الأمثال 25
25
أمثال أكثر لسليمان
1هدي بعد أمثال لسليمان نسخها جماعة حزقيا ملك يهودا:
2مجد الرب في الأسرار إلا يخفيها، لكن مجد الملك في البحث عن الأمور إلا يكتشفها. 3زي ما السماوات عالية، والأرض فيها عمق، بعد قلب الملك غزير و ما حدّ يقدر يعرف قراره. 4نقي الفضّة من الحاجات العالِقة فيها، عشان الصايغ يصيغ الماعون 5إمنع الشرّاني من إنه يحضر عند الملك، عشان يثبت العرّش بالعَدل. 6لا تتفاخر قدام الملك، ولا توقف عنده في مكان ما يقعدوا الأشراف، 7لأن هو أحسن لك من أن ينقال لك: قوم و اقعد في هالمكان في حضرة الملك بدل ما تنذل قدام أكابر الناس و قدام الملك إلا شافته عيونك. 8لا تستعجل في الروحه للمَحاكِم، ويش تستفيد إدا جارك فشَّلك في الأخير؟ 9ناقش الموضوع ويا جارك نفسه، إدا رحت وياه للمحكمة لا تطلّع أسرار الناس إلا أمنّوك عليها، 10عشان لا يعيّرك السّامع، و تتشوه سمعتك. 11كلمة تنقال في أوانها زي التفّاح إلا من ذهب محطّوط في ماعون من فضّة. 12تأديب الحَكيم زي تركية الدهب في أدون إلا يسمع. 13الرسول الأمين للي أرسله كأنه زي برودة الثلج في يوم الحصاد، لأنه يُنعش نفوس أسياده. 14إلا يتفاخر بأنه أهدى هدايا چدب، فهو زي الغيمة والريح إلا ما ينزل منها مطر.
15بالصّبر تقدر تقنع الحاكم، و اللسان اللَّيِّن يكسر العظام. 16إدا لقيت عسل كل منه إلا يكفيك، ولا تطمع فيه عشان ما ترجّع، 17قلل من زيارتك لجارك عشان ما يمل منك و يكرهك. 18شاهد الزور ضدّ جاره زي المطرقة و السَيّف و السهم الحاد. 19أنك تعتمد على واحد غدار في وقت الضّيق زي الضرس المكسور و الرجول العوجة. 20إلا يرنم حق القلب الحزين يصير زي إلا ينّزع الثوب من على واحد زي الثوب الدافي في وقت البرد القارص أو زي إلايصب الخلّ على جرح مفتوح. 21إدا جاع عدوّك أعطيه أكل ياكله، و إدا عطش إسقيه ماي، 22لأنك إذا سويت چدي كأنك تحط فوق راسه جمر، والرب بيكفايك.
23ريح الشّمال تجيب المطر، و اللسان إلا يتكلم من ورى ظهور الناس، يجب لنفسه نظرات كلها غَضَب. 24تسكن في زاوية فوق السطح، أحسن لك من زوجه نكديه 25الخبر اللحليو من مكان بعيد زي الماي البارد إلا يبرد القلب ويروي النفس العطشانه.
26المؤمن إلا مو وفي قدام الظّالِم والشرير، هو زي عيون الماي العِكرة و الينبوع الفاسد. 27زي ما كثرة أكل العسل ضارة للصحة، نفس الشي إلا همه الناس تمدحه يجيب الذُلّ لنفسه. 28الرجال إلا ما يقدر يضبط نفسه زي المدينة المُهدّمة بلا سور يحميها.
المحددات الحالية:
الأمثال 25: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group