الأمثال 11
11
1الرب يعتبر الميزان المغشوش نجاسه، و يفرح بإلا يوزن بالعَدل. 2لما الغرور وشوفة النَفس تجي، يجي وياها العّار، لكن الحِكّمة تجي ويا المتواضعين. 3نزاهة الصالحين تهديهم، و إنحراف العوجان يدمرهم. 4الفلوس ما تنفع في اليوم إلا يحاسب فيه الرب، لكن البِر ينجي من الموت. 5بِر الكامل يخلي طريقه سِيدة، لكن الشرّاني يطيح في حفرة شره. 6بِر الخَيّر ينجّيه، لكن الغدّارين يتعاقبوا على فسقهم. 7إدا مات الشرّاني رجاه ينتهي، و أمَل الآثمين نهايته الدّمار. 8المؤمن ينجوا من الضّيقة، وياخد مكانه الشرّاني. 9المنافق يدمر صاحبه بكلامه، و المؤمن ينجوا بالمَعرفة. 10المدينة تسعد و تتهلل لما ينجحوا الأبرار، و لما يموت الشرّانيين المدينة تفرح. 11من بركات الصالحين تتبارك المدينة، و من كلام الشرّانيين تتهدم.
12إلا يحتقر جاره ما عنده فهم سليم، و إلا عنده فطنة يمسك لسانه. 13النمّام يَنّشر السر، و الأمين يكتمه. 14بدون توجيه، يطيح الشعب، لكن يتحقق الإنتصار بكثرة الناصحين. 15إلا يكفل الغريب تصيده أذية عظيمة، و يسلم إلا يرفض إنه يكفل الغريب. 16المرة صاحبة القلب الحنون تفوز بالكرامة، لكن الرجال العنيفين ما ليهم إلا إنهم يجمعوا الثروات. 17الرّحيم ينفع نفسه، و القاسي يأدي روحه. 18الشرّاني يكسب فلوسه بالغشّ و آخرتها يخسرها، لكن إلا يزرع الخير له ثواب أكيد و دايم. 19إلا يتعلق بالخير يعيش، و إلا يتبع الشر يموت. 20أصحاب القُلوب المُنحرفة، الله يعتبرهم نجاسه، و أصحاب السيرة الحَسنة يفوزوا برضاه. 21نهاية الشرّاني الأكيدة هي العِقاب، لكن درية المؤمنين ناجية. 22المرة الجميلة إلا ما عندها حكمة زي حلقة الدهب في خشم الخنزير. 23رغبة المؤمنين هي الخير بس، لكن الشرّانيين رجاهم في الغَضَب.
24الكريم يزيد في غناه، و البخيل بدون سبب يصيده الفقر. 25النَفس الكريمة غناها يزيد، إلا يروي الناس يرتوي أكثر. 26الناس تلعن إلا يحتكر القمح، و تحلّ البركة على راس إلا يبيعها. 27إلا يسعى في الخير يحصل الرضا، و إلا يركض ورا الشر يجيه الشر. 28إلا يتوكل على غناه يطيح، لكن المؤمنين يكبروا زي أوراق الشجر الخضرة. 29إلا ينكد حياة أهل بيته ما يحصل على شي، و يصير السّفيه خادم للحكيم. 30ثمر المؤمن شجرة حياة، و الحَكيم يربح نفوس الناس. 31إدا كان ثواب المؤمن يحصله في الأرض، عجل كيف بيكون عقاب الشرّاني و الخاطي.
المحددات الحالية:
الأمثال 11: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group