Папулярныя біблейскія вершы з Ume 2

Падзяліцца

Pe Petrus hele lange iri ke mai koi, teke, “Imo lochloch ngana nem, imo elle pe elle, a hulia letemo nga lemo poinga poreke ngana mur, pe a mene henuninga nga Iesus Krisus ene. Pomalam lape NeHalang letena ia imo nga lemo poinga poreke ngana mur. Pe lape a mene tunginga nenga Opepengpeng pule nenge NeHalang hekulo sue at nei.

Iok, iri lochloch ngana nenge te hulia leteria pe te mene henuninga nem, kokoes mana tela nge Iesus nena hana mur ke te hetottore iri. Pe tetu ngaria pomai, tenau hel mule nge iri ke pomanga iri lochloch titiria mur hel. Te eukirau pe te ngau ke elle pe te eukirau ke te hetalaulau.

Te muta nga Opepengpeng pe te talun ke te hele nga helenga altoto ngana mur nenge tunge lange iri.

Pe ueiuei mana ute sio at nga tapa pe alngana pomanga tuttula palaungana. Sio at pe hemute pele letena nenge te tuia. Ol pe te esia ute hel nge pomanga oan remen ngana nge la ke rongo heke iri elle pe elle pe tu haka mana nga houngaria. Te muta nga Opepengpeng pe te talun ke te hele nga helenga altoto ngana mur nenge tunge lange iri.

Kokoes mana tela ke te eukirau nga NeHalang nena pele palaungana. Pe pule tela ke te eukirau ke te ngau nga reria pele mur. Te ngau pe te iech pe te tung helia aria ngaunga. Pe te heto heke NeHalang ene pe te iech toto iange hehei pe hana lochloch nenge Ierusalem, leteria urana mana nge iri. Nga etue lochloch, NeHalang hesilei hotote nena hana mur. Ke nga poinga nem mana, iri nenge NeHalang mene mule iri pe leteria manmanna nge Iesus, te lohot ke iri hulua toto.

“‘NeHalang hele ke pomai koi; Etue nemur nga hoena nge te lohot tala nga etue hetala ngana, iau lape e tunge Opepengpeng ke rongo heke iri lochloch. Tutumo mur tatamanna pe tutumo mur heheina, lape te haliu hote lek helenga mur. Pe lape lemo lolomele mur, lape tenau operia ia ure mur pe amo hana papalauna mur, lape tema operia rara.

Ke iri lochloch ngana nenge leteria manmanna nge Iesus tetu manmana ke muria elle, pe te tung helel aria ure. Nenge teke tetu pe mele na ure unne sune mana, te mene reria ure hel langa ingala, nem pe mele hel te olia reria ich unne pe uruna te laia nge mele nem.

Pe iri lochloch ngana nenge te tang la nge Non Soke ke halaua iri, lape tetu ke te maulul.’”

Pe lape epoi hote ana lala hel nga lut nga tapa ke pomai, lape chaia tua ero ol, pe kileng au mana. Pe teio matana lape hul ke pomanga toho. Pe lape epoi hote ana lala hel nge sio nga ich ke pomai, lape e heremenia kileng nga toho pe e poia kileng ke oan ngaulele pe kileng pulu ala mana. Pe ure nemur lape te lohot tala nga NeHalang ana etue nenge palaungana toto.