الأمثال 17
17
1لقمة خبز يابسة و وياها سّلام ولا بيت مليان دبايح و كله مشاكل. 2العبد العاقِل يتسيد على الولد الفاجر، و يشارك الأخوه في الميراث. 3زي ما يسوي المصهر و ينقي الفضّة و الفُرن يصفي الدهب، الرب بعد ييختبر قلوب البشر. 4فاعل الإثم يسمع كلام الشر، و الچداب يمشي ورا الكلام إلا يدمّر. 5إلا بحتقر الفقير يحتقر إلا خلقه، وإلا يشمت بالمصايب ما يقدر يهرب من العِقاب. 6تاج الشّيوخ أحفادهم، و فخر الأولاد أبوتهم. 7الكلام البليغ ما يطلع من بوز الجاهل السّفيه، ونفس الشي الچدب ما يطلع من الرجال الشريف. 8الرشوة في عيون إلا يهديها زي السّحر، و إلا يعطيها، وين ما يروح يفلح. 9المسامحة تقوّي الصداقة، و الفتّان يفرق الأصحاب و الأحباب.
10التأديب يأثر في الحَكيم أزيّد من مية جلّدة على ظهر البهيم. 11الشرّاني همه بس يتمرد، لكن رسول قاسي بيهجم عليه. 12لما تلتقي ويا دُبه غاضبة على فقد أولادها أحسن من تلاقي سفيه مورط حاله بعناده والسبه بهامته.
13الشر ما يفارق بيت إلا يقابل الخير بالشرّ. 14العداوة تبدي زي الماي لما يتفجر من السدّ، الأحسن تترك الخُصومة قبل ما تنفجر. 15تحليل الخاطي و تجريم البريء رجس في عيون الرب. 16ويش فايدة أن يكون عند الجاهل فلوس؟ چى يبغى أو بيشتري الحِكّمة و هو ما عنده الفِهم عشان يتعلمها؟ 17الصَّديق البار يحب في كل حزة، والأخو مولود عشان يكون عَون وقت الضّيق. 18البهيم هو إلا يكفل غيره بصفقة، و يكفل دين أحد ثاني. 19إلا يحب الخطيه يحب المشاكل، و إلا يكثر من شوفة حاله، يجيب لنفسه الدّمار. 20صاحب القلب الأعوج ما يفلح، و أبو لسان منافق يطيح في البلاوي. 21إلا يجيب ولد جاهل يعيش بالهم، و أبو البهامة ما يعرف الفَرح. 22القلب الفرحان دوا يشفي، و الروح المكسورة تعدم العظام. 23الظّالِم ياخد الرشوة في حضنه عشان يحرف سير العدالة. 24الحِكّمة هي هدف العاقِل لكن عيون الجاهل زايغة في أبعد مكان في الأرض. 25الولد البهيم يجيب التّعاسة لأبوه، و مرارة القلب لأمه. 26ما يجوز تعاقب البريء ولا تجلد النزيه على أمانته. 27إلا يملك المعرفة يتمهل في كلامه، و العاقِل رزين و يضبط أعصابه. 28حتى الأهبل وهو ساكت يفكروه الناس حكيم، و إدا سكّر بوزه يفكروه عاقل.
المحددات الحالية:
الأمثال 17: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group