Папулярныя біблейскія вершы з Miamun 22

Падзяліцца

Ibinigi da Abraham ifariŋʼ mumai arigi biŋangan Yawe Ruŋgan Irim. Da miŋʼa gubuʼ aruani da ruŋʼ ini, “Miŋʼa Yawe mamai gan da Ruŋgan buŋʼ arim.”

Da Anutu ini, “Wau naruŋgam yampi bitsintaʼ Isak aru u maram aridagin nidzun aŋu ugu da wafa intap Moria. Da wais araŋan funub da watsara nasu daŋki naba da Dzi namiŋʼ mamai maŋan Dzi buŋʼ asantiŋʼ agu gin.”

Da aŋira ini, “Manaŋ baŋin maŋan i mamaʼ igi maʼ. Aruani da dzi tsaŋan agu sib, u ataŋʼ waraŋʼ i Anutu, i u wagantsi naruŋgam yampi bitsintaʼ aru u maram aridagin igi i dzi u.”

Abraham ini naruŋgan nangan muŋaʼ ibiani, “Naruŋʼ, Anutu ruŋgan buŋʼ ataŋin dumpa i tsaradan.” Da ribaraŋan impruʼ ruan iyuŋ ifan.

Dzi buŋʼ afinti agu nidzun aŋu da u yaŋin rusam nawaʼ nasisuŋʼ nasaŋʼ ŋantam narun miŋʼa waguŋʼ da nasaŋʼ sasanuai miŋʼa uruts riŋan. U yaŋin rusam buŋʼ adaru gan garam ipiapan rai da nasu wain i gan gampan. Da miŋʼa u yaŋin rusam rururuŋan da Dzi buŋʼ afinti garam intap utup utup santan, i u ataŋʼ waraŋʼ nidzun aŋu i Dzi.’”

Udzuf fain ifa sib raiyi, da Anutu yintsaʼ Abraham naŋgan muarutsan i tsaŋanda bida araŋan ataŋʼa waraŋʼ i Araŋan ma imaʼ. Da inuʼ araŋan ibiani, “Abraham!” Da Abraham itaga ruan da ini binaʼ, “Dzi rumpai.”

Da bitsintaʼ Yawe aŋira gan inuʼ araŋan imiŋʼ gunuŋun ini binaʼ, “Abraham! Abraham!” Da Abraham ini, “Hai. Dzi rumpai.”

Da Yawe aŋira gan itip inuʼ Abraham imiŋʼ gunuŋun da ini, “Yawe ini ibiani, ‘U ataŋʼ waraŋʼ i Dzi nan nidzun aŋu da u wagantsi naruŋgam bitsintaʼ aru u maram aridagin yusan igi i Dzi u. Ibinigi da dzi Yawe ini nan nidzun biŋan da agu

Gubuʼ ribaraŋan fawaʼa mumai Anutu nida rutin ugu, da Abraham yantuŋʼ tauf tsarada nam in i nigi da irants gai mariŋʼ iyabin. Da idzur naruŋgan Isak fagan da baŋin sib da isintuŋʼ iyab i gai mariŋʼ waguŋʼ.