آيات مشهورة من الكتاب المقدس منMAROMU 4

شارك

Ɓadi mbeli za uwahadi wa Mungu kakana taradudu amba kakoamini, ɓadi ahodarishiha na uaminifu wahe, amutukuza Mungu, ha iv̄o awafiku amba Mungu ushindra atsimidze izo amutolea wahadi.

Mauri ɗe inamuna yaangihwa moni na uMuangishio: «Tsihufanya ɓaɓa wa nishani ha uwengi.» Waye a ɓaɓatru mbeli za Uwo alio amba amuamini, Mungu av̄ao uhayati uwafu, tsena ajisao iyo kaisi.

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

Ata ha iv̄o kav̄waka dalili itsokao yotsi amba imuv̄e tama, ne Iɓrahima akana tama, tsena aamini; ɓasi na ha izo arendreha ɓaɓa wa nishani ha uwengi, ulingana na zile aka aambilwazo, amba: «Ɗe ha inamuna iyo ɗe zitsokao zilembwe zaho.»

Iyo ɗe imana amba wahadi uwo uja ha uaminifu, pare ike amba neema ya Mungu, tsena utsimidzihe ha piya zizilembwe za Iɓrahima, wala tsi tu amba ha wao walio hari mwa iSharia, ɓadi wajau ha wao waliona uaminifu mauri ɗe Iɓrahima, mudzaɗe watru piyasi.

«Furaha ha wao mahosa yawo yaswamihiwa, na walio amba yamadhambi yazimwa; furaha ha mutru alio amba Mola kasuangiha dhambi lahe.»

Mana uMuangishio usurongoa trini? Amba: «Iɓrahima amuamini Mungu, na iyo itsongesha muhakisho wahe mbeli za Mungu.»