آيات مشهورة من الكتاب المقدس منKORINTHTE II 4

شارك

Sil muhtheihte en louin, sil muhtheih louhte ka en zaw uhi; ajiahchu sil muhtheihte chu tomtakhat sunga diing ahi a; hizongleh sil muhtheihlouhte chu kumtuang a diing ahi zaw hi.

Hukhu jiahin ka chau sih uh; hizongleh ka polam mihing uh kiam hiaihiai zongleh, ka sunglam mihing u’chu ni china siamthah in a um zing hi. Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

Lehlamlehlam ah nehthop in ka um va, hizongleh ka chimoh nai sih uh; lungdong in ka um va, hizongleh ka lungke tuan sih uh; Sawih in ka um va, hizongleh taisan in ka um sih uh; paihkhiah in ka um va, hizongleh suhmang in ka um nai sih uhi.

Hizongleh silbawltheihna loupina chu keiuh apat hilou a, Pathian apat ahih zawh theihna diingin hu gou chu lei beel ah ka kem uhi.

Pathian lim batpih, Khrist tanchinpha loupina vaahin amahuh a salhvaah theih louhna diingin, hute ah hi khovel Pathian in a gingta loute lungsim a suhmialsahta hi.

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.