التكوين 11
11
برج بابل
1وكانوا كل الا عایشین على الأرض یتكلموا بلغة وحدة و لهجة وحدة. 2و رحلوا جهة الشرق و شافوا سهل في أرضّ شنعار و عاشوا هناك. 3وقاموا یقولوا لبعض، «خلینا نسوي طابوق حامي.» و قاموا أستخدموا الطبوق بدل الحجارة و بدل الطین إسمنت. 4وقالوا: «خلینا نسوي لينا مدینة و برج یوصل للسما، و نسوي لينا إسم عشان لا نتشتت على وجه هالأرض كلها.» 5ونزّل ﷲ الحَيّ عشان يشوف المدينة و البرج إلا قرروا بني البشر يبنوه. 6و قال ﷲ: «هدوهم شعب واحد و یتكلموا لغة وحدة، و مسوین چدي من البدایة هدا ما بیصعب علیهم شي یصمموا إنهم یسوّوه بعدین.» 7«هد حنا بننزل لیهم و بنبلبل لسانهم، عشان ما أحد یفهم كلام الثاني.» 8و هجدي ﷲ شتتهم، و تشتتوا على الأرض كلها و هوّنوا ما بنو المدینة، 9عشان چدي المدینة صار إسمها «بابل.» لأن ﷲ بلبل لسان أهل الأرض، و بعدین شتتهم من هديك المنطقة لكل أنحاء الأرض. 10وهدا سِجِّل أولاد سام: یوم سام كان عمره میة سنه، جاه ولد بعد الطوفان بسنتین 11و سَمّاهُ «ارفكشاد.» وعاش سام بعد ما جاه ولده خمس میة سنه. 12و یوم صار عمر ارفكشاد خمسة وثلاثین سنة جاه شالح. 13و عاش بعد ما جاه ولده البِكر أربع میة وثلاث سنوات و جاه بعد بنات و أولاد غیر ولده شالح. 14و شالح كان عمره ثلاثین، یوم جاه ولده عابر. 15وعاش بعد ما جاب ولده البِكر أربع میة وثلاث سنوات وجوه أولاد و بنات غیر ولده عابر. 16و كان عمر عابر أربع وثلاثین سنه یوم جاه ولده فالج. 17وعاش بعد ما جاه ولده البِكر أربع میة وثلاثین سنة وجوه بنات و أولاد غیر ولده فالج. 18و فالج كان عمره ثلاثین، یوم جاه ولده رعو. 19وعاش بعد ما جاه ولده البِكر میتین و تسع سنوات وجوه أولاد و بنات غیر ولده رعو. 20و كان عمر رعو إثنين و ثلاتین سنة، یوم جاه ولده سروج. 21وعاش بعد ما جاه ولده البِكر میتین و سبع سنوات وجوه أولاد و بنات غیر ولده سروج. 22و كان عمر سروج ثلاثین، یوم جاه ناحور. 23وعاش بعد ما جاه ولده البِكر میتین سنه وجوه أولاد و بنات غیر ولده ناحور. 24و كان عمر ناحور تسع و عشرین سنه یوم جاه ولده تارح. 25وعاش بعد ما جاه ولده البِكر میة و تسعطعشر سنة، وجوه أولاد و بنات غیر تارح. 26و یوم صار عمر تارح سبعین سنة، جاب أبرام و ناحور و هاران.
نسب أبرام
27وهدا هو نسب تارح. تارح جاب ثلاث أولاد وهم: أبرام و ناحور و هاران. و هاران كان عنده بنتین ملكة و یسكة، و كان عنده ولد إسمه لوط. 28مات هاران قبل ما یموت أبوه تارح في الأرض إلا انولد فیها أور أرض الكلدانیین. 29و أبرام و ناحور تزوجوا. و إسم زوجة أبرام ساراي و إسم زوجة ناحور ملكة بنت هاران. 30و ساراي كانت عقیرة ما تجیب أولاد. 31و قام أخد تارح ولده أبرام و حفیدة لوط الا هو یصیر ولد هاران، و ساراي زوجة ولده أبرام، وطلعوا ويّا بعض من أور أرضّ الكلدانیین و إتجهوا ناحیة بلد كنعان. و في طریقهم إلى بلد كنعان، مروا من حاران 32و أستقروا هناك. و بعدین تارح أبو أبرام، مات في حاران وهو عمره میتین و خمس سنوات.
المحددات الحالية:
التكوين 11: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group
