آيات مشهورة من الكتاب المقدس منKORINTHTE II 5

شارك

Hujiahin mi koipouh Khrist a, a um inchu, silsiamthah ahita hi; sil luite a beita a; ngai un, sil zousiah ahung thah vehta hi.

Ajiahchu amah a Pathian dihtatna i hung hihtheihna diingin, sualna mawngmawng he lou amah chu Pathian in eiuh jiahin sual in a bawlta hi.

(Ajiahchu muhtheiha pailou in, ginna in i paizaw uhi).

Huleh sil zousiah chu Pathian a kuan ahi a, ama’n Jesu Khrist in amah toh kilem in ahung bawl a, huleh ka kawmvah kilepna natohna ahung pia hi. Huchi'n Pathian chu Khrist a um in, khovel amah toh kilem in a bawl a, a tatsualnate uh tatsualna a sehsah louin; ka kawmvah kilepna thu ahung kolsahta hi.

Hujiahin kei u’chu Khrist palaite ka hi va, Pathian in keiuh manga nanguh hung ngen bangin, Pathian toh kilem un chi'n, Khrist luang in ka hung ngen uhi.

Huleh a hingte zong amahuh diinga a hin nawn taahlouh va, a sih luang va si a, huleh thou kiitpa a diinga a hin zawhna diingun, amah chu mi zousiah diingin a si ahi. Huchihjiahin tukalsiah chu tahsalamah koimah ka he nawn sih uhi; ahi, tahsadan in Khrist na he zong le’ung, tuin chu ka he nawn sih uhi.

Khrist lungsiatna in ahung sawl teitei hi; ajiahchu hichi'n ka ngaihtuah uhi, mi zousiah sih luang a mi khat a sih inchu, mi zousiah si ahita hi.