Mat 6
6
1 #
Mat 23:5
“Arsɨlatu kamiar məma nɨsarofənan nofənan thəmiar lə nɨmrɨ nərəmim, məma ilar takaip, tamo Rɨmɨmiar lə neai tɨrɨsofɨnean nɨrouan kəm kamiar ton.
2“To nar ka, nian namofən nasituan kəm iərəm rouloul ker, tɨnɨshalan naiu ton, ravkɨri nərəm kamaivsit ilar kamarol lə nimeihuak min ne lə suatu min, məma nərəmim takanivivi ilar ton. Nɨpərhienan iakamɨni to kamiar, ilar kɨnaros itha nɨrouan thɨnilar.
3“Mɨro nian ik namofən nasituan kəm iərəm rouloul ker, tɨnɨseghənanin məma nəlɨmɨm mul tɨrhinatin nar nəlɨmɨm matu ramol,
4“məma nar ɨvt namol tɨnakol auniuan am. Kəni ka Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
Iesu ramətɨkun məma nərəmim takɨtueihuak
(Luk 11:2-4)
5 #
Luk 18:10-14
“Kəni ne nian nakameihuak, tɨnɨsarolan tɨkrɨn nərəm kamaivsit ilar. Mɨro-in-ka ilar kamarolkeike məma takailil mameihuak ima lə nimeihuak min ne ikɨn suatu ramlɨpɨn min ikɨn, məma nərəmim takaip ilar. Nɨpərhienan iakamɨni to kamiar, ilar kɨnaros itha nɨrouan thɨnilar.
6“Mɨro nian ik tɨnakəhuak, vɨn ima lə nima taham mharɨg lə tapən, kəni ka maməhuak kəm Rɨmɨm iərəm ramarɨk auniuan. Kəni ne Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
7“Ne nian kamiar nakameihuak, tɨnɨsani-ɨni-əpnapɨnan nakharan karena am, ravkɨri napinəp min kamarol. Mɨro-in-ka ilar nɨkinilar rakamho məma takɨro ilar to nakhar-akharan thɨnilar.
8“Tɨnɨsarolan tɨkrɨn ilar. Mɨro-in-ka Rɨmɨmiar rɨnhinatin itha nar nɨkimiar rakamho nian nɨseirhapkinan əna.
9“To nar ka, pəs kamiar tɨnakeihuak məkləlan.
‘Rɨmɨmar lə neai,
Pəs takosit Nətɨgɨm.
10Pəs niko taham rɨva,
Pəs nar Ik nakolkeike tɨpol lə tən kəma lə neai.
11Ofa lə nian touek nar sakarkɨn touek,
12Mol ɨvt kamar to təvhaga tat thəmar,
Mɨ-in-ka-ne kamar iakamarol ɨvt nərəmim to təvhaga tat kamarol kəm kamar.
13Ɨseghənanin məma nofənofənan tɨros kamar,
Mɨro evitha kamar to Setan.
Mɨro-in-ka nərəmɨrean in taham, ne nɨsanənan, ne nɨvɨtan,
Lə noua nuw min,
Amen.’
14 #
Mak 11:25,26 “Mɨro-in-ka takəma nakamarol ɨvt nərəmim to təvhaga tat kamarol kəm kamiar, Rɨmɨmiar lə neai tɨrol ɨvt kamiar to təvhaga tat thəmiar.
15“Mɨro takəma nɨsarol-ɨvtan nərəmim to təvhaga tat kamarol kəm kamiar, Rɨmɨmiar mɨn to rɨsol-ɨvtan kamiar to təvhaga tat thəmiar.
Nian nakaməpəs naugɨnan məma tɨnakəhuak, tɨnɨsolan məma nərəmim am takaip
16“Nian nakamaipəs naugɨnan məma tɨnakeihuak, tɨnɨsarolan tɨkrɨ nərəm kamaivsit ilar, marol məma nɨmrɨmiar ramatite. Mɨro-in-ka ilar kamarol məma nɨmrɨnilar rɨtat, məma nərəmim takaip ilar məma kamaipəs naugɨnan to nəhuakan. Nɨpərhienan iakamɨni to kamiar, ilar kɨnaros itha nɨrouan thɨnilar.
17“Mɨro nian ik nakaməpəs naugɨnan məma tɨnakəhuak, pəs tɨnakaui nɨmrɨm mamol pomat lə thəmkapa,
18“məma nərəmim tɨsarhinatinan məma nakaməpəs naugɨnan to nəhuakan, mɨro Rɨmɨm iərəm ramarɨk auniuan, In pɨsɨn am tɨrhinatin. Kəni ka Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
Tɨnɨsosatinan nauta taham lə tən ɨk, mɨro apa lə neai
(Luk 12:33-34)
19 #
Jem 5:2,3 “Tɨnɨsarosatinan nauta thəmiar lə tən ɨk, ikɨn kakros ne namtean kamuətakɨn nar, ne nakhɨla min kamhaipu nima məma takaikhɨla.
20“Mɨro pəs tɨnakarosatin nauta thəmiar lə neai, ikɨn kakros ne namtean to kɨsuətakɨnan nar, ne nakhɨla min to kɨshaipuan nima məma takaikhɨla.
21“Mɨro-in-ka pətɨvɨn ikɨn nauta taham rakamɨl ikɨn, nɨkim mɨn tɨrakamɨl ikɨn an.
Nɨmrɨtil in nɨsia taha nɨpəlakɨtil
(Luk 11:34-36)
22“Nɨmrɨtil in nɨsia taha nɨpəlakɨtil. To nar ka, takəma nɨmrɨm rəvɨt, nɨpəlakɨm pətɨm tɨrɨt lə nhakəkan.
23“Mɨro takəma nɨmrɨm rɨtat, nɨpəlakɨm pətɨm tɨrɨt lə napinəpan. To nar ka, takəma nɨsia iərəm rakamɨl lam in napinəpan, napinəpan ka ripɨr akɨn.
To kɨsolatkokɨnan nar kəm Ughin ne kəm nauta taha tən ɨk
(Luk 16:13)
24“To iərəmim ker rɨsolatkokɨnan nar to iərəmɨra kiu. Mɨro-in-ka to rɨperhau ker mamolkeike ker, o to roatisɨg-ɨvtin ker mamol tanɨpɨn lə ker. To nɨsarhinatinan məma tɨnakarolatkokɨn nar kəm Ughin ne nauta taha tən ɨk.
Nɨkim tɨrɨsho-ɨpɨkan nar tɨnakɨmiuh lan lə tui tən ɨk
(Luk 12:22-31)
25“To nar ka, iakamɨni to kamiar məma nɨkimiar tɨrɨsho-ɨpɨkan nəmiuhan thəmiar, məma tɨnakarkɨn nəta mamarəmnɨm nəta, o nɨpəlakɨmiar, məma tɨnakarəviu kamiar lə nəta. Mɨro-in-ka nəmiuhan in nar asul mapitha naugɨnan, ne nɨpəlakɨtil in nar asul mapitha napən.
26“Aip ru nɨmənɨk min lə neai. Ilar kɨsaihiuan nar, mɨsaisɨman, mɨsaigrətinan naugɨnan apa ima, mɨro Rɨmɨmiar lə neai ramaugɨn ilar. ?Mɨro nɨsarhinatinan məma kamiar nakarɨvt maipitha nɨmənɨk?
27“?Pehe lə kamiar, takəma nɨkin tɨrakamho ɨpɨk nəmiuhan tahan, rhinatin mə tɨrol tɨrəpomh mɨn nian karena?
28“?Kəni ka, rɨtol nɨkimiar rakamho ɨpɨk napən? Aip ru nougɨnɨk min kamarət lənkɨru. Ilar kɨsailkutan to nar ker, kɨsatilan napən thɨnilar.
29 #
1 King 10:4-7; 2 Kron 9:3-6 “Mɨro iakamɨni to kamiar məma Solomon lə nɨvɨt-asulan tahan rɨsəviu-ɨvtan kəma ker lə ilar.
30“?Kəni ka, takəma Ughin raməviu ɨvt mealan nɨvhal əpnapɨn am lənkɨru, iərəm rakamɨl touek mɨro təlauk tɨpalakin lə nɨkəm, rɨtol nɨkimiar rakamho məma to rɨsəviuan kamiar? !Natətean thəmiar rɨsuas akɨn!
31“To nar ka, pəs nɨkimiar tɨrɨsho-ɨpɨkan nar, mɨmani məma ‘?Takarkɨn nəta?’ o ‘?Takarəmnɨm nəta?’ o ‘?Takarəviu katar lə nəta?’
32“Mɨro-in-ka napinəp min kamaitkoin narɨmnar min ɨk, mɨro Rɨmɨmiar lə neai rhinatin məma tɨnakarakeike maros narɨmnar min pətɨm ɨk.
33“Mɨro pəs kamiar tɨnakaiupan maitkoin niko taha Ughin ne nətuatuan iərəm rɨmsɨpən lan, kəni tɨpofɨna mɨn narɨmnar min pətɨm ɨk kəm kamiar.
34“To nar ka, pəs nɨkimiar tɨrɨsho-ɨpɨkan nian təlauk, mɨro-in-ka nar taha nian təlauk in taha nian təlauk. Nɨtətan taha nian karena ravkɨr to nian am an.
Tɨnɨshuapreian til
(Luk 6:37-38; 6:41-42)
Currently Selected:
Mat 6: Lenakel NT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
(c) 2023 Covenanter Press - Presbyterian Reformed Church of Australia
Mat 6
6
1 #
Mat 23:5
“Arsɨlatu kamiar məma nɨsarofənan nofənan thəmiar lə nɨmrɨ nərəmim, məma ilar takaip, tamo Rɨmɨmiar lə neai tɨrɨsofɨnean nɨrouan kəm kamiar ton.
2“To nar ka, nian namofən nasituan kəm iərəm rouloul ker, tɨnɨshalan naiu ton, ravkɨri nərəm kamaivsit ilar kamarol lə nimeihuak min ne lə suatu min, məma nərəmim takanivivi ilar ton. Nɨpərhienan iakamɨni to kamiar, ilar kɨnaros itha nɨrouan thɨnilar.
3“Mɨro nian ik namofən nasituan kəm iərəm rouloul ker, tɨnɨseghənanin məma nəlɨmɨm mul tɨrhinatin nar nəlɨmɨm matu ramol,
4“məma nar ɨvt namol tɨnakol auniuan am. Kəni ka Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
Iesu ramətɨkun məma nərəmim takɨtueihuak
(Luk 11:2-4)
5 #
Luk 18:10-14
“Kəni ne nian nakameihuak, tɨnɨsarolan tɨkrɨn nərəm kamaivsit ilar. Mɨro-in-ka ilar kamarolkeike məma takailil mameihuak ima lə nimeihuak min ne ikɨn suatu ramlɨpɨn min ikɨn, məma nərəmim takaip ilar. Nɨpərhienan iakamɨni to kamiar, ilar kɨnaros itha nɨrouan thɨnilar.
6“Mɨro nian ik tɨnakəhuak, vɨn ima lə nima taham mharɨg lə tapən, kəni ka maməhuak kəm Rɨmɨm iərəm ramarɨk auniuan. Kəni ne Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
7“Ne nian kamiar nakameihuak, tɨnɨsani-ɨni-əpnapɨnan nakharan karena am, ravkɨri napinəp min kamarol. Mɨro-in-ka ilar nɨkinilar rakamho məma takɨro ilar to nakhar-akharan thɨnilar.
8“Tɨnɨsarolan tɨkrɨn ilar. Mɨro-in-ka Rɨmɨmiar rɨnhinatin itha nar nɨkimiar rakamho nian nɨseirhapkinan əna.
9“To nar ka, pəs kamiar tɨnakeihuak məkləlan.
‘Rɨmɨmar lə neai,
Pəs takosit Nətɨgɨm.
10Pəs niko taham rɨva,
Pəs nar Ik nakolkeike tɨpol lə tən kəma lə neai.
11Ofa lə nian touek nar sakarkɨn touek,
12Mol ɨvt kamar to təvhaga tat thəmar,
Mɨ-in-ka-ne kamar iakamarol ɨvt nərəmim to təvhaga tat kamarol kəm kamar.
13Ɨseghənanin məma nofənofənan tɨros kamar,
Mɨro evitha kamar to Setan.
Mɨro-in-ka nərəmɨrean in taham, ne nɨsanənan, ne nɨvɨtan,
Lə noua nuw min,
Amen.’
14 #
Mak 11:25,26 “Mɨro-in-ka takəma nakamarol ɨvt nərəmim to təvhaga tat kamarol kəm kamiar, Rɨmɨmiar lə neai tɨrol ɨvt kamiar to təvhaga tat thəmiar.
15“Mɨro takəma nɨsarol-ɨvtan nərəmim to təvhaga tat kamarol kəm kamiar, Rɨmɨmiar mɨn to rɨsol-ɨvtan kamiar to təvhaga tat thəmiar.
Nian nakaməpəs naugɨnan məma tɨnakəhuak, tɨnɨsolan məma nərəmim am takaip
16“Nian nakamaipəs naugɨnan məma tɨnakeihuak, tɨnɨsarolan tɨkrɨ nərəm kamaivsit ilar, marol məma nɨmrɨmiar ramatite. Mɨro-in-ka ilar kamarol məma nɨmrɨnilar rɨtat, məma nərəmim takaip ilar məma kamaipəs naugɨnan to nəhuakan. Nɨpərhienan iakamɨni to kamiar, ilar kɨnaros itha nɨrouan thɨnilar.
17“Mɨro nian ik nakaməpəs naugɨnan məma tɨnakəhuak, pəs tɨnakaui nɨmrɨm mamol pomat lə thəmkapa,
18“məma nərəmim tɨsarhinatinan məma nakaməpəs naugɨnan to nəhuakan, mɨro Rɨmɨm iərəm ramarɨk auniuan, In pɨsɨn am tɨrhinatin. Kəni ka Rɨmɨm iərəm ramap nar kamol auniuan tɨrɨpofɨna nɨrouan kəm ik lə nɨmrɨ nahuto.
Tɨnɨsosatinan nauta taham lə tən ɨk, mɨro apa lə neai
(Luk 12:33-34)
19 #
Jem 5:2,3 “Tɨnɨsarosatinan nauta thəmiar lə tən ɨk, ikɨn kakros ne namtean kamuətakɨn nar, ne nakhɨla min kamhaipu nima məma takaikhɨla.
20“Mɨro pəs tɨnakarosatin nauta thəmiar lə neai, ikɨn kakros ne namtean to kɨsuətakɨnan nar, ne nakhɨla min to kɨshaipuan nima məma takaikhɨla.
21“Mɨro-in-ka pətɨvɨn ikɨn nauta taham rakamɨl ikɨn, nɨkim mɨn tɨrakamɨl ikɨn an.
Nɨmrɨtil in nɨsia taha nɨpəlakɨtil
(Luk 11:34-36)
22“Nɨmrɨtil in nɨsia taha nɨpəlakɨtil. To nar ka, takəma nɨmrɨm rəvɨt, nɨpəlakɨm pətɨm tɨrɨt lə nhakəkan.
23“Mɨro takəma nɨmrɨm rɨtat, nɨpəlakɨm pətɨm tɨrɨt lə napinəpan. To nar ka, takəma nɨsia iərəm rakamɨl lam in napinəpan, napinəpan ka ripɨr akɨn.
To kɨsolatkokɨnan nar kəm Ughin ne kəm nauta taha tən ɨk
(Luk 16:13)
24“To iərəmim ker rɨsolatkokɨnan nar to iərəmɨra kiu. Mɨro-in-ka to rɨperhau ker mamolkeike ker, o to roatisɨg-ɨvtin ker mamol tanɨpɨn lə ker. To nɨsarhinatinan məma tɨnakarolatkokɨn nar kəm Ughin ne nauta taha tən ɨk.
Nɨkim tɨrɨsho-ɨpɨkan nar tɨnakɨmiuh lan lə tui tən ɨk
(Luk 12:22-31)
25“To nar ka, iakamɨni to kamiar məma nɨkimiar tɨrɨsho-ɨpɨkan nəmiuhan thəmiar, məma tɨnakarkɨn nəta mamarəmnɨm nəta, o nɨpəlakɨmiar, məma tɨnakarəviu kamiar lə nəta. Mɨro-in-ka nəmiuhan in nar asul mapitha naugɨnan, ne nɨpəlakɨtil in nar asul mapitha napən.
26“Aip ru nɨmənɨk min lə neai. Ilar kɨsaihiuan nar, mɨsaisɨman, mɨsaigrətinan naugɨnan apa ima, mɨro Rɨmɨmiar lə neai ramaugɨn ilar. ?Mɨro nɨsarhinatinan məma kamiar nakarɨvt maipitha nɨmənɨk?
27“?Pehe lə kamiar, takəma nɨkin tɨrakamho ɨpɨk nəmiuhan tahan, rhinatin mə tɨrol tɨrəpomh mɨn nian karena?
28“?Kəni ka, rɨtol nɨkimiar rakamho ɨpɨk napən? Aip ru nougɨnɨk min kamarət lənkɨru. Ilar kɨsailkutan to nar ker, kɨsatilan napən thɨnilar.
29 #
1 King 10:4-7; 2 Kron 9:3-6 “Mɨro iakamɨni to kamiar məma Solomon lə nɨvɨt-asulan tahan rɨsəviu-ɨvtan kəma ker lə ilar.
30“?Kəni ka, takəma Ughin raməviu ɨvt mealan nɨvhal əpnapɨn am lənkɨru, iərəm rakamɨl touek mɨro təlauk tɨpalakin lə nɨkəm, rɨtol nɨkimiar rakamho məma to rɨsəviuan kamiar? !Natətean thəmiar rɨsuas akɨn!
31“To nar ka, pəs nɨkimiar tɨrɨsho-ɨpɨkan nar, mɨmani məma ‘?Takarkɨn nəta?’ o ‘?Takarəmnɨm nəta?’ o ‘?Takarəviu katar lə nəta?’
32“Mɨro-in-ka napinəp min kamaitkoin narɨmnar min ɨk, mɨro Rɨmɨmiar lə neai rhinatin məma tɨnakarakeike maros narɨmnar min pətɨm ɨk.
33“Mɨro pəs kamiar tɨnakaiupan maitkoin niko taha Ughin ne nətuatuan iərəm rɨmsɨpən lan, kəni tɨpofɨna mɨn narɨmnar min pətɨm ɨk kəm kamiar.
34“To nar ka, pəs nɨkimiar tɨrɨsho-ɨpɨkan nian təlauk, mɨro-in-ka nar taha nian təlauk in taha nian təlauk. Nɨtətan taha nian karena ravkɨr to nian am an.
Tɨnɨshuapreian til
(Luk 6:37-38; 6:41-42)
(c) 2023 Covenanter Press - Presbyterian Reformed Church of Australia