ST. MARK 2
2
1Menuhwah dush nahgujeesh kepeendega emuh Capernauming; kenoondahgam dush emuh wegewauming ahyaud.
2Bahbega dush nebewah kemahwunjeëdewug, kah dush ketabishkenasewug emuh wegewauming kah dush kuhnuhga chegishquaund, e‐ewh ashenoowaud; oogedebahjemootahwaun ewh ekedoowin.
3Oogepenaunzekahgoon dush enewh pahnahnejin enewh naboowahpenanejin enenewun, kenewewun enewh pamewenegoojin.
4Uhpe dush kekushkeoosigwah pashoo chepenaunzekahwahwaud enewh Jesusun, ashenoowaud egewh ahneshenahbag, oogepahkebuhquabetoonahwah emuh ahyahnid; uhpe dush kahpahkebuhquabetoowaud, oogenesahbegenah-nahwah ewh nebahgun emuh shingeshing owh naboowahpenad.
5Uhpe dush Jesus wuhyahbundung oodabwayanduhmoowinewaun, oo‐oo enaud enewh naboowahpenanejin, Ningwis, kewabenuhmahgoo kemujjeëzhewabezewinun.
6Emuh dush kenuhmuhduhbewug ahnind oozhebeëga‐wenenewug, oo‐oo keuhyenanduhmoowaud emuh oodaëwaung,
7Ahneshwin oo‐oo azhemujje‐kezhwad mahbuh? Ahwanan anandahgoozid chewabenemahgad enewh mujje-ezhewabezewinun, ween atuh Kesha Muhnedoo?
8Bahbega dush Jesus kekekanemaud emuh oojechaugoong oo‐oo cheühyenanduhmenid emuh oodaëning, oo‐oo oodenaun, Ahneshwin oo‐oo uhyenanduhmag emuh kedaewaung?
9Wagoonan nahwuj wuhyanepunuk oo‐oo cheënind owh naboowahpenad, Kewabenuhmahgoo enewh kemujje‐ezhewabezewinun; gamuh cheënind, Oonishkaun, oodahpenun kenebahgun, bemoosan dush?
10Cheoonjekekanduhmag dush owh Enene oogwissun cheähyaud ewh kushkeäwezewin oomuh uhkeeng chewabenuhmuhgad enewh mujjeëzhewabezewinun, (oodenaun enewh naboowahpenanejin),
11Kedenin, Puhsegwen oodahpenun kenebahgun, ezhaun dush emuh kewegewauming.
12Kazhetena dush kepuhsegwe keöodahpenung dush ewh nebahgun, kesahgahung dush emuh enahsuhmuhbenid kuhkenuh; kuhkenuh dush kemahmahkahdanduhmoog, kuhya dush oogewahwezhanemahwaun enewh Kesha‐Muhnedoon, keëkedoowaud, Kahween wekah ningewahbunduhsemin oo‐oo cheëzhewabuk.
13Menuhwah dush kesahgahum, keëzhaud dush emuh tetebaowh kechegummeeng; oogepenaunzekahgoon dush kuhkenuh enewh waqueenonejin ahnishenahban, oogekekenooahmahwahwaun dush.
14Anebemoosad dush, oogewahbuhmaun enewh Leviün oogwissun owh Alpheus, nuhmuhduhbenid emuh mahwunjechega‐weguhmigoong, oo‐oo enaud, Noopenuhzheshin. Kepuhsegwewun dush kenoopenuhnegood.
15Keëzhewabud dush, magwah kewesenenid emuh oowegewaumening, nebewah mahwunjechega‐wenenewug kuhya majeëzhewabezejig keweedoopuhmahwaud enewh Jesusun kuhya enewh ookekenooähmahgunun: kebahtuheenewug muh, kuhya oogenoopenuhnahwahwaun enewh.
16Egewh oozhebeëga‐wenenewug kuhya Phariseeg uhpe wahyahbuhmahwaud chewedoopuhmahnid enewh mahwunjechega‐wenenewun kuhya majeëzhewabezenejin, oogeënahwaun enewh ookekenooähmahgunun, Ahneshwin wedoopuhmaud kuhya weejemenequamaud enewh mahwunjechega‐wenenewun kuhya majeëzhewabezenejin?
17Uhpe dush Jesus noondahwaud, oo‐oo oogeënaun, Kahween oonundahwanemahsewahwaun egewh kayundahwezejig enewh mushkeke‐wenenewun, ayahkoozejig atuh; Kahween nepeöonjeëzhahse chenundoomugwah egewh manoo‐ezhewabezejig cheäunwanindezoowaud, majeëzhewabezejig atuh.
18Kekeëgwishemoowug dush ookekekenooahmahgunun owh John kuhya egewh Phariseeg: oopenaunzekahwahwaun dush, oo‐oo dush enahwaud, Ahneshwin keëgwishemoowaud ookekenooahmahgunun owh John kuhya egewh Phariseeg, keen dush kekekenooähmahgunug kahween keëgwishemoosewug?
19Jesus dush oo‐oo keënaud, Tahgekushkeoowug nuh chekeëgwishemoowaud egewh wanejahnesemindjig emuh wewekoodahde‐weguhmigoong, magwah weejewahwaud enewh nuhaungishun? menik ahyahwahwaud enewh nahaungishun kahween tahkushkeoosewug chekeëgwishemoowaud.
20Tahpuhgummeähyahmahgudoon enewh kezhegudoon, uhpe kenuhguhnegoowaud enewh nuhaungishun, me ewh uhpe kekezheguk kakeëgwishemoowaud.
21Kahween ahweyah oodahpahgwahunseen ewh ooshke‐mahnetoowagin emuh kata‐ahgwewining: mahgeshah ewh ooshkegin kaoonje‐pegooshkahgebun ewh kata‐uhyeëe, nahwuj dush tahgepegooshkahmahgud.
22Kah dush ahweyah oodahtooseen ewh ooshke‐shooweminahboo emuh kata‐oomoodying, mahgeshah ewh ooshke‐ühyeëe tahgeoonje‐paushkekahwun enewh oomoodyun, tahgesekesamahgud dush ewh shooweminahboo kuhya dush tahgebahnahdudoon enewh oomoodyün; tahahje-gahda ewh ooshke‐shooweminahboo emuh ooshke‐oomoodying.
23Kepuhgummeähyahmahgud dush, kepuhbahmoosad emuh mezemine‐ketegauning aunwabe‐kezhegudenig; enewh dush ookekenooähmahgunun anebemoosanid oogeühnechesuhnukkebetoonahwah enewh bahquazhegunun.
24Enewh Phariseen oo‐oo keëgood, Benuh, ahneshwin ezhechegawaud magwah aunwabe‐kezhegudenig ewh anandahgussenook cheëzhechegangebun?
25Oo‐oo dush keënaud, Kah nuh ween kegeähginduhsenahwah e‐ewh kahezhechegad owh David, uhpe kemuhnazid ween kuhya enewh wahjewahjin, kenoonda‐puhkudawaud?
26Kepeendegad emuh Kesha‐Muhnedoo oowegewauming magwah keche‐sahsahgewejega‐wenenewenid Abiathar, keäumwaud dush enewh wahbundahewawine‐buhquazhegunun, enewh anandahgoosenook ahweyah cheäumwahpun, egewh sahsahgewejega‐wenenewug atuh, oogemeenaun dush enewh wahjewahjin cheäumwahnid?
27Oo‐oo dush keënaud, Enene suh keoonjeoozhechegahda ewh aunwabe‐kezhik, kah dush ewh aunwabe‐kezhik keoonje‐oozheähse owh enene:
28Owh dush Enene oogwissun oodoogemahkundaun pooch ewh aunwabe‐kezhik.
المحددات الحالية:
ST. MARK 2: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
