Mark 16
16
1ယုဒလူမျိုးဒွေရဲ့ ဥပုသ်နေ့ပီးနော့နေ့မှာ မာဂဒလဝါသူမာရိ၊ ယာကုပ်၏မိခင် မာရိနရှာလုံတို့ဟ သူ့နို့ဓလေ့ထုံးစံရ ကိုယ်တော်၏ရုပ်ကလာပ်တော်ဝို သုလူးဝို့ ဆီမွှေးဒေဝယ်ယူကေ့ရယ်။ 2နန်းနွေနေ့မိုးလန်းနေထွက်လာခီမှာ သူ့နို့ဟ ဆီမွှေးဒေယူလာပီး သန်းခလိုင်းဂူဝိုသွားကေ့ရယ်။ 3သူနို့ဟ "သန်းခလိုင်းဂူဝမှာပိထားဝို ကလော့တုံးဝို ဟယ်သူရွှေ့နိုင်မယ်နူး" ဆိုပီး လမ်းခရီးမှာ ချင်းချင်းပြောနေကေ့ရယ်။ 4အယ်ဘေမဲ့သန်းခလိုင်းဂူဝို ရော့ခီမှာ ဂူဝိုပိထားဝိုကလော့တုံးကီးဟ တနေရာမှာမှာရော့နေပီး ဂူပွမ့်နေဇာဝို တွီ့ကေ့ရလေရယ်။ 5သူနို့သန်းခလိုင်းဂူတွမ်းဝို ဝမ်ဝါးခီမှာ ညာဖက်မှာ ဝတ်ဖြူစင်ကြယ်ဝတ်ထားဝို လူငယ်တဦးထိုင်နေဇာဝို တွီ့လိုက်ရပီး အံ့ဩသွားကေ့ရယ်။ 6အဲမိုသူဟ " ကြော့ကေ့န၊ နန်းနို့ဟ လက်ဝါးကပ်တိုင်မှာ သတ်ခံရဝို နာဇရက်ဗြို့ဟ ကိုယ်တော်ယေရှုဝိုရှာနေဇာမုဝလော၊ ဘုရားရှင်ဟ ကိုယ်တော်ယေရှုဝို ရှင်ပြန်ထမြော့စေရိတွက် သူအယ်မှာမှေ့ဟန်း။ ကေ့လိုက်ပါ၊ အယ်နေရာဟ သူ့ရုပ်ကလာပ်တော်ဝို ထားခဲ့ဒဲ့နေရာဖြစ်ရယ်။ 7သူ့ဗြိတော်ဒွေဝို အယ်ဒန်းဝိုပြောပေးပါ၊ ပေတရုဝိုဓိကထားပြောပေးပါ၊ ကိုယ်တော်ဟဂါလိလဲဝို သူ့ထက်စောပီး ရော့သွားလိမယ်။ ကိုယ်တော်ပြောခဲ့တိုင်း သူ့နို့ဟ ဂါလိလဲမှာ သူ့ဝိုတွီ့ရလိမယ်" ဆိုပီး အဲမိုလူငယ်ဟ သူမတို့ဝို ပြောပြလေရယ်။ 8အဲနော့သူ့နို့ဟ ဂူသန်းခလိုင်းပလန်ဖက်ဝို ဗြန်ဗြန်ပလေးထွက်သွားကေ့လေရယ်။ သူ့နို့ဟကြော့လန့်ပီး ဂိုလုံးတူခါနေကေ့ပီး ခြားသူဒွေဝို ဟဲမျိုးဖြစ်ပျစ်ခဲ့ဇာဝို ပလန်ပြောနိုင်ကေ့ရ။ 9ကိုယ်တော်ဟ ရှင်ပြန်ထမြော့ပီးနော့ နန်းနွေနေ့စောစောကီးမှာ မာဂဒလဝါသူမာရိဟ ကိုယ်တော်ဝို သက်ရှင်လျက်ဖူးမြော်ရလေရယ်။ သူမဝိုဝမ်ရော့ပူးကပ်နေဝို ကောဆိုးဝါးခုနှေ့ကော်ဝို ကိုယ်တော်ဟနှံထုပေးလေရယ်။ 10သူမဟ အယ်မိုကြောဝိုကိုယ်တော်နတူနေခဲ့ဝိုလူဒေဝို ပြောပြလေရယ်။ အယ်ဘေမဲ့ အဲလူဒေဟ ကိုယ်တော်တွက် ငိုကြွေးပူဆွေးနေလျက်ပင်ရှေ့သေးရယ်။ 11သူ့နို့ဝို ကိုယ်တော်ရှင်ပြန်ထမြော့တော်မူကြောန သူကိုယ်တိုင် ကိုယ်တော်ဝို သက်ရှင်လျက်တွီ့ခဲ့ဇာဝိုပြောပြပေမဲ့ ယုံကေ့ရ။ 12အဲနော့ ခြားဗြိတော်နှေ့ယော့ဟ ယေရုရှလင်ဗြို့နီးနားတဝိုက်မှာရှေ့ဝို ကျေးလက်ဒေသဒေဝိုသွားရော့ခါမှာ ကိုယ်တော်ဟခြားနားဝိုရုပ်သွမ်နကိုယ်ထင်ပြလေရယ်။ 13အဲကြော့ သူ့နို့ဟ ဗြို့ဝိုပလန်ပီး အဲဖြစ်ပျစ်ဝိုဗြိတော်ဒေဝို ပြောပြကေ့ရာ ယုံကေ့ရ။ 14အဲနော့ဗြိတော်ဆယ့်နှေ့ဦးဟ စားသော့နေခီမှာ ကိုယ်တော်ဟဗြိတော်ဒွေဝို ကိုယ်ထင်ပြလေရယ်။ ရှင်ပြန်ထမြော့ဇာဝို ယုံကြည်ဝို့ခက်ခဲနေဝို ဗြိတော်ဒွေဝို ကိုယ်တော်ဟ ဒိပေးတော်မူရယ်။ 15ကမ္ဘာရပ်ရပ်ဝိုသွားပီး ဘုရားရှင်ရဲ့ဒန်းကောဝိုဟောပြောကေ့ပါ။ 16ဘုရားရှင်ဝို ကြွင်းမဲ့ယုံကြည်ပီးရေနှစ်မြင်ဂလာခံယူသူ ဟယ်သူမဆို ကယ်တံခြင်းခံရလိမယ်။ အယ်ဘေမဲ့ ဘုရားရှင်ဝိုငြင်းပယ်သူဒွေဟ ပြစ်ဒဏ်စီရင်ခြင်းခံရလိမယ်။ 17ယုံကြည်သူဒွေဟတော့ ဘုရားရှင်ရဲ့နာမတော်ဝိုသုံးပီး ကောဆိုးဝါးဒေဝို မောထုနိုင်လိမယ်။ ခြားဘာသာဂါးဒွေဝိုလဲ ပြောနိုင်ကေ့လိမယ်။ 18သူ့နို့ဟ ဗွီဆိုးဒွေဝို လက်နကိုင်ပီးဖမ်းလဲ အန္တရာယ်ရှေ့မှာမုဝ။ ဆိဝိုသော့မိကိုမှ သေဝို့မုဝ။ သူ့နို့ဟ နာမကျန်းသူဒွေရဲ့ ခန္ဓာကိုယ်ပေါ်လက်တံရုံန နာရောဂါဒွေပျော့ကမ်းအော်ကုသနိုင်ပါလိမယ်။" ဆိုပီး မိတော်မူလေရယ်။ 19ကိုယ်တော်ယေရှုဟ ဗြိတော်ဒေဝို အဲမျိုးမိတော်မူပီးနော့ နိဗန်ရွှေဗြို့တော်ဝို ကြွသွားလေရယ်။ နိဗန်ရွှေဗြို့တော်မှာ ဘုရားရှင်၏လက်ယာဘက်မှာ ကိန်းဝပ်စံပယ်တော်မူလေရယ်။ 20အဲနော့ ဗြိတော်ဒွေဟ နေရာနှံ့ပြားဝိုသွားရော့ပီး ခရစ်တော်၏ဒန်းကောဝိုဖလန့်ဝေကေ့လေရယ်။ ဘုရားရှင်ရ သူ့နို့နတူပါပီး သူ့နို့၏ဒန်းဟ မှန်ကန်ကောမွန်ကြောကို အံ့ဩဖွယ်မိလက္ခဏာဒွေန သက်သေပြလေရယ်။
المحددات الحالية:
Mark 16: DNT
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
This translation of the Danu NT is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
