آيات مشهورة من الكتاب المقدس منरोमि 14

شارك

हाइदोनु परमेस्‍वरको सारभि दोअ्‌का चाका रो आम्‍का काथा माको। कालाउ इदोइ पुनित हाङसाता धरमाति, सान्‍ति रो बेराजाको काथा। जेदोङ पुनित हाङसा केलाइहेङ प्‍यावावा। जाइ एसापा ख्रिस्‍टको चाकर पाखे, इङको परमेस्‍वरहेङ लेङचा पाखे रो बोमि बुङ वासेहेङ मान पाखे।

कालाउ केलाइ सिन्‍हुलाउ बुङ प्रभुकोङ भाअ्‌सिङ सिन्‍हुताङ रो सिलाउ बुङ प्रभुकोङ भाअ्‌सिङ स्‍याङ। एन्‍साजेङलाउ केलाइ सिन्‍हुलाउ बुङ सिलाउ बुङ परमेस्‍वरकोङ हिन्‍हाहि।

इदोइभाअ्‌सिङ केलाइ सान्‍ति पिका रो एअ्‌मि भेनेङहेङ साघाइका काथाता खिनिङ दिनाङ लागितेङ ह्‍याइने।

इदोइभाअ्‌सिङ केलाइ एअ्‌मि भेनेङहेङ दुस मालागाइने। भुरुङ केलाइ ताइको दादाओने बाइओनेगेलाइहेङ बोखेका रो पापता वालापाका काथा मापाङ दोअ्‌तेङ निधो पाइने।

हाइपानु धरमकिताबता इस्‍का लेखिका हि: “परमप्रभु दोअ्‌खे, ‘जिसिका का सिन्‍हुका हिघा, गोताङ द्‌याङगेलाइ काङको आगाता तिर्‍हो थोस्‍वाना रो गोताङ देतोङ परमेस्‍वरहेङ बाखिनावा।’” एन्‍साङ केलाइ झाराङ परमेस्‍वरहेङ ताताइको हिसाब पिलिगोयाङ।

खान्‍धुरता बोल्‍याका हिकालाइ कमजोरि हिकालाइहेङ ताइको मन्‍डलिता स्‍वागत पासु। कालाउ वाको बिचारहेङ दुस लागाइतेङ झागारा पाका कामचाहिँ मापासु।

बोमिको कामत्‍याहेङ दुस लागाइका ना हासु? मालिक कि वाको चाकर ठिक काम पाका हि ना बेठिक काम पाका हि दोअ्‌तेङ निधो पावा। कालाउ इङको वाको मालिकहेङ रेम्‍फा दोङ काम पाखे। हाइदोनु प्रभु दोङ एन्‍सा पालि वासेहेङ साघायावा।