PSALMS 122
122
1Ningeminwandum uhpe oo‐oo keëzhewaud: umba ezhahdah ewede oowegewauming owh Jehovah.
2Nebahwemahgudoon enewh kesittahnaunin: emuh kekche‐ishquaundaming, O Jerusalem.
3Jerusalem oozhechegahda debishkoo oodanaung: wahdookahdahdezoomahguk.
4Mesuh azhahwaud kuhkenuh ahnooj azheweenzoojig ahnishenahbag, oodahnishenahbamun Jehovah: chedebahjemootuhwind Israel, chemahmooyahmind Jehovah.
5Me mah ewede anduhzhe‐tebahkoonegang: tebahkoonega‐wuhbewinun dabandahgwukkin emuh oowegewauming owh David.
6Guhnooduhmook Jerusalem, pezaunezewin cheahtag emuh: ahbagish chemenoo‐ahyahwaud egewh suhyahgeïkig.
7Pezaunezewin tahahtamahgud peendig kewahkaheguning: kuhya tahmenoo‐nebaum emuh kedoogemah‐weguhmigoong.
8Oonje nenekahnesug kuhya neejekewayug mahnoo ningahekid: pezaunezewin tahduhgoomahgud peendig kewegewauming.
9Oonje oowegewaumun owh Jehovah Kekesha‐Muhnedoomenaun: ningahnundahwandaun chemenoo‐doodahgooyun.
المحددات الحالية:
PSALMS 122: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.