آيات مشهورة من الكتاب المقدس منयुहन्‍ना 2

شارك

वाको चिनोगेलाइता इदोइ लाङ चिनो इसु गालिलको काना पुरता पाहि। एसापा वा ताइको पारताप तिङपाहि, कालाउ वाको चात्‍यागेलाइ वासेहेङ खान्‍धुर पाहि।

इसु दोअ्‌हि, “आमाइ, का हाइपालि गोयाङका कासेहेङ मादोअ्। काङको पहर एलाथिकापा लोनाङ मान्‍थु।”

इसु एम्‍बालाइहेङ दोअ्‌हि, “घ्‍याम्‍पागेलाइता चिहोइ पोङघापासु।” एम्‍बालाइ घ्‍याम्‍पाको नुइथिकापाङ चि पोङघापापिहि। इङकोन्हुअ्‌सो इसु एम्‍बालाइहेङ दोअ्‌हि, “एला आतुइसा सारितेङ देराको माझिकोता चुम्‍पुसु।” एम्‍बालाइ एन्‍साङ पाहि।

इसु एम्‍बालाइहेङ दोअ्‌हि, “इदोइ थानहेङ र्‍हाअ्‌पिसु रो का सुमनिता यासेहेङ बान्‍हायाङका।”

कालाउ दिह्‍यामको एलोङ छरि बान्‍हाइतेङ वा इङको झाराङहेङ, इङकोको भेरागेलाइ रो पियागेलाइहेङ सुदाङ थानसो बाहार गिल्‍गिल्‍हि रो टाका सोकालाइको टाका राइपितेङ एम्‍बालाइको टेबुल सुदाङ उन्‍धिपापिहि। पारेउ पिअ्‌कालाइहेङ वा दोअ्‌हि, “इतासो इदोइ गोताङ थोक चुमपुसु। काङको आबाको साअ्‌हेङ चोल्‍कापिअ्‌का थामे माबान्‍हाइसु!”