هوشع 5
5
الله يجازي بني إسرائيل
1إسمعوا يا كهنة و إسمعوا زين يا مملكة بني إسرائيل، و اصغوا الى يا أهل بيت الملك، لأن صدر عليكم الحُكّم، لانكم فخ في مدينة مصفاة و زي الشبكة المحطوطة على جبل تابور. 2و دم الثوار للركب، و لكن أنا بأدبهم كلهم. 3أنا اعرف أفرايم زين و إسرائيل مو مخفي عني، إنت يا أفرايم زاني، و إسرائيل صار نجس. 4أفعالهم الشريرة صارت عائق بينهم و بين إنهم يرجعوا إلى الههم. لأن روح الزنا فيهم، و هم مو عارفين ربهم. 5غرور إسرائيل واضح في وجهه و يشهد عليه، و إسرائيل و أفرايم تخبطو باثمهم، و يهوذا بيتعثر إياهم. 6و ادا راحوا ايا بقرهم و مواشيهم عشان يقدموا قرابين، عشان يطلبوا الرب ما بيحصلوه. 7هم خانوا الله لأنهم جابوا أولاد غريبين عنه، عشان چدي مواسم أول كل شهر جديد تلتهمهم و تلتهم نصيب حقولهم.
8انفخوا في صفارة الانذار في منطقة جبعة و الأبواق في الرامة، و اعلنوا الخطر في بيت أون: تيلا ارتجف من الخوف يا بنيامين. 9أرضّ افرايم بتصيّر خرابة في يوم القضاء، و بابين لأسباط بني إسرائيل وشهو الا ينوثق فيه. 10رؤساء يهوذا صاروا زي المتعدين على حدود أرض. عشان چدي بصب عليهم غضبي زي الماي. 11أفرايم مضطهد و القدر سحقه، لأنه أصر على اتباع الأوثان. 12عشان چدي بصير زي السوس الا ينخر في أفرايم، و زي الخراب في بيت يهوذا.
13يوم بيّن مرض بيت أفرايم، و جروح بيت يهوذا، قام أفرايم لجأ لآشور، طالب مساعدة من ملك محارب، و لكن هو ما قدر يشفيه ولا يداوي جراحه. 14وانا بكون زي الأسد بالنسبة لافرايم، وزي الاسد المفترس لاولاد يهوذا. بفترس وبمشي، وبخطف ومافي أحد يقدر ينقدكم من قبضتي.
15و بعدين برجَع الى مكاني لين يعترفوا بأثامكم و يطلبوا وجهي، و في ضيقهم يدعوني بجدية. ويقولوا:
المحددات الحالية:
هوشع 5: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group