Mat 7
7
1“Ɨsarhuapreian til, məma Ughin tɨrɨshuapreian kamiar.
2 #
Mak 4:24
“Mɨro-in-ka lə nɨkin karena iərəm kamiar nakamarhuaprai nərəmim lan, Ughin tɨrɨphuaprai mɨn kamiar lə nɨkin karena am an. Ne lə nakilan kamiar nakamaikil nərəmim lan, Ughin tɨrɨpakil mɨn kamiar lə nakilan karena am an.
3“?Kəni rɨtol nakamap nɨvsɨkɨvsɨk lə nɨmrɨ piam, mɨro nɨkim rɨshoan nɨk asul rakamɨl lə nɨmrɨm?
4“?O rɨtol tɨnakɨni to piam məma, ‘Pəs iakositha nɨvsɨkɨvsɨk rakamɨl lə nɨmrɨm,’ mɨro ap ru, nɨk asul rakamɨl əna lə nɨmrɨm atu?
5“!Ik iavsit! Ositha paupan nɨk asul iərəm rakamɨl lə nɨmrɨm, kəni ka nɨmrɨm tɨrɨphakək məma tɨnakositha nɨvsɨkɨvsɨk rakamɨl lə nɨmrɨ piam.
6“Ɨsarofənan nar avsim kəm kuri min, tamo takarvhin marowasɨsɨn kamiar, mɨsarofənan nar ɨvt kəm kɨpəs min, tamo takarevkevk am lə nəlɨkɨnilar.
Ɨrhapkin nar, kəni tɨpofɨna kəm ik
(Luk 11:9-13)
7“Eirhapkin, kəni tɨpofɨna kəm kamiar. Aitkoin, kəni tɨnɨpaip. Airuɨru tapən, kəni tɨrɨpheta to kamiar.
8“Mɨro-in-ka iərəm tɨrɨrhapkin nar tɨrɨpos, ne iərəm tɨratkoin nar tɨrɨpap, ne iərəm tɨrɨruɨru tapən, tɨrɨpheta ton.
9“?Pehe lə kamiar, takəma nərɨn tɨrɨrhapkin pret, tɨrofən kapiəl kəm in?
10“?O takəma tɨrɨrhapkin nəm, tɨrofən tagalua kəm in?
11“Kəni ka, takəma kamiar nərəmim tat min nakarhinatin məma tɨnakarofən nar ɨvt min kəm nərərɨmiar, Rɨmɨmiar lə neai tɨrapitha mapitha kamiar lə nar ɨvt min tɨrofən kəm nərəm kameirhapkin nar ton.
12 #
Luk 6:31
“To nar ka, nar min pətɨm nakamarolkeike məma nərəmim takarol kəm kamiar, pəs kamiar tɨnakarol mealan kəm ilar. In ɨk noukɨrɨ Noua Asul ne nakharan min taha iəni min taha Ughin.
Nɨkɨlu ɨsuas
(Luk 13:24)
13“Arɨn ima lə nɨkɨlu ɨsuas. Mɨro-in-ka suatu iərəm ramir til to nɨmɨsan, nɨkɨlu tahan in nɨkɨlu asul, ne suatu an in suatu asul, ne nərəmim min ripɨr kamarɨn lan.
14“Mɨro suatu iərəm ramir til to nəmiuhan, nɨkɨlu tahan in nɨkɨlu ɨsuas, ne suatu an in suatu ɨsuas, kəni nərəmim min rɨsuas am kamaip.
Tɨnakhinatin iəni eiua min lə nouanilar
(Luk 6:43-44)
15“Amaip əna iəni eiua min. Ilar kamarhuatɨkun ilar məma sipsip min marva to kamiar, mɨro lə nɨkinilar ima ilar kaivkɨrin kuri iatipɨn min kamaimek.
16“Tɨnakarhinatin ilar lə nouanilar. To kɨsosan noua nuɨlh lə nulkəsɨk, ne to kɨsosan noua nimh lə nar iərəm rol nilhɨn.
17“Rol məklan nɨk ɨvt min kamarouein nouan ɨvt min, mɨro nɨk tat min kamarouein nouan tat min.
18“Nɨk ɨvt to rɨsoueanin nouan tat, ne nɨk tat to rɨsoueanin nouan ɨvt.
19 #
Mat 3:10; Luk 3:9 “Nɨk iərəm rɨsoueanin nouan ɨvt takɨrai kəpkipən lə nɨkəm.
20 #
Mat 12:33
“To nar ka tɨnakarhinatin ilar lə nouanilar.
Iɨshinatinan kamiar nian ker
(Luk 13:25-27)
21“Rɨsolan məma nərəmim min pətɨm iərəm kamaiunin Io məma ‘Iərəmɨra, Iərəmɨra’, takarɨn ima lə niko lə neai, mɨro ilar am iərəm kamarol nar Rɨmok lə neai rolkeike.
22“Lə naunin nian nərəmim min ripɨr tɨpani ton Io məma, ‘Iərəmɨra, Iərəmɨra, ap ru məma iɨmamaivsitoin nakharan ɨvt lə nətɨgɨm, mamhailiatɨv nanɨmɨn tat min ripɨr lə nətɨgɨm, mamarol nar asul min ripɨr lə nətɨgɨm.’
23 #
Sam 6:8
“Mɨro lə nian an sɨpɨni to ilar, ‘Iɨshinatinan kamiar nian ker. !Arɨn isou ton Io, kamiar noltəvhaga-tat min!’
Ɨtɨk-hiəvin nima taham lə tui kapiəl
(Luk 6:47-49)
24“To nar ka, iərəm tɨrɨro nakharan min ɨk tahak mamol, in tɨravkɨrin ialpəkau ker iərəm ramɨtɨk-hiəvin nima tahan lə tui kapiəl.
25“Kəni nihin ramep, iapiuan rɨva, nɨmətag ramət mamho nima an, mɨro rɨshavan, mɨro-in-ka kamɨtɨk-hiəvin lə tui kapiəl.
26“Mɨro iərəm tɨrɨro nakharan min ɨk tahak mɨsolan, in tɨravkɨrin kenoeno ker iərəm ramɨtɨk-hiəvin nima tahan lə nɨməkləkɨl.
27“Kəni nihin ramep, iapiuan rɨva, nɨmətag ramət mamho nima an, kəni rhav. Mhav ka mɨtat akɨn.”
28 #
Mak 1:22; Luk 4:32 Kəni ka, nian Iesu ramol naunin lə nakharan min ɨk tahan, nərəmim min kamaiwɨr lə nətɨkunan tahan.
29Mɨro-in-ka ramətɨkun ilar ravkɨri iərəm ramərəmɨra, rɨsolan kəma nərəmim min kamatɨkun ilar lə Noua.
Iesu ramol ɨvt iərəmim ker rakamɨs i leprosi
(Mak 1:40-45; Luk 5:12-16)
Currently Selected:
Mat 7: Lenakel NT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
(c) 2023 Covenanter Press - Presbyterian Reformed Church of Australia
Mat 7
7
1“Ɨsarhuapreian til, məma Ughin tɨrɨshuapreian kamiar.
2 #
Mak 4:24
“Mɨro-in-ka lə nɨkin karena iərəm kamiar nakamarhuaprai nərəmim lan, Ughin tɨrɨphuaprai mɨn kamiar lə nɨkin karena am an. Ne lə nakilan kamiar nakamaikil nərəmim lan, Ughin tɨrɨpakil mɨn kamiar lə nakilan karena am an.
3“?Kəni rɨtol nakamap nɨvsɨkɨvsɨk lə nɨmrɨ piam, mɨro nɨkim rɨshoan nɨk asul rakamɨl lə nɨmrɨm?
4“?O rɨtol tɨnakɨni to piam məma, ‘Pəs iakositha nɨvsɨkɨvsɨk rakamɨl lə nɨmrɨm,’ mɨro ap ru, nɨk asul rakamɨl əna lə nɨmrɨm atu?
5“!Ik iavsit! Ositha paupan nɨk asul iərəm rakamɨl lə nɨmrɨm, kəni ka nɨmrɨm tɨrɨphakək məma tɨnakositha nɨvsɨkɨvsɨk rakamɨl lə nɨmrɨ piam.
6“Ɨsarofənan nar avsim kəm kuri min, tamo takarvhin marowasɨsɨn kamiar, mɨsarofənan nar ɨvt kəm kɨpəs min, tamo takarevkevk am lə nəlɨkɨnilar.
Ɨrhapkin nar, kəni tɨpofɨna kəm ik
(Luk 11:9-13)
7“Eirhapkin, kəni tɨpofɨna kəm kamiar. Aitkoin, kəni tɨnɨpaip. Airuɨru tapən, kəni tɨrɨpheta to kamiar.
8“Mɨro-in-ka iərəm tɨrɨrhapkin nar tɨrɨpos, ne iərəm tɨratkoin nar tɨrɨpap, ne iərəm tɨrɨruɨru tapən, tɨrɨpheta ton.
9“?Pehe lə kamiar, takəma nərɨn tɨrɨrhapkin pret, tɨrofən kapiəl kəm in?
10“?O takəma tɨrɨrhapkin nəm, tɨrofən tagalua kəm in?
11“Kəni ka, takəma kamiar nərəmim tat min nakarhinatin məma tɨnakarofən nar ɨvt min kəm nərərɨmiar, Rɨmɨmiar lə neai tɨrapitha mapitha kamiar lə nar ɨvt min tɨrofən kəm nərəm kameirhapkin nar ton.
12 #
Luk 6:31
“To nar ka, nar min pətɨm nakamarolkeike məma nərəmim takarol kəm kamiar, pəs kamiar tɨnakarol mealan kəm ilar. In ɨk noukɨrɨ Noua Asul ne nakharan min taha iəni min taha Ughin.
Nɨkɨlu ɨsuas
(Luk 13:24)
13“Arɨn ima lə nɨkɨlu ɨsuas. Mɨro-in-ka suatu iərəm ramir til to nɨmɨsan, nɨkɨlu tahan in nɨkɨlu asul, ne suatu an in suatu asul, ne nərəmim min ripɨr kamarɨn lan.
14“Mɨro suatu iərəm ramir til to nəmiuhan, nɨkɨlu tahan in nɨkɨlu ɨsuas, ne suatu an in suatu ɨsuas, kəni nərəmim min rɨsuas am kamaip.
Tɨnakhinatin iəni eiua min lə nouanilar
(Luk 6:43-44)
15“Amaip əna iəni eiua min. Ilar kamarhuatɨkun ilar məma sipsip min marva to kamiar, mɨro lə nɨkinilar ima ilar kaivkɨrin kuri iatipɨn min kamaimek.
16“Tɨnakarhinatin ilar lə nouanilar. To kɨsosan noua nuɨlh lə nulkəsɨk, ne to kɨsosan noua nimh lə nar iərəm rol nilhɨn.
17“Rol məklan nɨk ɨvt min kamarouein nouan ɨvt min, mɨro nɨk tat min kamarouein nouan tat min.
18“Nɨk ɨvt to rɨsoueanin nouan tat, ne nɨk tat to rɨsoueanin nouan ɨvt.
19 #
Mat 3:10; Luk 3:9 “Nɨk iərəm rɨsoueanin nouan ɨvt takɨrai kəpkipən lə nɨkəm.
20 #
Mat 12:33
“To nar ka tɨnakarhinatin ilar lə nouanilar.
Iɨshinatinan kamiar nian ker
(Luk 13:25-27)
21“Rɨsolan məma nərəmim min pətɨm iərəm kamaiunin Io məma ‘Iərəmɨra, Iərəmɨra’, takarɨn ima lə niko lə neai, mɨro ilar am iərəm kamarol nar Rɨmok lə neai rolkeike.
22“Lə naunin nian nərəmim min ripɨr tɨpani ton Io məma, ‘Iərəmɨra, Iərəmɨra, ap ru məma iɨmamaivsitoin nakharan ɨvt lə nətɨgɨm, mamhailiatɨv nanɨmɨn tat min ripɨr lə nətɨgɨm, mamarol nar asul min ripɨr lə nətɨgɨm.’
23 #
Sam 6:8
“Mɨro lə nian an sɨpɨni to ilar, ‘Iɨshinatinan kamiar nian ker. !Arɨn isou ton Io, kamiar noltəvhaga-tat min!’
Ɨtɨk-hiəvin nima taham lə tui kapiəl
(Luk 6:47-49)
24“To nar ka, iərəm tɨrɨro nakharan min ɨk tahak mamol, in tɨravkɨrin ialpəkau ker iərəm ramɨtɨk-hiəvin nima tahan lə tui kapiəl.
25“Kəni nihin ramep, iapiuan rɨva, nɨmətag ramət mamho nima an, mɨro rɨshavan, mɨro-in-ka kamɨtɨk-hiəvin lə tui kapiəl.
26“Mɨro iərəm tɨrɨro nakharan min ɨk tahak mɨsolan, in tɨravkɨrin kenoeno ker iərəm ramɨtɨk-hiəvin nima tahan lə nɨməkləkɨl.
27“Kəni nihin ramep, iapiuan rɨva, nɨmətag ramət mamho nima an, kəni rhav. Mhav ka mɨtat akɨn.”
28 #
Mak 1:22; Luk 4:32 Kəni ka, nian Iesu ramol naunin lə nakharan min ɨk tahan, nərəmim min kamaiwɨr lə nətɨkunan tahan.
29Mɨro-in-ka ramətɨkun ilar ravkɨri iərəm ramərəmɨra, rɨsolan kəma nərəmim min kamatɨkun ilar lə Noua.
Iesu ramol ɨvt iərəmim ker rakamɨs i leprosi
(Mak 1:40-45; Luk 5:12-16)
(c) 2023 Covenanter Press - Presbyterian Reformed Church of Australia