آيات مشهورة من الكتاب المقدس منMAROMU 5

شارك

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

Wala tsi ɓasi, ɓadi risudziparia sifa ata hari mwa matreso, iv̄o rijuao amba matreso udza suɓira, na suɓira udhiɓitisha uaminifu, na uaminifu wadhiɓitishiha, uwo udza tama.

Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi. Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

Ɓasi av̄asa ha iv̄o rahakishiha mbeli za Mungu ha idamu ya Kristi, izidi urahara amba atsorikomboa na hadhaɓu za Mungu.

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

Wala tsi tu, ɓadi risurenga furaha yatru ha Mungu ha siɓaɓu ya Raɓi watru Insa-Kristi, alio amba ha ndzia yahe, ripara av̄asa umuparano na Mungu.