آيات مشهورة من الكتاب المقدس منWÜHKHE 14

شارك

ATUNGPUH azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho ATUNGPUH isa lung lah; arübo dütre.”

‘ATUNGPUHNü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

ATUNGPUHNü isa kheak asühsho, apinü isa ha lomi ching bede ayübah tüsho niuhke le mukhuke bukde alakhi lomi ju isa kilim jihbah.

Tüshe I yamlarü Kaleb kheak me büthsüde alakhi hode mulong jihde I yan, api yükhi lo lim inü api bedarübah tüsho atsührü-tsührübonü ju yamrüplurüp lubah.

Arübo ki thaang, ATUNGPUHNü tha, Tsükjide I lale, inü sode nüsanü tümü thakheanü inü nüsa ki rhimobah

Tüsho ATUNGPUHNü Mosa ki tha, “ Harü mihtsürübonü külokhüh I bahyukba? Tüsho inü arü bolung khinthiyinbe huhhuh she, arünü külokhüh I kheak mükinba?

Tüsho Israelrü alalanü Mosa le Aron azhihde dapdapneangneang; boto alalanü ane ki tha, “ Isabo Ijip lo chingnü pü sheabahkhülaa! Yungsho isa ha sunglo chingnü sheabahkhülaa!

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp, tüsho Israel mihtsürü boto ki tha, “ Isanü züta kheahde hode ayükhi lo ju khide tsüdaklah.

tüshe tsükjide I lale, alomi athrünkhi I müretahkhinü amibah– tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani, inü arü bebuhrü ki thiyuchihchimkhibo tsükjide arünü müngü, yungsho I bahyukrü shenü she ju müngü.