1
मत्तायोस 6:33
पुना गच्छरना NT (BSI)
KURUXBSI
लिकिन मुन्द धर्मेस निम्है उज्जना नू राजी नन्ना ही पत्त सोच नू र'आ अरा आसी मने लेक्खा नना, होले इबड़ा उर्मी आलॊ निमा चितार'ओ।
قارن
اكتشف मत्तायोस 6:33
2
मत्तायोस 6:34
औंगे नॆला ही पत्त नू अमा घोख'आ, नॆला गा नॆला ही घोख आबोन घोख'ओ। इन्ना ता तिहा इन्ना गे मनो क'ओ।
اكتشف मत्तायोस 6:34
3
मत्तायोस 6:25
इदगे ऎन निमन ब'अदन, निम्है उज्जा गे अरा निम्है मॆद गे घोख अमा नना, एन्दरन ओनोम महले मॊख़ोन अरा एन्दरन अत्तोम। एन्देरगेका उज्जना मंडी ती अरा मॆद किचरी ती कोहाँ र'ई।
اكتشف मत्तायोस 6:25
4
मत्तायोस 6:6
नीम गा गोहरारना बारी, निम्है कुठली नू कला अरा बलिन मुच्चा ती मल ऎथ्रना नू निम्है बगंस ती गोहरार'आ। निम्है बंगस मल ऎथ्रना नू निम्है नलखन हूँ ऎरदस, आस निमन आसीस ननोस।
اكتشف मत्तायोस 6:6
5
मत्तायोस 6:9-10
औंगे नीम एन्ने गोहरारके: ‘अना एम्है मेर्ख़ा नू र'ऊ बबा, निंग्है नामे नेम्हा मनन नेकअन। निंग्है राजी बर'अन नेकअन। निंग्है मने एकासे मेर्ख़ा नू मनी अन्नेम ख़ॆख़ेल नू हूँ मनन नेकअन।
اكتشف मत्तायोस 6:9-10
6
मत्तायोस 6:11
एम्है उल्ला उल्लन्ता ओन्ना-मॊख़नन इन्ना एमा गे चि'आ।
اكتشف मत्तायोस 6:11
7
मत्तायोस 6:12
अरा एकासे ऎम एम्है उर्मी अक्का-बलकारिन अम्बदम चि'अदम अन्नेम एम्है अक्का-बलकन हूँ अम्बा चि'आ।
اكتشف मत्तायोस 6:12
8
मत्तायोस 6:13
अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्देरगेका राजी दरा सवंग दरा ओहमा हुल्लो गुटी निंग्है दिम र'ई। आमेन।]’
اكتشف मत्तायोस 6:13
9
मत्तायोस 6:14
नीम नन्नर ही अक्का-बलकन छमा ननोर होले मेर्ख़ा ता बगंस हूँ निमन छमा ननोस।
اكتشف मत्तायोस 6:14
10
मत्तायोस 6:26
ऒड़ा गुट्ठिन ऎरा, अबडा चाँख़'ई मला, ख़ु'ई मला, अरा कुट्ठी नू बीन्द'ई मला, अन्नु हूँ निम्है मेर्ख़ा बंगस अबड़न पॊसदस। नीम गा अबड़ा ती कोड़हे मूल्ली ही र'अदर।
اكتشف मत्तायोस 6:26
11
मत्तायोस 6:19-21
ख़ॆख़ेल नू निमा गे खुर्जी अमा बेंद'आ, एक्सन मुरछा मूख़ी पोचगो गुट्ठी मूख़ी अरा ख़लबर उम्पनर ती ख़ड़नर हो'अनर। लिकिन मेर्ख़ा नू निमा गे खुर्जी बेंद'आ, एक्सन मुरछा मल मूख़ी अरा पोचगो गुट्ठी मल मूख़ी अरा ख़लबर उम्पनर ती मल ख़ड़नर हो'अनर। एन्देरगेका एक्सन निम्है खुर्जी र'ई असन निम्है जिया हूँ टंग्रकी र'ओ।
اكتشف मत्तायोस 6:19-21
12
मत्तायोस 6:24
नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्हा ननोस, महले ओर्तस गने मेस्रका र'ओस अरा नन्नासिन ख़ाँड़'ओस। ई लेक्खम नीम धर्मेसी अरा ख़ॆख़ेल ता खुर्जी ही सुसर नना पोलदर।
اكتشف मत्तायोस 6:24
13
मत्तायोस 6:30
इन्ना टोंका नू र'ऊ अरा नॆला चिच्ची नू च'ऊ लट्टी गे धर्मेस फबना ऎथ्रना चि'अदस होले, अना पत्त'अना नू पयहा आलारो, धर्मेस निमन मानिम नू ऎरोस ख़ॊजोस दने।
اكتشف मत्तायोस 6:30
14
मत्तायोस 6:3-4
औंगे एकाबारी नीम कीड़ा आलर गे चि'अदर, अदिन नन्ना आलर अम्बोर अख़'आ। निम्है चि'अना अम्बो ऎथ्र'आ अरा निम्है बंगस मल ऎथ्रना नू हूँ निम्है नलखन ऎरदस, आस निमा बग्गे आसीस ननोस।
اكتشف मत्तायोस 6:3-4
15
मत्तायोस 6:1
चिहुंक र'आ का आलर ही जियन निम्है तरा नतगा गे निम्है दौ नलखन अमा ऎद'आ। नीम अन्ने ननोर होले मेर्ख़ा नू र'ऊ निम्है धर्मे बंगस ती नीम इनाम मल ख़क्खोर।
اكتشف मत्तायोस 6:1
16
मत्तायोस 6:16-18
नीम उपास ननो बारी उतुरमाड़ुर लेक्खा मुहिन हेन्दव'अके ती उपास अमके नना। आर तम्है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्है आसीस ख़क्खा ख़च्चियर। नीन गा उपास ननो बारी निंग्है मुहिन मुझुरके अरा कुक्कु नू इसुंग नलभ्रके। एकत्रु आलर गे मला निंग्है बंगस गे लेका एकास मल ऎथ्रना नू र'अदस ईद ऎथ्र'ओ का नीन उपास र'अदय। अरा निंग्है बंगस मल ऎथ्रना नू हूँ ऎरदस निंगा इनाम चि'ओस।
اكتشف मत्तायोस 6:16-18