मत्तायोस 1
1
येसुसी बनस
(लूक 3:23-38)
1ईद अब्राहमसी ख़द्दस#1:1 इसन ख़द्दस माने बनस। दाऊदसी ख़द्दस येसु मसीसी पूरखर ही नामे हवे।
2अब्राहमस इसाकसी तम्बस।
इसाकस याकॊबसी तम्बस।
याकॊबस यहूदा अरा आसी भइय्योर ही तम्बस।
3यहूदास फारेस अरा सारासी तम्बस अरा तंग्यो तामार रहचा।
फारेस हेसरॊमसी तम्बस।
हेसरॊमस आरामसी तम्बस।
4आरामस अमिनदाबसी तम्बस।
अमिनदाबस नास्सॊनसी तम्बस।
नास्सॊनस सलमॊनसी तम्बस।
5सलमॊनस बोआसी तम्बस अरा तंग्यो राख़ाब रहचा।
बोआस यॊबॆदसी तम्बस अरा तंग्यो रूत रहचा।
यॊबॆदस येसैसी तम्बस।
6येसैस दाऊद बॆलासी तम्बस।
दाऊदस सालोमॊनसी तम्बस।
सालोमॊनसी तंग्यो मुन्द उरियसी तंग्आली रहचा।
7सालोमॊनस रहोबोअमसी तम्बस।
रहोबोअमस अबियासी तम्बस।
अबियास आसाफसी तम्बस।
8आसाफस यॊसफटसी तम्बस।
यॊसफटस यॊरामसी तम्बस।
यॊरामस ओसियसी तम्बस।
9ओसियस यॊतामसी तम्बस।
यॊतामस आहाजसी तम्बस।
आहाजस हेसेकियसी तम्बस।
10हेसेकियस मनास्सॆसी तम्बस।
मनास्सॆस आमॊनसी तम्बस।
आमॊनस यॊहोसियसी तम्बस।
11यॊहोसियस येहोनियास अरा आसी भइय्योर ही तम्बस।
ई बेड़ा नू आलर गुड़र'अरकी बाबुलॊन होच्चर केरर।#2बॆल 24:14,15; 2इति 36:10; यिर्म 27:20
12गुड़र'अरकी बाबुलॊन हो'अना ही ख़ॊख़ा:
येहोनियास सलातिऎलसी तम्बस रहचस।
सलातिऎलस जोरोबाबेलसी तम्बस।
13जोरोबाबेलस अबियूदसी तम्बस।
अबियूदस एलियाकिमसी तम्बस।
एलियाकिमस असॊरसी तम्बस।
14असॊरस सदॊकसी तम्बस।
सदॊकस अखीमसी तम्बस।
अखीमस एलियूदसी तम्बस।
15एलियूदस एलेयासरसी तम्बस।
एलेयासरस मत्तानसी तम्बस।
मत्तानस याकॊबसी तम्बस।
16याकॊबस यॊसॆफसी तम्बस।
यॊसॆफस मरियम ही तंग्आलस।
मरियम येसुसी तंग्यो।
येसुसिन मसी ब'अनर।
17ई लेखा अब्राहमस ती दाऊदस गूटी चौदा पिड़ही, अरा दाऊदस ती आलर गुड़र'अरकी बाबुलॊन हो'अना गूटी चौदा पिड़ही, अरा गुड़र'अरकी बाबुलॊन हो'अना ती मसीस गूटी चौदा पिड़ही मनी।
येसुसी कुन्द्रना
(लूक 2:1-7)
18येसु मसीसी कुन्द्रना एन्ने मंजा का आसी तंग्यो मरियम अरा यॊसॆफसी पाही मंजकी रहचा ख़ने, आर ही ओन संगे मन्ना ती मुन्द नेम्हा बॊलतस ती आद ओत्था ऎख़ र'अना ख़क्खतारा।#लूक 1:27 19अन्ति अदही आलस यॊसॆफस उजगो रहचस अरा अदिन नठाब'आ मल बेद्दालियस, औंगे आस अदिन कलेकसे अम्बा गे तिहा ननालियस।
20आस इबड़ा कत्था ही सोचनुम रहचस ख़नेम, उर्बासी पैकस आस गे तुंगुल नू ऎथ्रस दरा आनियस, “यॊसॆफ, दाऊदसी ख़द्दायो, नीन निंग्है आली मरियम आबोन ओन्द्र'आ गे अमा एल्चा, आद नेम्हा बॊलतस ती ओत्था ऎख़ र'ई। 21आद ख़द्द पाको अरा नीन आसी येसु नामे पिंजके, एन्देरगेका आस तंग्है आलारिन तम्है पाप गुट्ठी ती नाड़ोस।”#लूक 1:31
22इबड़ा उर्मी एन्ने गे मंजा धर्मेसी कत्था तिंगुर ती उर्बासी आनका कत्था मनन नेकअन। 23“ऎरा! डिंडा पेल्लो ओत्था ऎख़ मनो अरा ओन्टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्है गने र'अदस’।”#यसा 7:14
24यॊसॆफस चॊचस ख़ने उर्बासी पैकस पॆसका रहचस अन्नेम नंजस ती अदिन बेंज्रस अरा तंग्है आलिन तंग्हा गने ओन्द्रस। 25लिकिन ख़द्दासी अरगी कुन्द्रना गूटी मरियम गुसन मल केरस अरा आसी नामे येसु पिंजयस।#लूक 2:21
المحددات الحالية:
मत्तायोस 1: KURUXBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.