Папулярныя біблейскія вершы з Loma 14

Падзяліцца

Ko e pule‘anga ‘o e ‘Otuá ‘oku ‘ikai ko e kai mo e inu, ka ko e mā’oni’oni mo e melino, mo e fiefia ‘i he Laumālie Ma’oni’oní. Ka ke ka fai ‘aki ‘a e ngaahi me‘a ko iá e ngāue ‘a e ‘Otuá, pea ‘e hoa ho‘o mo‘uí mo e finangalo ‘o e ‘Otuá.

‘E tatau ai pē pe te tau mo‘ui pe mate, ‘e ‘ikai uesia ai ‘etau kau he kakai ‘a e ‘Eikí.

Tau feinga mu‘a ke langa hake ‘etau mo‘uí he fe‘ofo‘ofaní mo e fetokoni‘akí.

Tau tuku mu‘a ‘etau toe siosio holó. Pea fei mo tuku foki mo ‘etau veuki ‘a e tui ‘a e kakai kehé.

He kuo pehē mai ‘e he Otuá he Folofolá, “‘Oku ou fakapapau‘i atu ‘e au ko e ‘Otua mo‘uí, ‘e tū‘ulutui ‘a e kakai kotoa pē, ‘o fakahīkihiki‘i au.” Tā kuo pau ke tau taki taha fehangahangai mo e ‘Otuá ‘o fakamatala ange ki ai ‘a e anga ‘o ‘etau nofo māmani na‘e faí.

Mou feohi mo e kakai kotoa pē ‘oku tui ki he ‘Eikí. ‘Oua ‘e fakakikihi‘i ‘a e fa‘ahinga ‘oku vaivai ‘enau tuí. Pea ‘oua foki te mou fakamaau‘i kinautolu ‘i ha ngaahi me‘a ‘oku faikehekehe ai ho‘omou tuí.

Ko e hā ‘okú ke holi ai ke fakamaau’i e sevāniti ‘a e tokotaha kehe? Ko ho‘o fai peheé he ko hai koe? Ngata pē ‘i he ‘Eikí tonu ‘okú ne mafai ke fakamaau’i ‘ene kau ngāué. Pea kuo pau ke ne fakamaau’i kinautolu.