آيات مشهورة من الكتاب المقدس منProverbios 9

شارك

Ja̧danö, ju'wibi yötawaduwakwö: Jweinö omukwatö kwö̧jaduwobö kwösödaduwitjö̧ma abönö baikwö kwomukwataduwobö jo̧be: Isabenö Jo̧nö yebabinö kwomukwataduwobö jo̧be, ökwödaja, jö̧ba̧lö. Ju'wibi yötawaduwakwö: Diosnö, Suli̧ Jwibo̧nö kwöwaisaduwitjö̧ma di̧ya sulojobö jö̧ba̧lö, di̧ya otiwojobö jö̧ba̧lö kwöwaisaduwakwedöja.

Jo̧kwaobetjö̧, jwebebö yötawaduwakwö: Jelo̧nö edö obo̧nöma jwebebö yökawaduwoko, o̧'wo̧ sulinö edöda ökwödönö jwiinö öpöjödakwo̧. Jo̧banö jwebebö yökawaduwoböma jwiyobe. Jobekwö omukwatokobe jweinö omukwato̧ma. Jweinö omukwato̧nö jwebebö yökawaduwitjö̧ma ökwödönöma otiwanö edö ösödakwo̧, otiwanö pjakataduwobe, jö̧ba̧lö.

Isabenö, jweinö omukwatö jo̧nö jwebebö yökawaduwitjö̧ma jweinö omukwatemitjö̧ bajalekwönönö jweinö omukwatakwo̧. Ja̧danö, Dios wei̧ a̧ja̧kwö jo̧nöbi pjabatö yökawaduwitjö̧ma öwaisemitjö̧ bajalekwönönö öwaisachibakwo̧.

Isabenö yötawa: Jweinö omukwatö kwö̧jaduwitjö̧ma lekwe kwö̧jaduwena.

Baikwö laebobe Salomón wanedö yöawina jawa: —Chömöledö, bakwo̧ma ju'wedönö sulabenö obo̧ma jo̧banö jwebebö yötjawi̧ma öpöjödo̧. Isabenö, jo̧banö jwebebö yöbawo̧nö labinö, sulabenö atado̧. Ja̧danö, sulabenö omukwatö ja̧bo̧nö jwebebö yötjawena nöinö ölabobe. Isabenö, jo̧banö jwebebö yöbawo̧nö kwakwaena, 'do'doena, nöinö ölabobetjö̧.