آيات مشهورة من الكتاب المقدس منरोमि 15

شارك

आस पिका परमेस्‍वरता नेलाइ खान्‍धुर पाका हिसुन्‍हा। वादोङ नेलाइहेङ बेराजा रो सान्‍तिहोइ पोङघापाप्‍याको। एन्‍साङपातेङ पुनित हाङसाको सरबङहोइ नेलाइको आस बार्‍हेतेङ हानाको।

धरमकिताबता लेखिका गोताङ काथा केलाइहेङ धिरपालिको भाअ्‌सिङ लेखिका हिघाखे। कालाउ धरमकिताबको पिका सहेका रो हाउसासो केलाइ आस निङलि द्‌वाको।

सहेका रो हाउसा परमेस्‍वरसो लोखे। इसु ख्रिस्‍ट भोकाभाइपा नेलाइ एअ्‌मि भेनेङदोफा मिलितेङ हिलि परमेस्‍वर मदत प्‍याको दोअ्‌तेङ का पारथाना पाखा। एसापा केलाइ एलोङदोङ मनको जेङतेङ एलोङदोङ गालाता केलाइको प्रभु इसु ख्रिस्‍टको आबा परमेस्‍वरहेङ बाखिन्‍लि द्‌वाको।

इदोइभाअ्‌सिङ परमेस्‍वरको पारतापकोभाअ्‌सिङ ख्रिस्‍ट नेलाइहेङ र्‍हुहि। एन्‍साङपातेङ परमेस्‍वरको पारतापकोभाअ्‌सिङ नेलाइ बुङ एअ्‌मि भेनेङहेङ र्‍हुसु।

केलाइ झाराङ ताइको साअ्‌ भेरपाकोहेङ भालाइ रो खान्‍धुरता बोल्‍यातेङ हानाको दोअ्‌तेङ वासेहेङ लेङचापालि गोइखे।