هوشع 13
13
الرب يعصّب على إسرائيل
1لما تكلم أفرايم نزل خوف على الأمم و الشعوب و صار له شأن في إسرائيل، و لكن لما سوّى آثام و عبد البعل مات. 2و الحين معاصيهم زادت، و يتفننّووا و هم يسوّوا لنفسهم تماثيل مسبوكة من فضتهم، و كلها شغل عمال محترفين. و الناس يتمسخروا و يقولوا عنهم: «خلّوا الا قدموا هالقرابين يبوسوا العُجول.» 3ولهذا السبب بصيروا زي ضباب الصَّباح و زي الندى الا يبتبخر بسرعة، أو زي القش المنتشر في العاصفة من البيدر، و زي الدُخّان المتسرب من المدخنة.
4لكن - أنا طول عمري الله إلهكم من أيام أرض مصر، المفروض ما تعرفوا آلهة غيري، ولا أحد بينقدكم غيري. 5أنا بنفسي الا رعيتكم و اعتنيت بكم في الصّحراء المقفرة، في أرضّ العطش. 6و لكن لما أكلوا و شبعوا، قلوبهم صارت مليانة و تكبروا عليّي، و هدا اللي خلاهم ينسوني.
7عشان چدي باصير ليهم أسد، و بقعد ليهم زي النمر على الطريق. 8و بنقض عليهم زي الدبة الا انسرقوا منها اطفالها، و وبشق صدورهم. و بفترسهم هناك زي اللبوة، و وحش البرية و بقطعهم قطعة قطعة.
9هلاكم جى منكم يا إسرائيل لانكم إخترتوا تصيروا أعّدائي! صرتوا ضدّ الا يمد ليكم يد العَون. 10أجل وينهو ملكم عشان ينقدكم؟ ش نقدكم و نقد مدنكم؟ وينهم حكامكم الا قلتوا ليهم: أعطيني ملك و رؤساء؟ 11هداني عطيتكم ملك و أنا معصب و رجعت أخدته لانّي معصب حدي.
12أفرايم مربوط بخطاياه، دنوبه محسوبة عليه. 13ألم الولاده نزل عليه بس لأنه هو مهو ولد حكيم، أحسَن له ما يتاخر، لما يجي وقت اللي ينفتح فيه الرّحم.
14ش أنا بفديكم من قوة الهاوية؟ ش أنا بنجيتكم من الموت؟ وين وباءك يا موت؟ وين هلاكك يا هاوية؟ الرَحّمة إنحجبت عن عيوني.
15و حتى لو صار هو الوحيد المثمر من بين كل إخوته، بتهب عليه ريح شرقية، ريح الرب الجايّة من الصّحراء، و بتجف ينابيعه و بنتضب عيونه و بنتنهب كنزة من كل إناء غالي. 16لازم السامرة تتحمل ذنبها، لأنها تمردت على الهها. عشان چدي بيموتوا أهلها بحد السَيّف، و أطفالها بصيروا أشلاء و بتنشق بطون الحوامل.
المحددات الحالية:
هوشع 13: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group