If you would like a copy of this version please contact info@davaraudiobibles.org

Biblia Toba Qom, La&#39;aqtaqa Ñim Lo&#39;onatac &#39;Enauacna © 2013, Sociedad Bíblica Argentina. (Text)
Toba Audio Bible ℗ 2025, Davar Partners International. (Audio)

Biblia Toba Qom 2013

<div class="version vid574 iso6393tob" data-vid="574" data-iso6393="tob">
 <div class="book bkDAN">
 <div class="chapter ch5" data-usfm="DAN.5">
 <div class="label">5</div><div class="s1">So nerec maye qo&#7929;ettalec so lque</div><div class="p"> 1So Belsasar maye nta'a ye Babilonia, &#7929;o'ot so lta'araic lquia'axac, nache icoyeguen so mil som 'amaqtaqaicpi yi'iye 'alhua, qaq co'ollaq mashe deque'etacpi, nache so nta'a qataq som icoyeguenpi co'ollaxa &#7929;ataqta &#7929;aguec so n&#7929;omigui lataxa. 2Qaq souaxat so lataxa nache so Belsasar damaxasoxoneuga da qandouo aso &#7929;omaxaquipi oro, qataq plata, maye so lta'a Nabucodonosor &#7929;achegoxota'a co'ollaxa aso atamnaxaqui maye na&#241;a ye Jerusal&#233;n, da yaqto' somaye n&#7929;omgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom &#7929;aqauga lhuapi.</div><div class="p"> 3Qaq 'era da 'eetec co'ollaq qandoua'a somaye aso &#7929;omaxaquipi oro, maye qa&#7929;achegoxota'a co'ollaxa aso atamnaxaqui maye lalamaqte &#209;im Lo'onatac 'Enauacna, maye na&#241;a ye Jerusal&#233;n, nache som nta'a qataq so icoyeguenpi co'ollaxa, qataq aso lhuapi, qataq asom &#7929;aqauga lhuapi, nache n&#7929;omtapigui asomayepi. 4Qaq 'enauac somayepi da n&#7929;omtapigui so lataxa qataq &#7929;o'oxoreetac nam natamnaxala'pi, maye chegaqaigui na oro, plata, bronce, lcat, qo'oipaq qataq na coma'. 5Qaq hua&#241;a co'ollaxa nache nque'elaxatta da qaila'a so lhuaq ca shi&#7929;axaua &#7929;ataqta yo'oqta souaxat na le'eraxa aso nco&#7929;araxanaxaquipi, nache deraxana aso llaxaata da &#7929;erelec so lque lapagaxaic se'eso qanayeetaigui n&#7929;ec. Qaq so nta'a co'ollaq ila'a so nhuaq maye deraxaatac, 6nache &#7929;ataqta napagaqtec, qaq souaxat da lcolanaxa nache &#7929;ataqta iviloxol imauec na lo'oc.</div><div class="p"> 7Qaq ime nache &#7929;ataqta nlamaxaren da i&#7929;axaneuga som ilaviigui ca l&#7929;a, &#7929;aanaxanaxaicpi, qataq som napaxagueetega anam huaqaa&#241;ipi ye Babilonia, nache 'enapega somayepi, 'eeta': Ca ishet da itaxa&#7929;axan yi'iye nanetta&#241;i qataq a&#7929;em da'aqtaxanem cam naigui yemaye, nache camaye qo&#7929;anaxanaxanguilo qome caua anogo maye tocaleguete da lo'oxo&#7929;axa'c, qataq nqolaa&#241;a qanqa'en ca nqolac oro, qataq sanem da itaua da &#7929;o'onataxanaxac. 8Nache 'enauac so &#7929;aanaxanaxaicpi maye do'onataxaatacot so nta'a pa'aigui so n&#7929;ec, qalaxaye somayepi qaica ca ishet da &#7929;a&#7929;aten da itaxa&#7929;axan som nanetta&#241;i, qataq da &#7929;a'axatem so nta'a cam naigui somaye.</div><div class="p"> 9Qaq hua&#241;a nache so nta'a Belsasar &#7929;ataqta huo'o da lcolanaxa, nache &#7929;ataqta napagaqtec. Qaq som ltauapi so nta'a sa&#7929;a&#7929;aten ca 'eetec, 10qalaxaye asom nate'e, co'ollaq hua'aqtegueua'a da la'alaxac so nta'a qataq som ltauapi, nache pa'aigui so n&#7929;ec maye hua&#241;a so nquia'axac nache 'enapeco': &#161;'Am nta'a, nache 'eetai' qome da 'anca'altauec! Qaq saishet qome da &#7929;apacauec da 'arhuogoxo, qataq saishet qome da 'anapagaqtec, 11cha'aye de'era 'aro'onataxanaxac, huo'o &#241;im &#7929;ale maye hueta'aguet so saqcha'a la'a&#241;axac nam atamnaxala'pi maye qui'itta. Cha'aye som 'arta'a co'ollaq nta'a, nache &#241;i'i&#241;i &#7929;ale &#7929;achaxan co'ollaxa da hueto'ot da &#7929;ataqtegue da ntoonaxac, qataq na&#7929;aanataxanaxac, qataq &#7929;aanaxanaxaic 'eeta'am na atamnaxala'pi. Qaq &#7929;oqo'oye so nta'a Nabucodonosor maye 'arta'a, &#7929;anem co'ollaxa &#241;i'i&#241;i &#7929;ale da lataxala' 'enauac na 'oiquiaxaipi, na ilaviigui ca l&#7929;a, na &#7929;aanaxanaxaicpi, qataq nam napaxagueetega ana huaqaa&#241;ipi maye hueta'a ne'ena 'alhua, 12qaq &#241;imaye nache&#241;i &#241;i Daniel, maye so nta'a &#7929;anagui co'ollaxa da le'enaxat da Beltsasar, &#241;imaye hueta'aguet so saq cha'a na'a&#241;axac maye qaica ca 'ena'am, qataq &#7929;aanataxanaxaic, qataq hueto'ot da na&#7929;aanec da &#7929;a&#7929;aten ca naigui na nchoxonaxacpi, qataq &#7929;a'axategue cam naigui ca na'aqtac maye saqcha'a, qataq &#7929;a&#7929;amaxaa&#241;i cam &#7929;ataqta huo'o da lqalaic. 'Am nta'a, &#241;aq 'au&#7929;axaneuga ctaxa &#241;i Daniel, yaqto' &#241;imaye 'am &#7929;a'axatem qome cam naigui yem nerec maye nanettalec ye lque.</div><div class="p"> 13Qaq hua&#241;a nache so Daniel qa&#7929;auegueua'a so nta'a, nache so nta'a inat somaye, 'eeta': &#191;Nache 'am Daniel, maye 'aualectaigui nam nco&#241;eteguishecpi judiopi, maye som ita'a Nabucodonosor nauec co'ollaxa &#7929;achegoxota'a ye Jud&#225;? 14A&#7929;em qa&#7929;a'aqtaxaateguem da so saqcha'a la'a&#241;axac nam qui'itta atamnaxala'pi 'am hueta'aguet, qataq &#7929;ataqtegue da 'antoonaxac, qataq 'am &#7929;aanataxanaxaic, qataq 'am &#7929;aanaxanaxaic. 15Qaq cha'aye a&#7929;em qanauegueua'a so &#7929;aanaxanaxaicpi ne'ena 'alhua, da yaqto' itaxa&#7929;axan yi'iye nerec, qataq a&#7929;em da'aqtaxanem cam naigui, qalaxaye somayepi saishet da &#7929;a&#7929;aten. 16Qalaxaye a&#7929;em &#7929;a'axa&#7929;axac da 'am 'aushet da 'aua&#7929;aten cam saishet da qa&#7929;a&#7929;aten, qataq da 'aua&#7929;amaxaa&#241;i cam huo'o da lqalaic. Qaq 'am da 'aushet da 'autaxa&#7929;axan yi'iye na'aqtac, qataq da a&#7929;em 'aua'axatem cam naigui, nache so'ot qome da 'am qo&#7929;anaxanaxanguilo caua anogo maye tocaleguete da lo'oxo&#7929;axa'c, qataq 'anqolaa&#241;a qanqa'en ca nqolac oro, qataq 'am itaua qome de'era &#7929;o'onataxanaxac.</div><div class="p"> 17Qaq hua&#241;a nache so Daniel &#7929;asateguet so nta'a, 'eeta': 'Am nta'a, nache 'am hueto'ot qome cam huotaique da &#241;eme 'anqa'en, qataq 'a&#7929;a'anem ca l&#7929;a shi&#7929;axaua dam &#241;o'oxoyec da do'onataxaneua'a na 'arma' lta'araic. Qaq a&#7929;em qalaq choche 'am sa'aqtaxanem 'am nta'a, dam naigui yi'iyiua na'aqtaqa maye nanettaleguete na lque. 18&#171;&#209;im Lo'onatac 'Enauacna maye nata&#7929;a&#241;a 'enauacna, &#7929;anem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a. 19Qaq souaxat dam la'amaqchec maye qo&#7929;anem, nache 'enauac na nhuo' le'ecpi, na &#7929;otta'a't shi&#7929;axauapi, qataq na &#7929;otta'a't na la'aqtacpi &#7929;ataqta lta'araic naqa'en da 'enec, qataq iviloxol naxa da datato'ot somaye. Qaq somaye &#7929;alauat cam tachigui da &#7929;alauat, qataq nca'alaxattauec cam tachigui da nca'alaxattauec, qataq huo'o na &#7929;anem da la'amaqchec, qataq huo'o na &#7929;anem da qaica ca 'enec. 20Qalaxaye co'ollaq nlaxagui da na'amqaanaxac, qataq &#7929;o'ot nam qauem, qataq nlaxagui da &#241;o'oxonnaxac, nache qaiuotaxanec da la'a&#241;axac qataq da llo'oxoyec maye hueto'ot co'ollaxa da nta'a. 21Qaq ime nache ca'ai qanqa'en na shi&#7929;axauapi, nache &#7929;e'eguelaxa da 'eeta'am ca shigui&#7929;ac, nache &#7929;alectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'a&#7929;a &#7929;apapiaxat na lo'oc, choche ivitta'a da &#7929;e'eguelaxa da &#7929;auatton &#209;im Lo'onatac 'Enauacna maye Nata&#7929;a&#241;a 'Enauacna, da huo'o da la'a&#241;axac da ilo'ogue da lo'onataxanaxac na shi&#7929;axauapi, qataq &#209;imaye &#7929;anem da no'onataxanaxac da nta'a cam taalec da &#7929;anem.</div><div class="p"> 22Qaq nagui 'am nta'a Belsasar, maye 'am llalec so Nabucodonosor, qataq 'aua&#7929;aten dam huaigui co'ollaxa somaye, qalaq &#241;aqaiyeta saishet da 'auauo'o ca 'anmanaxac. 23Nacherata da 'aue'en &#209;im Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso &#7929;omaxaquipi, qataq aso nemaxanaqtepi maye lalamaqtepi a&#241;i atamnaxaqui, nache 'aualecta'aguet 'enauac som 'anamaxasoxoicpi da qan&#7929;omiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaa&#241;i, qataq saishet da hua'aqa, qataq qaica ca &#7929;a&#7929;aten. Qaq saishet da 'avio'oxoren &#209;im Lo'onatac 'Enauacna maye huetaigui na lhuaq lauel da 'anachaalataxac, qataq nache&#241;i &#241;im chegoqchigui 'enauac nam 'auo'otpi.</div><div class="p"> 24Qaq &#7929;oqo'oye &#209;imaye namaq se'eso nhuaq da &#7929;elyi&#241;i yi'iyeua na'aqtaqa, 25MEN&#201;, MEN&#201;, TEKEL y PARS&#205;N, 26qaq yeemaye dam naiguilo, 'eeta': Yem na'aqtac MEN&#201; naigui da &#209;im Lo'onatac 'Enauacna mashe naloqte'n naua na'axa'te da 'aro'onataxanaxac 'am nta'a, qataq mashe &#7929;achaxan ye loga't damaye, 27qaq ye TEKEL, naigui da 'am nta'a, mashe 'am qanaloqten qa&#7929;auota'a aso naloqnaxanaxaqui, nache qa&#7929;a&#7929;aten da saishet da 'avi' yem &#7929;oqta 'arsallaxa ctaxa, 28qaq ye PARS&#205;N: qalaq naigui da mashe colaxagui da 'aro'onataxanaxac 'am nta'a, nache qo&#7929;anem ye medos qataq ye persas.&#187;</div><div class="p"> 29Qaq haua&#241;a nache so nta'a Belsasar, sa&#7929;a&#7929;aloxon da damaxasoxoolec da qo&#7929;anaxanaxanguilo so Daniel soua anogo maye tocaleguete da lo'oxo&#7929;axa'c, qataq &#7929;aa&#241;i qanqa'en so nqolac oro, nache so nta'a &#7929;a'axatem 'enauac som hueta'a yi'iye qanayeeta'a, da nacheso se'eso na'a'q da so Daniel, qo&#7929;anagui da ltaua so nta'a. 30Qaq nacheso se'eso pe da qa&#7929;alauat so Belsasar maye lta'a so caldeopi, 31nache so Dar&#237;o maye lma' ye Media, talec da no'onataxanaxac. Qaq so Dar&#237;o, somaye ivi' co'ollaxa sesenta y dos vi'iye da llaxa.</div>
 </div>
 </div>
</div>

So Belsasar maye nta'a ye Babilonia, ỹo'ot so lta'araic lquia'axac, nache icoyeguen so mil som 'amaqtaqaicpi yi'iye 'alhua, qaq co'ollaq mashe deque'etacpi, nache so nta'a qataq som icoyeguenpi co'ollaxa ỹataqta ỹaguec so nỹomigui lataxa. Qaq souaxat so lataxa nache so Belsasar damaxasoxoneuga da qandouo aso ỹomaxaquipi oro, qataq plata, maye so lta'a Nabucodonosor ỹachegoxota'a co'ollaxa aso atamnaxaqui maye naña ye Jerusalén, da yaqto' somaye nỹomgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom ỹaqauga lhuapi.
Qaq 'era da 'eetec co'ollaq qandoua'a somaye aso ỹomaxaquipi oro, maye qaỹachegoxota'a co'ollaxa aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, nache som nta'a qataq so icoyeguenpi co'ollaxa, qataq aso lhuapi, qataq asom ỹaqauga lhuapi, nache nỹomtapigui asomayepi. Qaq 'enauac somayepi da nỹomtapigui so lataxa qataq ỹo'oxoreetac nam natamnaxala'pi, maye chegaqaigui na oro, plata, bronce, lcat, qo'oipaq qataq na coma'. Qaq huaña co'ollaxa nache nque'elaxatta da qaila'a so lhuaq ca shiỹaxaua ỹataqta yo'oqta souaxat na le'eraxa aso ncoỹaraxanaxaquipi, nache deraxana aso llaxaata da ỹerelec so lque lapagaxaic se'eso qanayeetaigui nỹec. Qaq so nta'a co'ollaq ila'a so nhuaq maye deraxaatac, nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.
Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac. Nache 'enauac so ỹaanaxanaxaicpi maye do'onataxaatacot so nta'a pa'aigui so nỹec, qalaxaye somayepi qaica ca ishet da ỹaỹaten da itaxaỹaxan som nanettañi, qataq da ỹa'axatem so nta'a cam naigui somaye.
Qaq huaña nache so nta'a Belsasar ỹataqta huo'o da lcolanaxa, nache ỹataqta napagaqtec. Qaq som ltauapi so nta'a saỹaỹaten ca 'eetec, qalaxaye asom nate'e, co'ollaq hua'aqtegueua'a da la'alaxac so nta'a qataq som ltauapi, nache pa'aigui so nỹec maye huaña so nquia'axac nache 'enapeco': ¡'Am nta'a, nache 'eetai' qome da 'anca'altauec! Qaq saishet qome da ỹapacauec da 'arhuogoxo, qataq saishet qome da 'anapagaqtec, cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua, qaq ñimaye nacheñi ñi Daniel, maye so nta'a ỹanagui co'ollaxa da le'enaxat da Beltsasar, ñimaye hueta'aguet so saq cha'a na'añaxac maye qaica ca 'ena'am, qataq ỹaanataxanaxaic, qataq hueto'ot da naỹaanec da ỹaỹaten ca naigui na nchoxonaxacpi, qataq ỹa'axategue cam naigui ca na'aqtac maye saqcha'a, qataq ỹaỹamaxaañi cam ỹataqta huo'o da lqalaic. 'Am nta'a, ñaq 'auỹaxaneuga ctaxa ñi Daniel, yaqto' ñimaye 'am ỹa'axatem qome cam naigui yem nerec maye nanettalec ye lque.
Qaq huaña nache so Daniel qaỹauegueua'a so nta'a, nache so nta'a inat somaye, 'eeta': ¿Nache 'am Daniel, maye 'aualectaigui nam ncoñeteguishecpi judiopi, maye som ita'a Nabucodonosor nauec co'ollaxa ỹachegoxota'a ye Judá? Aỹem qaỹa'aqtaxaateguem da so saqcha'a la'añaxac nam qui'itta atamnaxala'pi 'am hueta'aguet, qataq ỹataqtegue da 'antoonaxac, qataq 'am ỹaanataxanaxaic, qataq 'am ỹaanaxanaxaic. Qaq cha'aye aỹem qanauegueua'a so ỹaanaxanaxaicpi ne'ena 'alhua, da yaqto' itaxaỹaxan yi'iye nerec, qataq aỹem da'aqtaxanem cam naigui, qalaxaye somayepi saishet da ỹaỹaten. Qalaxaye aỹem ỹa'axaỹaxac da 'am 'aushet da 'auaỹaten cam saishet da qaỹaỹaten, qataq da 'auaỹamaxaañi cam huo'o da lqalaic. Qaq 'am da 'aushet da 'autaxaỹaxan yi'iye na'aqtac, qataq da aỹem 'aua'axatem cam naigui, nache so'ot qome da 'am qoỹanaxanaxanguilo caua anogo maye tocaleguete da lo'oxoỹaxa'c, qataq 'anqolaaña qanqa'en ca nqolac oro, qataq 'am itaua qome de'era ỹo'onataxanaxac.
Qaq huaña nache so Daniel ỹasateguet so nta'a, 'eeta': 'Am nta'a, nache 'am hueto'ot qome cam huotaique da ñeme 'anqa'en, qataq 'aỹa'anem ca lỹa shiỹaxaua dam ño'oxoyec da do'onataxaneua'a na 'arma' lta'araic. Qaq aỹem qalaq choche 'am sa'aqtaxanem 'am nta'a, dam naigui yi'iyiua na'aqtaqa maye nanettaleguete na lque. «Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a. Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec. Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a. Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.
Qaq nagui 'am nta'a Belsasar, maye 'am llalec so Nabucodonosor, qataq 'auaỹaten dam huaigui co'ollaxa somaye, qalaq ñaqaiyeta saishet da 'auauo'o ca 'anmanaxac. Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.
Qaq ỹoqo'oye Ñimaye namaq se'eso nhuaq da ỹelyiñi yi'iyeua na'aqtaqa, MENÉ, MENÉ, TEKEL y PARSÍN, qaq yeemaye dam naiguilo, 'eeta': Yem na'aqtac MENÉ naigui da Ñim Lo'onatac 'Enauacna mashe naloqte'n naua na'axa'te da 'aro'onataxanaxac 'am nta'a, qataq mashe ỹachaxan ye loga't damaye, qaq ye TEKEL, naigui da 'am nta'a, mashe 'am qanaloqten qaỹauota'a aso naloqnaxanaxaqui, nache qaỹaỹaten da saishet da 'avi' yem ỹoqta 'arsallaxa ctaxa, qaq ye PARSÍN: qalaq naigui da mashe colaxagui da 'aro'onataxanaxac 'am nta'a, nache qoỹanem ye medos qataq ye persas.»
Qaq hauaña nache so nta'a Belsasar, saỹaỹaloxon da damaxasoxoolec da qoỹanaxanaxanguilo so Daniel soua anogo maye tocaleguete da lo'oxoỹaxa'c, qataq ỹaañi qanqa'en so nqolac oro, nache so nta'a ỹa'axatem 'enauac som hueta'a yi'iye qanayeeta'a, da nacheso se'eso na'a'q da so Daniel, qoỹanagui da ltaua so nta'a. Qaq nacheso se'eso pe da qaỹalauat so Belsasar maye lta'a so caldeopi, nache so Darío maye lma' ye Media, talec da no'onataxanaxac. Qaq so Darío, somaye ivi' co'ollaxa sesenta y dos vi'iye da llaxa.

Слухаць Daniel 5