1 कुरिन्थियों 8
8
मूरत्याँ के चड़ायो तको परसाद
1अबे मूरताँ का हामे चड़ाया तका परसाद का बारा में आपाँ जाणा हा। आपीं हारई ग्यानवाळा हाँ अन ग्यान मेपणो पेदा करे हे, पण परेमऊँ हारई को भलो वेवे हे। 2यद्याँ कुई हमजे के, वो कई जाणे हे पण ज्यो वींने जाणणो छावे वो तो वो जाणे कोयने हे। 3पण यद्याँ कुई परमेसरऊँ परेम करे हे तो वींने परमेसर जाणे हे।
4ईं वाते मूरताँ का हामे चड़ई तकी चिजाँ ने खाबा का बारा में आपाँ जाणा हा के, मूरताँ को दनियाँ में कई वजूद ने हे अन ओ हे के, एक ने छोड़न कुई परमेसर ने हे। 5धरती अन आकास में नरई देवताँ केवावे हे, अन नरई परबू अन देवताँ हे। 6पण आपणाँ वाते तो एकीस परमेसर हे आपणाँ बापू। वणाईस हारी चिजाँ बणई हे अन वाँका वातेईस आपीं जीवा हाँ। परबू खाली एकीस हे, ईसू मसी। वाँकाऊँईस हारी चिजाँ वीं हे अन आपणो जीवन भी वाँकाऊँईस हे।
7पण ओ ग्यान हाराई का नके ने हे। नरई तो अबाणू भी मूरताँ की पुजा करे हे अन अस्यी चिजाँ खावे हे अन होचे हे के, जस्यान वीं चिजाँ मूरत्याँ को परसाद हे। ईं वाते वाँके अस्यान करबाऊँ वाँकी अंतर-आत्मा असुद वे जावे हे काँके वीं कमजोर हे। 8पण वो परसाद तो आपाँने परमेसर का नके ने लेजाई। यद्याँ आपीं ने खावा तो आपणो कई नकसाण ने वेई अन खावा तद्याँ भी आपाँने कई नफो ने वेई।
9पण ध्यान राकज्यो कटे, अस्यान ने वे के, थाँकी आ आजादी कणी कमजोर विस्वासवाळा मनक का वाते ठोकर को मस वे जावे। 10काँके यद्याँ कुई “थाँ ग्यानी” ने मन्दर में चड़ई तकी चिजाँ खाता देक ले अन वो कमजोर विस्वासवाळो मनक वे, तो कई वींका मन में मूरताँ का हामे चड़ई तकी चिजाँ खाबा को मन ने वे जाई? 11अणी रितीऊँ थाँरा ग्यानऊँ वणी कमजोर विस्वासी मनक को नास वे जाई जिंका वाते मसी जान दिदी ही। 12ईं तरियाँ आपणाँ विस्वासी भायाँ का विरोद में पाप करता तका अन वणी कमजोर विस्वासवाळा मनक का मन ने दुक देता तका थाँ मसी का विरोद में पाप कररिया हो। 13ईं वाते यद्याँ वो खाणो मारा विस्वासी भई के ठोकर को मस बणे, तो मूँ कदी भी माँस ने खाऊँ अन नेई आपणाँ विस्वासी भई के पाप को मस बणूँ।
المحددات الحالية:
1 कुरिन्थियों 8: एम टी आर
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
(c) 2010-2017, New Life Computer Institute. All rights reserved