PSALMS 138
138
1Kegahmahmooyahwahmin anegookoodaäyaun: anahsuhmewaud muhnedoog kegah wahwezhanemegoo.
2Ningahahnuhmeäh anuhkuhkayah kekechetwah‐weguhmigoong: kuhya ningahwahwezhandaun ewh kache‐ahpeetandahgwuk kedezhenekahzoowin oonje netah‐shahwanjegayun kuhya dabwayun, ahwahshema mah kegekechetwahwetoon kedekedoowin dush ween kuhkenuh kedezhenekahzoowin.
3Uhpe kenuhnaundoomenaun kegenuhquatou: kuhya kegemushkahwezeëwh emuh ninjechaugoong.
4Kuhkenuh oomah uhkeeng duhzhe keche‐oogemaug kegahwahwezhanemegoog O Jehovah: uhpe kenoonduhmoowaud kedekedoowinun kedooning wanjeemahgukkin.
5Kuhya tahnuhguhmoowug emuh oomeekunaung owh Jehovah: kechetwahwandahgwudene mah oopezhegandahgoozewin owh Jehovah.
6Ishpandahgooze mah Jehovah ooguhnuhwahbuhmaun enewh agahsanemoonejin: wahsuh dush oodoonjekekanemaun enewh mamenahdezenejin.
7Ahnahween goo bemoosayaun emuh ahnemezewining kegahbemahjewh: kegahshebenikan chemegahduhmun oonishkahdezewinewaun egewh shaunganemejig kuhya kegahbemahjewh kekechenik ayooyun.
8Jehovah ningahkezhetahmaug oodahnookewin: kahgenig ahyahmahgud keshahwanjegawin, O Jehovah: kagoo webenunkan keen tebenuhwa kedahnookeewinun.
المحددات الحالية:
PSALMS 138: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.