آيات مشهورة من الكتاب المقدس منЭвел 17

شارك

Ибрам урчӀвцӀурна урчӀвуд йисаъ ади, дугъаз РАББИ ачмиш шулу ва кӀуру: – Узу Кьудратлу Заанур вуза. Йиз улихь, саб тахсир ктарди, лицури йихь.

Сарун увуз Ибрам («гьюрматлу адаш») кӀури хьибдар, яв ччвур Ибрагьим («гизафдарин аба») хьибди, фицики Узу увкан гизаф халкьарин адаш апӀидиза.

Узу, Йизна, явна, яв наслин арайиъ, насларилан наслариинна гьаммишандиз вуйи Йиз йикьрар, йитӀидиза. Яв Заанур ва увлантина вуйи яв насларин Заанур Узу хьидиза.

– Йиз терефнаан, магьа увухъди вуйи Йиз йикьрар: увкан гизаф халкьарин адаш хьиди.

Ибрагьимдиз Заанури гъапи: – Увуз бай апӀрур яв хпир Сара хьиди. Дугъʼин Исакь («думу аьлхъюра») кӀуру ччвур иливидива. Йиз йикьрар Узу гьадгъвахъди ва гьадгъвалантина вуйи насларихъди гьаммишандиз вуйи йикьрар вуди йитӀидиза.

Узу, уву гьамусяаьт гъурабади яшамиш шулайи вари Ханаан жил, увуз ва яв наслариз гьаргандиз тувдиза ва дурарин Заанур Узу хьидиза.

Ибрагьимди жилиинакьан икрам гъапӀу. Дугъу дяаьлхъну чав-чакди гъапи: «Варж йисаъ айирикан бай хьуб мумкин ву кӀурайчва? Сарара урчӀвцӀур йисаъ айир – мугъак бицӀир киршуб мумкин вуйинхъа?»

Хъа Заанури Ибрагьимдиз кӀуру: – Яв шив Сарайиз Сарай макӀан, хъа гъит дугъан ччвур Сара ибшри.

Ичв варидарин йиккнан кӀакӀар кадатӀай – гьаму хьибди Йизна ичв арайиъ йитӀнайи йикьрарнан лишан.

Аммаки Узу Йиз йикьрар, Сарайи увуз хъа йисан гьаму вахтназ гъапӀу Исакьдихъди йитӀидиза.

Ичв арайиъ миржид йигъ гъабхьи гьарсар жили бицӀирин суннат дапӀну ккунду – гьаци гьаммишан наслариан-наслариз апӀинай. Яв хулаъ бабкан гъахьидаринра ва, яв насларикан дарди, жара йишвлан пулихъ гъадагънайидаринра суннат дапӀну ккунду. Саб гаф адарди суннат дапӀну ккунду яв хулаъ бабкан гъахьиринси пулихъ гъадагъдаринра. Узухъди вуйи йикьрарнан му лишан ичв бедендиин гьаргандиз хьибди.