႃႉ​တေႃႇ​ မူဝ်းသေႇ၊ လႄႈ​လၢတ်ႈ​ဝႃႈ၊ “ၵူၼ်း​မဵဝ်း​ၶိူဝ်း​ လေႇဝိ၊ ဢၼ်​ပဵၼ်​ပီႈဢၢႆႈ​မႂ်း ဢႃႇရုၼ်ႇ၊ ၼၼ်ႉ​မီး​ယူႇ​ဢမ်ႇၸႂ်ႈ​ႁိုဝ်း။ ၵဝ်​ႁု​လွင်ႈ​ဢၼ်​မၼ်း​မေႃ​လၢတ်ႈ​ၵႂၢမ်း​လီ​လီ​ငၢမ်း​ငၢမ်း​ၼၼ်ႉ​ယူႇ​ဢေႃႈ။ တူၺ်း​လူး။ မၼ်း​ၼၼ်ႉ​ဢွၵ်ႇ​မႃး​ႁႂ်ႈလႆႈ​ႁပ်ႉ​ႁူဝ်​တၢင်း​မႂ်း​ယူႇ​ယဝ်ႉ။ မိူဝ်ႈ​ဢၼ်​မၼ်း​ထူပ်း​ႁၼ်​မႂ်း​ၸိုင်၊မၼ်း​တၵ်း​ၸူမ်းသိူဝ်း​မူၼ်ႈပျေႃႇ​ဢေႃႈ။