هوشع 9
9
جزاء بني إسرائيل
1لاتفرح يا إسرائيل ولا تستانس زي بقية الشعوب، لانك خنت إلهك و هجرته. و حبيتوا الفلوس الا تجيكم من الزنا في كل مناطق بيادر الحنطة. 2عشان چدي البيدر و معصرة الخمر ما بتسد حاجتهم و الخمور الطازجة بتخدعهم. 3ما بتظلوا ساكنين في أرض الرب، و لكن أفرايم بيرجع إلى أرض مصر، و بياكلوا أكل نجس في آشور. 4ما بصبوا للرب خمر ولا بيرضى عن قرابينهم، بس بتكون زي خبز الحزانى، و كل من ياكل منها بيتنجس. خبزهم بس بسد جوعهم، و لكن ما بيدخل بيت الرب ابدا. 5وش بتسوا في يوم الاحتفال؟ و في يوم عيد الرب. 6شوفوا! حتى لو حاولوا يهربوا من الخراب، مصر بتجمعهم و مدينة مَنْف بتنفيهم نفي و بتدفنهم. و شوك الأرض بيورث فضتهم الثمينة، و الأشواك بتكون في بيوتهم.
7ايام العِقاب جاية و يوم الحساب جاكم، خلّي إسرائيل يعرف هالشي. و اعتبرتوا النبي أحمق، و الرجال ألا يتبع الروح معصب. بسبت كثر آثامك و كبر حقدك! 8افرايم رقيب مع الهي و نبي، لكن فخ الصياد متصيدنه في كل خطواته، و طغى الحِقّد في بيت الهي. 9و طغوا في فسادهم زي ما صار ايام جبعة، عشان چدي بتذكر ذنوبهم و بحاسبهم على خطاياهم.
10أنا حصلت إسرائيل و شفتهم زي عنب في البرية، و آبائكم شفتهم زي باكورة ثمر شجر التين في أول موسمها. و لكنهم لزقوا في بعل فغور و كرسوا أنفسهم للخزي، و صاروا نجسين زي الشي الا حبوه. 11مجد افرايم طار زي الطير الا يحلق، لا وحم ولا حمل ولا ولادة. 12و حتى لو جابوا أولاد و ربوهم بحرمهم منهم عشان ما يبقى منكم أحد، و يا ويلهم لما ابتعد عنهم. 13و مصير أولاد أفرايم زي ما أنا شايف، راح يطيح في قبضة الصياد، لان أفرايم بسلّم أولاده للذبح. 14أعطيهم يارب: و لكن وش بتعطيهم؟ نسوان أرحامهم تسقط و صدورهم جافه.
15سوّوا كل شرهم في الجلجال، و كرهتهم هناك. و بسبه سواياهم و شرهم بطردهم من بيتي، ولا برجَع أحبهم. كل رؤسائهم متمردين. 16أفرايم مريض، و جدورهم جفت ولا بيثمروا، و حتى لو جابوا أولاد بهلك أولادهم الغالين عليهم. 17بيصيروا منبوذين بالنسبة لألهي لأنهم ما سمعوا كلمته عشان چدي بيتشردوا بين الأمم.
المحددات الحالية:
هوشع 9: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group