Папулярныя біблейскія вершы з EPHESI 5

Падзяліцца

Madai ni basa hamdao thaoyarao lai, boni dongthai layarao ja lah. Krista nisi khe hamjao bani, bahai midim mani Madai niha jinis yaopha hi bandai ha jini baslai ha bo jar khe riba lai, hamjaoma ha dong lah.

Odebani, subung buddi giriyarao lai dongya hi, subung buddi gnangrao lai dong dada, nisi ni dongthai ha girik lah. Basain buthu hamya kha bani, hajora buthu khe baraipha lang lah (hajora buthu de gabang muilo gnang se).

Ju baola jahi da dong, ebo hade dongso se ja ba; bese ha gablai hi se dong lah. Bakhan ni rajabthai buthu, Madai ni rajabthai buthu, ode bese gede ni rajabthai buthu ha sainlai hi, khrip khah jang muh jang Madai niha rajab hi khurang majangma ha mili ri lah. Jini Gabra Jisu Krista ni bumu jang, asaba bubli habo, khrip jadi ha, Bupha Madai niha khajama ni grao thihi ning dong lah.

Odebani, gibir da ja, Gabra ni nangjaothai khe ragao sisi tharmai ma bao lah.

Basairao, nisi ni bihihthu khe hamjao lah. Krista longjom khe bede hamjao hi, bonthane jar khe jar rilaba lai ning

Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah.

Krista khe khin hi saosi jang saosi ni hukhum ha hap lai lah.

Bihih jayarao, Gabra ni hukhum ha nisi hapba la, nisi jar jarni basai ni bakhla ha hap lah.

Asaba bo ja thing, nisi ni bising ha asaba subung bo jar khe hamjaoba lai ning jarni bihih khe maya nang la thing, bihih bo jarni basai khe man khlai la thing.

Odebani, miyahsa boni buma bupha khe haiger lang hi, jarni bihih khe remsong nang, ode, bonsi gini de saomang masi ja lang la ma se, thihi sastro thiba lai ning.

Andar ha khusi dangyaba, bathai thaiyayaba buthu, musi ha nangyayaba ha gababa thane boni gajai khe tharmai ri lah