ST. MARK 10
10
1Ewede dush keöonjepuhsegwe, peëzhah dush emuh enuhkakummig ewh Judea, ahgahmewung ewh Jordan: menuhwah dush oogepenaunzekahgoon enewh ahnishenahhan; kuhya dush menuhwah oogekekenooahmahwaun, debishkoo moonzhug azhechegad.
2Enewh dush Phariseen oogepenaunzekahgoon, oogeguhgwajemegoon dush, Enahkoonegam nuh enene chewabenaud enewh wewun? kekuhgwatebanemegood suh.
3Oogenuhquatuhwaun dush, oo‐oo keënaud, Ahneesh kahezhekuhgekemenag owh Moses?
4Oo‐oo dush keëkedoowug, Moses keënahkoonega cheöozhebeühming ewh wabenedewine‐muzzeneëgun, chewabenind dush owh equa.
5Jesus dush oogenuhquatuhwaun, oo‐oo keënaud, Mushkahwedaäyag kahoonjeöozhebeähmahgooyag oo‐oo kuhgequawin.
6Wahyashkud dush wazhechegahdag ewh uhkee owh Kesha‐Muhnedoo oogeöozheäun enewh enenewun kuhya enewh equawun.
7Mesuh dush owh enene kaöonjenuhguhnaud enewh oosun kuhya enewh oogeen, cheminjemenaud edush enewh wewun;
8Ahnoo dush neezhewaud tahpazhigwunene ooweyausewah: kah muh kayahbe neezhesewug, tahpazhigwunene suh goo ooweyausewah.
9Benuh dush kahmahmoowesettoojin Kesha‐Muhnedoo, kahween owh enene oogahpuhkawetooseen.
10Kuhya dush peendig wegewauming menuhwah oogeguhgwajemegoon enewh ookekenooähmahgunun oo‐oo azhewabuk.
11Oo‐oo dush oodenaun, Ahwagwan wabenahgwan enewh wewun, wedegamaud dush enewh bakahnezenejin, pezhigwahdezing oodoodahwaun enewh wewun.
12Kishpin dush owh equa wabenaud enewh oonahbamun, wedegamaud dush enewh bakahnezenejin, pezhigwahdeze.
13Oogepeetahwahwaun dush enewh ahbenoojeün, chetaungenahnid: ookekenooähmahgunun dush oogekenahahmahwaun enewh pahnahnejin.
14Uhpe dush owh Jesus wuhyahbuhmaud, kewuhsittahwandum, oo‐oo dush keënaud, Puhgedenuhmahwik egewh ahbenoojeüg chepenaunzekahwewaud, kagoo dush kenahahmahwahkagoon; me muh oogoo denoowug debandahgoozejig emuh oodoogemahwewining owh Kesha‐Muhnedoo.
15Kagate kedenenim, Ahwagwan ahbenoojeïng kaezheöodahpenunsegwan ewh oodoogemahwewin owh Kesha‐Muhnedoo, kahween tahpeendegase emuh.
16Oogeöodahpenaun dush emuh oonikaung, oogetaungenaun, kuhya oogeshahwanemaun.
17Uhpe dush kahuhnemahjaud emuh meekunaung, pazhik enenewun kepejebuhtoowun, keöojecheengwuhnetahgood, kuhya kekuhgwajemegood, Manoo‐ezhewabezeyun kakenooahmahgayun, ahneen kadezhechegayaun chedebanduhmaun ewh kahgega‐bemahdezewin?
18Jesus dush oo‐oo oogeënaun, Ahneeshwin, manoo‐ezhewabezeyun ezheyun? kah gooshah ahweyah menoo‐ezhewabezese, pazhik atuh, me owh Kesha‐Muhnedoo.
19Kekekandaunun enewh kuhgequawinun, Kahween kegahpezhigwahdezese, Kahween kegahneshewase, Kahween kegahkeemoodese, Kahween kegahkuhkenuhwishke‐bahtaungase, Kahween kegahwuhyazhingase, Kechetwahwanim koos kuhya keguh.
20Kenuhquatum dush keënaud, Kakenooahmahgayun, kuhkenuh oonoo ningeguhnuhwandaunun pahahkoo‐ooshkenuhwaweyaun.
21Uhpe dush Jesus wuhyahbuhmaud oogesahgeäun, oo‐oo dush oogeënaun, Pazhik suh kayahbe kenoondashkaun: mahjaun, ahtahwagan kuhkenuh enewh ketebenuhwawezewinun, meezh edush egewh katemahgezejig, kegahahyaun dush ewh tebenuhwawezewin ewede keche‐kezhegoong; peëzhaun dush, oodahpin ewh ahzhedayahtik, kuhya dush noopenuhzheshin.
22Kekushkandum dush oo‐oo keënind, kemahjah dush kesahdandung: kekeche‐wahnuhdezegoobun muh.
23Jesus dush kewetuheëe keënahbe, oo‐oo dush oodenaun enewh ookekenooähmahgunun, Benuh, kaëzhesuh-nugguk egewh wuhyahnuhdezejig chepeendegawaud emuh oodoogemahwewining Kesha‐Muhnedoo!
24Kemahmahkahdanduhmoon enewh ookekenooahmahgunun ewh keëkedood. Jesus dush menuhwah kenuhquatum, oo‐oo enaud, Ahbenoojewedoog, Benuh azhesunnugguk egewh apanemoojig ewh wahnuhdezewin ewh chepeendegawaud emuh oodoogemahwewewining owh Kesha‐Muhnedoo!
25Nahwuj tahwanepunud owh pagwahwegung cheshahbwepun emuh pagoonayaug ewh shahboonegaunse, ewh dush ween owh wuhyahnuhdezid enene chepeendegad emuh oodoogemahwewining owh Kesha‐Muhnedoo.
26Kekeche‐mahmahkahdanduhmoog dush egewh kekenooähmahgunug, oo‐oo dush keëzhekahnoonendewug, Ahwanan dush kabemahjeïnd?
27Jesus dush guhnuhwahbuhmaud, oo‐oo ekedoo, Egewh enenewug kahween tahkushkeöosewug, owh dush ween Kesha‐Muhnedoo kahween oopwahnuhwetooseen, kuhkenuh ahnooj gagoo ookushketoon Kesha‐Muhnedoo
28Medush owh Peter kemahje‐enaud, Benuh nenuhwind ningenuhguhdahmin kuhkenuh ninduhyeemenahnin, kegenoopenuhnegoo dush.
29Jesus dush kenuhquatum oo‐oo keëkedood, Kagate kedenenim, Kuhkenuh egewh kahnuhguhdungig ewh oowegewaumewah, enewh wejekewaëwaun, gamuh oodahwamahwaun gamuh oosewaun, gamuh oogeewaun, gamuh oowedegamahgunewaun, gamuh oonjahnesewaun, gamuh ooduhkeemewaun, neen oonje, kuhya oonje minwahjemoowin,
30Tahmeenahwug ningoodwauk ahwahshema enewh wegewaumun, kuhya wewejekewaëmaun, kuhya oodahwamahwaun, kuhya oogewaun, kuhya ahbenoojeün, kuhya uhkee, mahmahwe enewh kootuggëgoowinun noongoom magwah bemahdezing; bahnemah dush menuhwah kaühkeewung, kahgega‐bemahdezewin.
31Nebewah dush nahgaunandahgoozejig tahishquayandahgoozewug; kuhya egewh ashquayandahgoozejig tahnegaunandahgoozewug.
32Uhnebemoosawaud dush emuh meekunaung ezhahwaud emuh Jerusaleming; Jesus dush kenegahne; kemahmahkahdanduhmoog; kuhya dush magwah noopenuhnahwaud, kesagezewug. Menuhwah dush oogeöodahpenaun enewh metahswe‐ahshe‐neezh kekenooähmahgunun, oogemahje‐weenduhmoowaun uhyeëen wahdoodahgoojin.
33Oo‐oo keëkedood, Benuh kedezhahmin emuh Jerusaleming, kuhya dush owh Enene oogwissun tahpuhgedenah emuh ooneenjening enewh sahsahgewejega‐wenenewun kuhya oozhebeëga‐wenenewun; oogahnahneboomahwaun dush, kuhya oogahpuhgedenahwaun emuh ooneenjening enewh mahyug‐ahnishenahban:
34Kuhya oogahpahpenoodahwahwaun, kuhya oogahpuzzhunzhawahwaun, kuhya oogahsikwahnahwaun, kuhya oogahnesahwaun; nasoogoonuhgudenig dush tahahbejebah.
35Oogepenaunzekahgoon dush enewh Jamesun, kuhya enewh Johnun, oogwissun owh Zebedee, oo‐oo keëgood, Kakenooähmahgayun, nenundahwandahmin chedoodahweyaung, wagoodoogwan kanundahwanduhmoowaungan.
36Oo‐oo dush oogeënaun, Wagoonan nunduhwanduhmag chedoodoonuhgoog?
37Oo‐oo dush oogeënahwaun, Puhgedemuhmooweshenaum chenuhmuhduhbeyaung, pazhik emuh kekechenikaung, kuhya menuhwah pazhik emuh kenuhmunjenikaung, emuh kepezhegandahgoozewining.
38Jesus dush ogeënaun, Kahween kekekanduhsenahwah ewh nandooduhmag: kedahkushketoonahwah nuh chemenequayag emuh menequahjeguning neen azhemenequayaun? kuhya chebaptizoomegooyag ewh baptism neen azhebaptizoomegooyaun?
39Oogeënahwaun dush, Nindahkushketoomin suh. Jesus dush oo‐oo oogeënaun, Kagate suh kegahmenequam emuh menequahjeguning neen manequayaun; kuhya ewh azhebaptizoomegooyaun kegahezhebaptizoomegoom:
40Ewh dush ween chenuhmuhduhbing emuh nekechenikaung kuhya emuh nenuhmunjenikaung kahween neen nindooduhyeemeseen chemeenugwah, egewh atuh kahwahwazhetuhmahwindjig.
41Uhpe dush egewh metahswe kekenooähmahgunug kahnoonduhmoowaud, oogemahje‐wuhsittahwanemahwaun enewh Jamesun kuhya Johnun.
42Jesus dush oogenundoomaun, oo‐oo enaud, kekekandahnahwah egewh anandahgoozejig cheöogemahkundahwahwaud enewh mayuggezenejin oodebanemahwaun; kuhya egewh nahgahnezejig ookahgaunzoomahwaun.
43Kah suh dush kenuhwah oo‐oo kegahezhewabezeseem: ahwagwan kenuhwah anduhcheyag nanduhwanduhmoogwan chekechetwahwandahgoozid, mahnoo kegahbuhmeetahgoowah:
44Ahwagwan dush kawenegahnandahgoozegwan, mahnoo oogahbuhmeetahwaun kuhkenuh.
45Pooch muh owh Enene oogwissun kahween kepeöonje‐ezhahse chebuhmeetahwind, me atuh chebuhmeetahgad, kuhya chemeegewad ewh oobemahdezewin nebewah chebemahjeïndwah.
46Kepetuhgwishenoog dush emuh Jerichoïng: magwah dush uhnemahjaud emuh Jerichoïng, kuhya enewh ookekenooähmahgunun, kuhya nebewah ahnishenahban, pazhik kakepeengwad Bartimeüs, oogwissun owh Timeüs, kenuhmuhduhbe emuh meekunaung, pahgoosanjegad.
47Uhpe dush noondung ewh ahwenid Jesusun Nazereth duhzhe enenewun, kemahje‐pepahge, oo‐oo dush keëkedood, Jesus, wagwissemik owh David, shahwanemeshin.
48Nebewah dush oogeënahwaun chepezaunuhbenid; ahwundeesh dush ahwahshema kekeche‐pepahge, Keen Wagwissemik owh David shahwanemeshin.
49Jesus dush kedooke‐kahbahwe, keëkedoo dush chenundoomemind. Ooogenundoomahwaun dush enewh kakepeengwanejin, oo‐oo keënahwaud, Soongedaän, puhsegween; kenundoomegoo.
50Oogewabenaun dush ewh oodahgwewin, kepuhsegwe dush, penaunzekahwaud dush enewh Jesusun.
51Jesus dush oogenuhquatuhwaun, oo‐oo keënaud, Wagoonan nanduhwanduhmun chedoodoonaunbaun? Owh dush kakepeengwad oo‐oo oogeënaun, Rabouni, ewh suh chewahbeyaunbaun.
52Jesus dush oo‐oo oogeënaun, Mahjaun; kenoojemooëgoon ewh kedabwayanduhmoowin. Kazhetena dush kewahbe, oogenoopenuhnaun dush enewh Jesusun emuh meekunaung.
المحددات الحالية:
ST. MARK 10: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
