Папулярныя біблейскія вершы з Loma 8

Падзяліцца

Ko e me‘a kotoa ‘e fetaulaki mo ha taha ‘oku ‘ofa ki he ‘Otuá, ‘oku kau ia ki hono langa hake ‘e he ‘Otuá ‘a e mo‘ui ‘a e toko taha ko iá. He ko e kakai ‘oku ‘ofa ki he ‘Otuá, na‘e ui kinautolu ‘e he ‘Otuá ke nau fai ‘a e ngāue ‘okú ne finangalo ke faí.

‘Oku ou tui mo’oni, ‘oku ‘ikai ha momo’i me’a ‘e taha te ne lava ke motuhi kitautolu mei he ‘ofa ‘a e ‘Otuá ‘a ia ‘oku ‘i hotau ‘Eiki ko Sīsū Kalaisi, pē te tau mo’ui atu pe te tau mate, pe ‘e feinga mai ha ‘angelo pe ko ha tevolo, pe ko ha me’a ‘i he lolotongá ni pe ko e kaha’ú, pe ko ha ivi he lalo la’aaá ni, pe ko lolofonuá. ‘Ikai! ‘Oku ‘ikai ‘aupito ha momo’i me’a ‘e taha.

‘Oku ‘i ai foki mo hotau ngaahi vaivai‘anga. Ka ‘oku tokoni‘i ai kitautolu ‘e he Laumālié. Hangē ko ení. Lolotonga ‘ete fifili pe ‘e anga fēfē ‘ete hūfia ha me‘a, kuo hūfia ia ‘iate kita ‘e he Laumālié, ‘o ongo ‘aupito ‘ene lave maí, pea ‘oku ‘ikai ha lea fe‘unga ke fakamatala‘i ‘aki.

Ko e hā leva ha‘atau lau ki he ngaahi me‘á ni? ‘E ‘ikai hala ha‘atau pehē, “Tā he‘ikai tu‘u mai ha loto ia kiate kitautolu.”

Ko kimoutolu ‘oku kau mo Sīsū Kalaisí, te mou hao ‘aupito he tautea.

Ko e pule ‘a e kakanó, ko e maté ia. Ka ko e pule ‘a e Laumālié, ko e mo‘uí ia mo e fiemālié.

Ka kuo tau ikuna noa ‘a e ngaahi me‘á ni kotoa koe‘uhí ko e ‘ofa ‘a Kalaisi ‘iate kitautolú.

‘Oku ou pehē, ko e ngaahi mamahi ‘oku tau lolotonga mo‘ua aí, ko e me‘a si‘i pē ia ki he fu‘u lāngilangi ‘oku teuteu ma‘atautolu ‘e he ‘Otuá.

Ko e hā ha me‘a ‘e faifai pea motu ai ‘a e ‘ofa ‘a Kalaisi ‘iate kitautolú? Ha faingata‘a koā? Ha mamahi? Ha fakaaoao ‘e fai mai? Ha fiekaia? Ha honge? Ha tēlefua? Ha fakatu‘utāmaki ‘e hoko kia kita? Ha mole ‘ete mo‘uí?

Ka ‘oku ‘afio‘i lelei ‘e he ‘Otuá ‘a e me‘a ‘oku tokanga ki ai ‘a e Laumālié. He ‘oku ‘ikai puli ki he ‘Otuá ha me‘a ‘e taha he loto ‘o e tangatá. Pea ko e finangalo ‘o e ‘Otuá ke hūfia ‘e he Laumālié ‘a hono kakaí.

He ko kinautolu ‘oku fai honau tatakí ‘e he Laumālie ‘o e ‘Otuá, ko e fānau kinautolu ‘a e ‘Otuá.

Ko e kakai ‘oku nau fakatuituia honau kakanó, ‘oku nau fiema‘u pē ‘a e me‘a ma‘a honau sinó. Ka ko e kakai ‘oku nau fakaongoongo ki he Laumālié, ‘oku nau fiema‘u ‘a e me‘a ma‘a honau laumālié.

Na‘e ‘ikai ta‘ofi meiate kitautolu ‘e he ‘Otuá hono ‘Alo ‘o‘oná. Ko e hā leva ha toe me‘a ‘e ta‘ofi ‘e he ‘Otuá meiate kitautolu?

‘Oku tau ‘ilo pau ko e fānau kitautolu ‘a e ‘Otuá. He ‘oku ‘ikai ngata pē he fakamo‘oni ki ai ‘a hotau laumālié, ka ‘oku toe fakamo‘oni ki ai ‘a e Laumālie ‘o e ‘Otuá. ‘Io, ko ‘ene fānau kitautolu. Pea kapau ko ‘ene fanau, pea tā ko e fanau-hoko foki, ko e fanau-hoko ‘o e ‘Otuá, ‘o kaungafanau-hoko mo Kalaisi ‘o kapau ‘oku tau kaungamamahi mo ia, te tau kau foki mo ia ‘i hono fakalāngilāngi’í.

Ko e ngaahi holi ‘a hotau kakanó ko e koto fakafili ki he ‘Otuá. He ko e koto ongongata‘a ki he Lao ‘a e ‘Otuá. Pea ‘e ‘ikai teitei lava ke toho ‘a e ngaahi holi ‘a hotau kakanó ke hoa pe taau mo e Lao ‘a e ‘Otuá.

Pea ‘oku faka‘amu ‘a e me‘a kotoa pē he lalo la‘aá ke fei mo a‘u ki he ‘aho ‘e fakahaá’i ai ‘e he ‘Otuá ‘a ‘ene fānaú.

He kuo fetō‘eaki mo felāngaaki, ‘a e me‘a kotoa he lalo la‘aá, ‘o hangē ha langaá, ‘o a‘u mai pē ki he ‘ahó ni.