PSALMS 127
127
1Kishpin owh Jehovah oozhetoosig ewh wegewaum: penesekah suh ahnookewug egewh wazhetoojig.
2Kishpin owh Jehovah guhnuhwanduhsig ewh oodanah: penesekah ahkoowahbe owh ahkoowahbewenene.
3Penesekah ahnookewug, egewh waweeb quashkoozejig, kuhya wekah kaweshemoojig: oomeejenahwah dush ewh nahnahgahdahwanduhmoowine bahquazhegun: me mah azheäunwabeäud enewh suhyahgeähjin.
4Benuh ahbenoojeyag pahyowining wandahdezejig: debandahsoowinun kuhya meegewawinun ahwewug, owh Kesha‐Muhnedoo mahgewad.
5Debishkoo keenwaukwun emuh ooneenjeeng owh Mashkahwezid enene: mesuh azheähyahwaud washke‐bemahdezejig ahbenoojeyug.
6Shahwandahgooze suh goo owh enene nebewah ayahwaud enewh emuh peendunwauning: kahween tahahgujjese uhpe ganoonaud enewh shaunganemegoojin emuh ishquaundaming.
المحددات الحالية:
PSALMS 127: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.