التكوين 34
34
دينا و أهل منطقة شكيم
1قامت دينا بنت لیئة طلعت عشان تتعرف على بنات المنطقة الا حوالیهم، 2و شافها شكيم ولد حمور الحوري، رئیس المنطقة، و اخدها و اغتصبها. و دنس شرفها 3وقلبه تعلق بدینا بنت یعقوب و حبها في عز شبابها، و قام یغازلها. 4و قال شكيم لابوه حمور: خد هالبنية ليي، ابغى اتزوجها. 5و سمع يعقوب ان الرجال تعدى على شرف بته دينة. و كانوا أولاده هداك الوقت یرعوا الغَنَم و المواشي في المزرعة. و سكتوا و أنتظرهم لین رجعوا. 6و راح حمور أبو شكیم لیعقوب عشان یتكلم إیاه في موضوع دينة، 7رجعوا أولاد يعقوب من المزرعة لما سمعوا بالموضوع، و کانوا معصبین حدهم، و دمهم فایر لأن شكیم سوّى فاحشة في بني إسرائیل لأنه تجرأ و عاشر بنت یعقوب، و هالشي الا سواه ما یجوز. 8و قال حمور: ولدي شكيم حبّ بنتكم، فجاي اطلب إیدها عشان تزوجوه ويّاها. 9خلینا نصیر نسایب و زوجونا بناتكم، وانتون بعد تزوجوا من بناتنا، 10تسكنوا ويّانا، اكو هدیها الأرض قدامكم. عيشوا فيها و اشتغلوا في التجارة، و بيصیر عندكم فیها أملاك. 11و قال شكيم لابوها و أخوتها: أنا ابغى رضاكم، و ما یصير خاطركم الا طیب، و بترضوا عني، و بعطیكم كل الا تطلبوه مني. 12غلوا المهر والهدیة و بعطیكم الا تبغوه، بس زوجوني ويّاها. 13و أولاد یعقوب قاموا خدعوا شكیم و ابوه، في ردهم. لأنه دنس شرف دينة اختهم، 14و قالوا لیهم: بعد ما یصیر نعطي اختنا لواحد مو مختتن، هدي إهانة كبيرة إلى سمعتنا بعد 15ما بنوافق على طلبكم إلا إدا صرتوا كلكم زینا، إدا كل واحد فیكم تختن، 16بعدین نزوجكم بناتنا، و نتزوج من بناتكم، و بنعیش ويّاكم و بنصیر جماعة وحدة، 17و غیر چدي ما نقبل، إدا ما سمعتوا كلامنا و تختنتوا، بناخد بنتنا و بنمشي. 18و جاز لحمور و ولده شكیم كلامهم، 19و ما تأخروا لرجال في تنفید الا طلبوه، لأنه كان راغب في بنت یعقوب، وهو كان أكثر واحد له هيبة في بيت أبوه. 20وجو حمور و ولده شكيم عند بوابة المدينة في المجلس، و قالوا للرجال: 21هدیلا الناس مسالمین، خلیهم یعيشوا في هالأرض، و یشتغلوا في التجارة، هدیها الأرض واسعة و بتكفیهم، خلینا نتزوج من بناتهم و یتزوجوا من بناتنا. 22و عندهم شرط واحد، عشان نصیر جماعة وحدة. أنا رجالنا یتختنوا زیهم، 23و بتصیر مواشیهم و أملاكهم و كل حیواناتهم ملكنا. خلینا نوافق على شرطهم و بيعیشوا ويّانا. 24و وافقوا كل الحاضرين في مجلس المدينة على كلام حمور و ولده شكيم، و تختنوا كل رجال المدینة. 25وفي ثالث یوم، و هم بعدهم متألمين من الوجع، اخدوا أولاد یعقوب سیوفهم، و الا هم شمعون و لاوي أخوة دينة من أمها و أبوها. و هجموا على المدينة بدون ما أحد یتوقع دخلتهم، و قتلوا الرجال كلهم. 26و قتلوا حمور و شكیم بالسیف، و أنقدوا دينة من بیت شكیم و طلعوا. 27و بعدین قبلوا أولاد یعقوب على القتلى و نهبوا المدينة لأنهم لوثوا شرف اختهم، 28واخدوا غنمهم و بقرهم و حمیرهم و استولوا على كل شي في المدينة وفي المزرعة، 29و استولوا على كل ثروتهم و كل أولادهم و نسوانهم و كل ما في البيوت. 30و قال یعقوب لشمعون و لاوي: جبتوا مصایب على راسي، و شوهتوا سمعتي عند الكنعانیين و الفرزیین الا ساكنين في هالبلد. هدحنا بعد عددنا قلیل، هدا بعد بقوموا كلهم عليي و بهیجوا و بجیبوا اجلي و بیقضوا عليّ و على أهلي. 31قالوا له: لا اجل نخلیه یعامل اختنا زي الزانیة، اجل؟
المحددات الحالية:
التكوين 34: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group
